Är-aýal otuz ýyl bile ömür sürüpdir. Bu senäni baýram edip belleýän günlerinde hem aýaly, öňki endigine görä, bulka bişiripdir. Her gün irden naharyň ýany bilen saçaga äbermek üçin bulka bişirmek onuň endigine öwrülip giden eken. Ol edil öňki edişi ýaly bulkany ortarasyndan keseligine kesip, oňa mesge çalyp, adamsyna äbermek üçin barýarka, birden saklanypdyr-da, içini gepledipdir:



— Otuz ýyllyk toýumyzyň bellenilýän gününde munuň gyzaryp duranja üstki bölegini özüm iýäýsem nähili bolarka, bu meň otuz ýylky arzuwym ahyry. Men şunça wagtlap şu öýüň ody bilen girip, küli bilen çykyp ýörün, adamymyň bir aýdanyny iki gaýtaladamok…» Şeýle netijä gelip, ol bulkanyň aşaky bölegini adamsyna uzadýar.

Uzatsa-da, uzadýar welin, eli sandyrap dur — her näme diýseňem otuz ýyllyk ýörelge bozulýar-da! Adamsy uzadylan bölegi alyp, şeýle diýipdir: «Bu gün sen maňa bahasyna ýetip bolmajak sowgat etdiň, ezizim! Otuz ýyllap men özümiň iň gowy görýän, iň bir höwes edýän bölegimi iýip bilmedim, sebäbi ony diňe seniň paýyň hasaplaýardym».

89

26

3

3

0

Mowzugy VIP edenler: