20:20 Mowzuk

Iki sany aşyk-magşuk bar eken. Olaryň söýgüsi, "yşk oduna ýana-ýana, köýer boldum ýar derdinden" diýlişi ýaly eken. Durmuş gurmak barada alada edýär ekenler. Emma günleriň birinde aşyk oglan, daşary ýurda okuwa gitmeli bolýar. Bu wakany eşiden gyzyň gözlerinden boýur-boýur ýaş dökülýärdi. Onsuz nädip ýaşajagyny göz öňüne getirip hem bilmeýärdi.“Aşyk bolmaz, köp hunaba ýuwtmasa, magşuk bolmaz, bagryn kebap etmese” diýlişi ýaly olar wagtlaýynça aýra düşmeli bolýar. Edil şol wagt, ýaş ýigit jübisinden bir ýüzük çykaryp şeýle diýýär: “Men bäş ýyldan soň dolanyp gelerin söýgülim. Ýöne bir şertim bar, meni hakykatdan hem söýýän bolsaň, şol güne çenli barmagyňdan şu ýüzügi çykarma”. Magşuk gyz çäresiz bu şerti kabul edipdir. Oglan ýola rowana bolupdyr. Gyz ýüzügi barmagyndan hiç wagtam çykarmandyr. Ýigidiň dolanmaly wagty hem gelip ýetipdir. Magşuk gyz deňiz menzilinde söýgülisini garaşyp oturan eken. Birden, gämiden çykyp gelýän söýgülisine gözi düşýär. Gyz juda şatlanyp öz ýerinden galyp, özüniň nirededigini görkezmek üçin elini galgadýar. Edil şol wagt hem gyzyň barmagyndaky ýüzük jülpüldäp deňze gaçýar we düýbüne çümüp gidýär. Näme etse-de, näme diýse-de oglany ynandyryp bilmeýär. Şeýdip oglan gyzy terk edýär.Aradan bir näçe wagt geçýär. Gyz söýgülisi bilen hemişe bilelikde barýan restoranyna barypdyr. Bir seretse ol ýerde söýgülisi hem oturan eken. Gyz oglanyň ýanyna baryp, bolup geçen wakany aýdyp berýär. Ilkibada oglan gyza gulak asmaýar. Uzak wagtlap, aýralyk derdini çeken, birek-biregiň didaryna muşdak bolan bu aşyk-magşuklar, aýralyga çydaman gujaklaşyp görüşýärler. Olaryň begençden ýaňa bogazlary dolýar. Ahyr soňy şu duşuşygyň şanyna, balyk getirmeklerini sargaýarlar. Az salymdan soňra, lezzetli bişirilen balyk öňlerine gelýär. Soňra işdä bilen balygy iýjek bolup, balygy kesenlerinde, onuň içinden näme çykdy diýip pikir edýärsiňiz? Ýüzükmi?

Ýok bilmediňiz, gylçyk çykypdyr.