Käbir adamlaryň berlen söze geleňsizlik bilen çemeleşýändigine biziň gözümiz ýetip dur. Wagtymyzyň bolmajagyny bilsek hem, dostumyza indiki hepdede günorta naharyna çykylýan arakesmede ýanyna aýlaň-çaýlaňa barjakdygymyzy aýdýarys. Özümize-de şu ýyl hökman birneme horlanjakdygymyzy, sadarak ömür sürüp, durmuşda köpräk şatlanjakdygymyzy söz berýäris. Şol bir wagtda-da durmuşymyzy çuňňur özgertmek bilen bagly aýratyn bir niýetimiz hem ýokdur. Şonsuz welin beýle maksatlara ýetilmeýär.

Uzak wagtlap boş wadalary berseň, bu endige öwrülýär. Ýöne esasy wawwaly mesele, sözüňde durmasaň, saňa ynam bildirilmegi bes edilýändir. Saňa ynanman başlasalar, ynam bagyny üzüp taşlaýansyň. Ynam erişlerini gyrsaň hem, bu hökman ýakynlaryň bilen ara açylmagyna getirer.

Dogruçyllyk ýörelgesini özleşdirmek üçin, başlangyç hökmünde hepdäniň dowamynda özüň üçin «hakykat hepdesini» döret: indiki ýedi günüň dowamynda daş-töwerekdäkiler bilen özara gatnaşyklaryň ählisinde, hatda öz-özüň bilen hem aňrybaş derejede dogruçyl bol. Dürs hereket etmek başartmadyk her gezekde sen özüňde nädogry hereket etmek endiginiň ýoluny arçaýansyň. Hakykaty aýtmadyk her bir pursadyňda, sen ýalan sözlemek endigini ýallaýansyň. Eger kimdir birine nämedir bir zady etjekdigiňi wada berýän bolsaň, ony berjaý et. Sözüniň yzynda durup bilýän adam bol, diňe agzynda aş gatyklap, hiç hili iş etmeýän kişi bolma. Tereza enäniň aýdyşy ýaly: «Az gürlemek gerek: takal okalýan ýerde — doganlaşylmaz. Onda sen näme etmeli? Eliňe sübsäni al-da, kimdir biriniň öýüni tertibe sal. Şunuň özem ýeterlik sözdür».

Awtor: Robin Şarma
Taýarlan: Arslan Alaýew.

91

20

1

8

0

Mowzugy VIP edenler: