Süýt we suw.

Öñem bir obada dert-alada, hor-homsulyk artyp başlapdyr. Ol ýeriñ arćyny bu ýeter-ýetmezligi aradan aýyrmak, haly has agyrlara hemaýat etmek üçin ýerli ilatdan geñ bir zat talap edipdir. Ol obanyñ ortasynda ullakan gazan goýupdyr. Her maşgaladan bir erkek we zenan adam şol gazana bir okara süýt guýmaly edilipdir. Arćynyñ talabyna görä, süýtli tabagyñ agzy ýapyk bolmaly we biriniñ sûýt guýandygyny beýleki biri görmeli däl edilipdir. Adamlar arçynyñ teklibini ýerine ýetirmek üçin öýlerine howlugypdyrlar. Agşam örüden gelen sygyrlaryny sagyp, şondan bir okara süýdi hiç kime bildirmän uly gazana guýup gaýdypdyrlar. Ertesi irden arçyn gelip gazanyñ gapagyny galdyrypdyr. Ol näme görendir öýdýäñiz? Bir gazan doly arassa suw! Asyl, adamlaryñ her biri öz ýanyndan: "Bir gazan sûýde bir tabak suw guýanym bildirip durmaz" diýip pikir edipdir. Olaryñ her biri beýlekileriñ dogry hereket ederine bil baglapdyr. Gazana bir okara sûýde derek suw guýjak adam ýeke özleridir öýdüpdir.
Seniñ özüñ nähili hereket edýärsiñ? Çykgynsyz ýagdaýlarda, kynçylykly pursatlarda sûýt sorasalar, hakykatdan-da, süýt berýärmiñ ýa-da suw?
Eger-de: "Munça adamyñ arasynda meniñ işlemändigim bilnip durmaz" diýip, işińi tamamlaman goýýan bolsañ, onda seniñem sûýde derek suw guýýanlygyñdyr.
Şonça ýagşy niýetliniñ ýanynda meniñ bolgusyzja pikirim köpçülige zelel bermez diýýän bolsañ, onda bu-da sûýde derek suw guýýanlygyñdyr.
Kömege mätäç birine ýardam goluny uzatman: "Kimdir biri hemaýat eder-dä" diýip biperwaý ötüp bilýän bolsañ, bu hem sûýde derek suw guýýanlygyñdyr.
Hatda wagtyñy biderek zatlara sarp edip, ony okuw, ylym-bilim, haýyrly iş üçin peýdalanmaýanlygyñ hem sûýde derek suw guýýanlygyñdyr. Bilýäñizmi näme, siziñ ertirki rysgal-berekediñiz şol gazana guýýan zadyñyza baglydyr.

Çeşme: Nesil gazetinden.

156

14

4

4

0

Mowzugy VIP edenler:

— 1 sagat vip etdi.26.07.2019 / 04:09:12