"Azdyrmasyn azana duçar etmesin" Bu dilegler her çopanyñ her naharda, her namazdan soñky etýän dilegleriniñ biri. Çaganyñ ýarsy azypdyr ýada bolmasa pylany meslikden azypdyr ýaly sözler umuman alanyñda azan sözi halanmaýan zat hökmünde galypdyr. Ynha indi näçe ýyldan soñ çölde azan sözüniñ doly manysyna düşünip galdyk. Ýala gelýän möjegiñ yzyna düşüp gidýän ite azan azgyn diýilýär eken. Möjek garrap öz awuny alyp bilmez ýagdaýa baranda ordadakylar ony kowýar ekenler. Erkek möjek mertlerçe özüni gurban berýär. Emma ene möjek goýun itlerini gara görnümden öjükdirip yzyna düsürip gaçyp başlaýar ýetiberende yzyna öwrülip haýbat atýar we itleriñ ysgyny gaçyp yzyna öwrülýänçä kowalaşýar. Itleriñ içinde ýala gelen möjegiñ pynhan gatnaşygynyñ süýji lezzetine añyny aldyrany has yhlaslysy gyltyzrak dalanyna dislärine garaman möjegiñ yzyna düşýar. Açlykdan surnugan azgyn ahyry sürä gaýdyp gelende onuñ üstüne möjegiñ ysy ornansoñ ondan goýunlar gaçyp başlasa itler ony dalap ugraýar. Onsañ ol it asa wepadarsyrap ýallaklap çopanyñ ynamyna girenden soñ ol ilki goşdaky zatlardan ogurlap öz möjek jorasynyñ ýanyna daşaýar. Soñabaka yza galan owlak guzy semizlikden guýrugy jaýrylyp gurtlan tokly ýatakda galdyrlan ýarawsuz goýun azgynyñ awy bolýar. Iñ soñunda üsti açylan azgyn gönümel bihaýa hüjüme geçip ugraýar. Yzyna ene möjegi tirkäp goýun sürüsiniñ gowsak ýerinden urýar. Egerde sol döwürler olaryñ güjükleýär we has howuply bolýar. Semräp özüni tutan ene möjek öz ordasyndan hem öz ýanyna çekip ugraýar. Azgyny öñüne salyp gelýän möjekler adaty möjeklerden iki esse howply bolýar. Sebäbi süriniñ ähli ýerine belet bolan azgyn ilki wepadarsyrap soñ sürüniñ ýeñsesinden urýar. Bu häsiýet gynansakda adamlardada köp dus gelýär

+1

190

28

15

10

0

Mowzugy VIP edenler:

— 1 sagat vip etdi.28.01.2020 / 15:15:25