Bahar pasly hakyndaky iň gowy goşgy hasaplaýan şuny.

Bahar gelse bar zad bashgaca bolyar tazeden jan inya hemme zadada

Etegi suwlakly,seri gubarly,
Daglaryň üstüne bulut gerindi.
Magtymguly Garlyň ,,Daglary" ýaly,
Daglar gümmürlendi,
Diýmek,mart geldi.

Ine,siller gaýdar ömür mysaly,
Meseler,peseler–topraga howlar.
Zeminiň söýgüsi,asman yhlasy
Ýagyşdan ýadygär gülälek galgar.

Perwanalar dörär,yşkdan sepildir,
Günüň bolsa şowhunlarda hyýaly.
Ýeňles ýel gol bular,
Gül gitsem diýer,
Bagtyna biperwaý,lälik gyz ýaly.

Toprak–mäherm ene çeker syýyndan,
Ata dek alarlar gyňyr gaýalar.
Ärler Mertliginden, Ar-namysyndan,
Bina bolan Ygraryndan gaýalar.

Ine,bir derede gaplaň arlady...
Ana,bir gaýadan bürgüt düwüldi...
Magtymguly Garlyň ,,Daglary" ýaly
Daglary güwledip Dag gümmürlendi,
Diýmek,mart geldi.

Gurbandurdy GELDIÝEW.