03:20 Mowzuk

"Tegelek stol"-yň 5-nji ýubileý sanynda hoş gördük.
Bu gezekgi söhbetdeşimiz zenan agzamyz @Miss_Happy.

Ara şunça wagt düşdi. Özüňe gezek gelende sygryň guýrugynda pyçak döwäýdiň öýdýän diýmegiňiz mümkin.

Yzygiderlige görä bu gezekgi söhbetdeş özüm bolmalydym. Ýöne özümiňem gaçyp gitjek ýerim ýok. Özüm gurnap, özüm gatnaşyp ýörmegi entek irräk görýän. Nesip bolsa 15-20-nji seriýalarynda özümi hem soraga tutjak. Oňa çenli başga burça diremeli agzalarymyz köp entäk.)

Ýöne ýene bir sebäbi: geçenki söhbetdeş @Bagananyň şerti bejermezligem boldy diýsem ýalňyşmaryn. Eger şerti bejeren bolsa, özüm gatnaşmagym ahmaldy. Ýöne owarram. Geçen geçdi.

Şonuň üçin @Miss_Happy agza özüm teklip berdim. Oda razylaşdy.

Hormatly agzalar şertler ýönelige goýulanok. Gatnaşyjylara "indiki gatnaşjak agzany siz saýlamaly we razyçylygynam siz almaly" diýip keýpine belläp geçemok. Indiki gatnaşjak adamynyň soraglara jogap beriş razylygyna we goýulan şertleri berjaý edişine "şumatgy" agzanyň özi jogap berýär.

Mowzuk açmak şerti hökmanmy diýseňiz. Maksadym: azajyk forumy janlandyrmak. Pikirler bölüminde-de pikirleňi paýlaşyp bolýar, emma blog açylsa pikirler aşak süýşüp ýa pozulyp gitmeýär. Söhbetdeşligiň yzygiderligi saklanýar we saýtyň bazasynda ömürlik ýadygärlik galýar.

___________________

Uzyn gepiň gysgasy... Soraglara geçýäs.

1. Özüňiz bilen umumyrak tanyş edäýiň. Geçen zähmet ýoluňyz, ugruňyz, maksatlaryňyz.

___________________

2.
a) Näme üçin türkmen ýaşlary kitapdan bizar?

b) TOP-3 - peýdaly hasap edýän kitabyňyzy ýazyň.
Ýöne sebäbini giňişleýin düşündirmeli. Meselem: häzirki wagtda ine 'şu' kitaby okamak, biziň plan-plan meselelerimize çözgüt bolup bilerdi ýa-da plan häsiýetdäkilere, ýaşdakylara peýdasy degerdi, plan kişilere maslahat bererdim diýip, doly düşündirilse gowy boljak.

___________________

3. Младенец на прогулке, или Ползком от гангстеров - atly kinony görmedigimiz ýok bolsak gerek. Şu kinodaky çagajygyň ýerine öz ogluňyz bolan bolsa nähili duýgulary başdan geçirerdiňiz?)

___________________

4. Durmuşda "şu zady etmän ölsem, ahmyrly bolaryn" diýýän zadyň barmy?

___________________

5. Köplenç oturan krugyňda ölüm hakynda söz açsaň köp kişä ýakmaýar. "Goýsanaý, ölümi agzamasana" diýýäler. Menem olara "näme ölümi agzamadygyň bilen, ölüm aňryk süýşýämi, nabarot köpüräk ýatlamaly, öz nebsiňi terbiýelemäne gowy ölümi ýatlamak" diýýän. Owaly bar bolan, hak zady gizlemek, agzamazlyk akmaklyk dälmey? Çünki Pygamberimiz s.a.w "Ölümden gowy wagyzçy ýokdur" diýipdir.
Şonuň ýaly, siz ölüm hakynda pikirlenýäňizmi? Hawa, bolsa näderejede?

___________________

6. Näme üçin aýallar öte duýguçyl? Bu size mahsus häsiýet hem bolsa, emma köp ýerde peýdadan beter zyýana işleýä. Ýönekeý bir görülen düýşdenem ullakan many ýasajak bolýaňyz.
Ýa-da goşgudyr-ertekilerdäki awtoryň öz söwer ýaryny Aýa, Güne, Ýyldyza deňemegi, onuň üçin janyny bemeklige taýynlygyny aýdanda aýagyňyzy ýerden üzýäňiz...

___________________

7.
a) "Türkmen aga şeý diýipdir" diýen mahalyň Türkmen aga kim diýip soraýar käbirleri… Şonuň ýaly, Türkmençilik diýip nämä düşünýärsiňiz, oň çäklerini nämeler kesgitleýär siziň pikiriňizçe?

b) Türkmençilikdäki käbir 'ýazylmadyk kanunlara' garaýşyň nähili?
Meselem: öýüň körpä galmagy;
Eneň-ataň çyzyp beren komfort durmuşy (meň diýenime durmyşa çykarsyň/öýlenersiň)
We.ş.m

___________________

8. Wawwaly bir temany gozgaýyn...
Näme üçin aýal-gyzlar köçede isleýşi ýaly geýinmeli, emma oňa seredýän erkekler "günäkär" bolmaly?
Erkekler aýallara beýdip geýinmäň diýseler, biz günäkär däl, biz özümize seretdirjek bolup geýinemizok diýýäler...
Bu näderejede dogry?
Birinjiden-ä, gyzlaryň beý diýýäni ýalan. Islendik aýal-gyzam üns çekmek üçin özüne çekiji geýinýär. Ikinjiden, erkekler seretse günäkär bolmalymyş... seretmäýin diýip başyňy egip gezäýmeseň, başga alajy ýogam häzirki wagtda..

Indi biraz öz garaýşymy ýazaýyn;
Gözelligini hemmä görkezjek bolýan gyzyň 1-njidenä ahlagy ýokdur ýa-da pes...
We ýene-de bir zady hasaba alyň.. aýdaly, özüňiz äriňiz bilen köçede gol tutuşyp barýakaňyz, äriňiziň gözi daş-töweregine garanjaklap barsa, aýal-gyzlary nazaryndan sypdyrmaýan bolsa, nähili duýarsyň özüňizi? Menä munyň golundan tutup barsam, munyň bolsa ünsi başgalarda diýmersiňizi?
Hawa, diýerin diýseňiz, woot şol aýalyň ýerine özüňizi goýup görüňdä onda...

Aslynda köp pitneleriň, düşünişmezlikleriň başy hem şundan gelip çykýar.
Hemme aýallaram aňrybaşy derejede gözelligini öz ärlerine gurban etmeli. Sen etmeseň, ana, köçede başga etjek kän. Onsaň ertir bu näme üçin köçeden ýygnananokga diýmeziňiz ýaly aýdýan muny...
Men bärde erkekleriň ýüzüni ýuwjak bolomok. Yňdarma ýaly biriniň daşky sypatyna maýyl bolup gitmegi dogry hasaplamok menem. Tembole maşgalaly bolup.

___________________

9.
a) saýtda näçe agzany real tanaýaň?

b) Admin bolsaň, saýtda nämelere üýtgeşme girizjek?

___________________

10. Ine şu ýeriň arassy bolmaly diýip ýüregini görkezip, adamkärçiligim bar diýip, tagat-ybadat etmeýänlere nähili garaýaň?

___________________

11. Bilşimçe, rus sözlerini köp ulanýaňyz. Bu endikmi? Ýa öýde hem şu tempde gürleşýäňizmi maşgala agzalary bilen? Sebäbi köp kişi öýde şeýle bolonsoň, başga ýerde-de şeýle sözleşýär.
Şol türkmen sözleminiň içine rus sözüni goşmaklygyň näme aýratynlygy bar. Rus sözüni goşsam ýeňil düşündirip bilýän hasap edýäňizmi. Ýa türkmen söz goruňyz azlygy üçin rus sözlerden peýdalanýaňyzmy?
Umuman, siz hakynda däl. Başgada şeýleler köp. Özüm şu hakynda mowzuk açjak bolup ýördüm, belki kanagatlanarly jogap berseňiz, ol mowzugy açmazlygymam mümkin.

___________________

12. Eger ýanýoldaşyň saňa bir gadaganlyk buýursa, sözsüz kabul edip bilýäňmi? Är sözi kanunmy.
Kabul etmeklik maşgala agzybirligine, rowaçlygyna sebäp bolup bilermi, ýa-da kabul etmesizlik nämelere getirip biler?
Umuman, şu hakda giňişleýinräk jogap berseň hoşal bolardyk.

___________________

13. Milletparazlygy ýigrenýäňmi?
Sözüňde-de, amalyňda-da ýigrenmeýänligiňi subut etmek üçin 1-2 sany çynlakaý mysal getiräý?
Çünki hiç kimem hawa ýigrenýän diýmeýär. Ýigrenemok diýip, kawagt gaýry tire-taýpalyny görende, iş salyşanda azda-kände "milletparazlygy" gozgamagy mümkin.

___________________

14. Yrymlar bilen araň nähili?
Belki, erkek oglan bolan bolsa bu soragy bermezdimem, ýöne, şu yrym-ýorumlara aglaba aýal-gyzlar ýykgyn edýär.
Esasanam ýaş gelinler ýaş çagaly wagtlary, dilsiz-agyzsyz çaganyň çyrlap aglamasyna, gyzdyrmasyna düşünmän, terjibesizlikden peýdasy näbelli yrymlara ýüz urýalar.
Diňe çagada däl. Umumam, hemme meselelerde düýbi näbelli, subudy ýok yrym-ýorumlar bilen öz durmuşyny kynlaşdyryp ýörler.

___________________

ŞERTLER!!!
a) Edil häzirki döwrüň türkmen lukmançylygyndan göwnüň suw içýärmi? Özüň hoşalmy?
Umuman, bu hakda öňler pikirlerde-de pikir alyşypdyk az-owlak.
Düýpli keseliň bolsa welaýatlardan, çet obalardan merkeze gelýäler. Has düýpli bolsa daşary ýurda gidýäler saglygyny dikeltmek üçin.
Näme üçin hemme ýerde strategiýa deň däl. Ýa bu adaty zatmy?
Umuman, häzirki lukmançylykda okaýan talyplaryň hünär derejesi, olaryň täze lukmançylyk enjamlaryndan baş çykaryp biliş we bilmezligi hakynda 2-3 güniň içinde gysga we peýdaly mowzuk açmaly.

b) Indiki myhman bolmaly agzany SIZ saýlaýaňyz. Razyçylygynam siz alýaňyz.

ç) Indiki myhman boljak söhbetdeşimize şu ýerde sorag galdyryp gidýäňiz. Biz şol soragy indiki agzamyza 1-nji sorag hökmünde berýäs.

___________________

Galanyny agzalar bilen bilelikde teswirlerde dowam ederis...

Mowzugy VIP edenler:

Salamälik hemme agzalara. Dark_Wolf diýseň gyzykly soraglar beripsiň, indi jogaplamaga başlaýyn.
1. Men Miss Happy, zähmet ýolum entek beýle uzyn dal, M.Garryýew adyndaky TDLU-nyn uçurymy, talyp wagtym 3 ýyl medsestra, okuwy gutaryp 1 ýyldan gowyragam lukman bolup işledim. Häzir dekretda, öýde, aýlyksyz zähmet çekýän

. Maksat diýilse öň kelläme diňe okamak, işlemek, şu wagtkymdan aňyrdaky bir derejelere ýetmek gelýärdi, ýöne häzir esasy maksadym maşgalam, çagalarymy gowy terbiýeläp bilmek we olara gowy eje bolup başarmak. Ondan aňyrda bolsa nesip bolsa gowy, tejribeli, ynsaply lukman bolup ýetişmek.

2. a) "Döwür sheýle, döwür" Şu soragyň esasy jogaby telefonmyka diyyan. Peýdasy kop bolşy yaly, zyýany hem kop bolan zat hasap edýän telefony. Kitap okamagy halaýan biri bolsam hem özümde-de köp bolýan ýagdaý, bir kitaby okap başlap soň ýene telefona güýmenip gitmek. Elýeterde şunça güýmenje bar wagty ýaş çagalaryň has hem kitap okasy gelenok onsoň. Nadanlyk häzir moda boldy diýsegem ýalňyşmajak ýaly, ene-atalar hem şu meselä köpräk üns berseler gowy bolardy, meselem öýde elýeterde kitaplaryň bolmagy (kitapsyz öý ýokdur diýmäň, köp), bir kitap okasa kiçiräk baýrak goýmak bilen höweslendirmek bilen ýuwaş-ýuwaş okamaga söýgi döretmek bilen.
b) 1. Ошо - Осознанность kitaby. Bu kitap adama durmuşyň her hili ýagdaýlarynda özüňi elden bermezligi, şu ýagdaýa beýleki tarapdan seredip bilmekligi, has ünsli we parahat bolmaklygy öwredýär. Diýseň ajaýyp kitap bolmak bilen, durmuşda kynçylyklary başdan geçirýän adamlara rahatlanmaga, baş alyp çykmaga, beýleki adamlara hem has kämilleşmäge kömek edip biler. Ýaş kategoriýasy meň pikirimçe 20 ýaşdan ulylar üçin.

2. Джером Девид Селинджер - Над пропастью во ржи. Bu kitap okaýarkaň gyzyksyz ýaly görünýär, emma örän manyly. Hemme ýaşdaky adamlar hem okamaly diýip pikir edýän. Bir tertipsiz ýetginjegiň içgepletmelerinden düzülen ýaly bolsa hem kiçiräk ýaşdakylara nähili adam bolmaly däldigini, durmuşda hiç özüňiň gereksiz däldigiňi, ulyrak ýaşdakylar üçin ýaşlaryň içki dünýäsini açyp görkezip çagasyna, jigisine dogry çemeleşmäge kömek edip biler.

3. Masaru Ibuka - Üçden soň giç. Bu kitaby ähli ene-atalar okamalymyka diýýän. Köplenç çagalar ene-atasyň saýlan ýolundan gidýändikleri üçin durmuşda näme isleýändigini bilenoklar. Bu kitapda çagalaryň öz güýçli tarapyny ýüze çykaryp bilmek üçin olara goýmaly mümkinçilikler hakynda aýdylýar. Her bir adam öz ugrundan güýçli hünärmen bolsa dagy köp meselelerimiz çözülermikä diýýän)

Miss Happy, Haysy ugurdan gutardyn

Miss Happy, adamyň ömründe diňe gowy günler bolup duranok dogan köseniçli günlerem bolya kösenen güniňde ýardam beren gapdalyňda bolan adamyny agzap geçäýseň gizlin bolmasa?

Ilki bilen ýoldaşym, soňam eltim. Ejem-kakam, maşgalam her kynçylykda dik durar elbetde. Ýöne eltimin dogan ýerinde durmagy hiç ýadymdan çykmaz, sagbolsun.

Miss Happy, asla bagyslamaryn diyen vagtyn boldumy?!

Miss Happy, bolmadyk bolsa nameni asla bagyşlamarsyñ?

Bolupdy, wagt geçdi, bagyşladym ondada. Ýöne barybir ýüregiňde galýar.

Dönüklik, satmaklyk (предательство) asla bagyşlamaryn diýýärdim, ýöne durmuş bu, etmerin diýen zatlaryňam ediliberýär

Aýaldogan, şertiňi bejer. Iň soňky günüň şu gün)

Ertir ýazjak, şerti bozýan bolsamam neme görmäň)

Eltini öwýänem bar eken))

az eşitmedim şu sözi

[spoiler=][/spoiler]Salam Miss Happi! Mende şeyle sorag emele geldi, şu wagt okap.Maksatlarynyzda maşgalam we çagalarym diyip bellap geçipsiñiz. Indi size bermekçi soragym,zenanyñ çagasynyñ onindaki borjy diyip nama dusunyaniz.

Гулжан, Salam. Ilki bilen iň bärki zatlar elbetde arassa geýindirmek, süýji iýdirmek. Sylanşygy öwretmek, terbiýe bermek we durmuşda öz ýoluny tapmaga kömek etmek borjumyz hasap edýän.

Ýenede bir sorag! Eje hökiminde gyz perzent bilen oglan perzende terbiýe ýolyny bir tempde alp gitsek gowymy ya ayra?

Гулжан, terbiýe ýoluny bir tempde alyp gidip bolar, emma her näme diýilse-de gyz çagany biraz aýap, berk saklanmagynyň tarapdary men-ä.

Pikirdeş ekenik.Işiñizde üstinlik!

Гулжан, minnetdar. Size-de! )

3. Şol kinoda çagaň ejesiniň suşilkadan oglunyň eşiklerini ýygnap lapykeç bolýan sahnasy bardy. Ol günjik menem eşiklerini ýygnap durkam şo sahna ýadyma düşüp pikirlendim şuny)) Elbetde gaty uly alada galaryn, dälliremejekdigime garantiýa ýok)

4. Bar. Ynsaply çagalar ýetişdirip bilmesem gürrüňsiz ahmyrly ölerin.

5. "Ölüm hakda pikir etseň ömür öýkelärmişin.." öňler ine şu setirlerdäki ýalyrakdy meň pikirlerim. Emma soňky ýyllarda ölüm hakda köp pikirlenýänem, agzaýanam. Elimden gelşi ýaly armansyz ýaşajak bolýan, amal depderime erbet ýazgylary düşürmezlige çalyşýan. Ölüme taýýarlanmak üçin ýaşaýan diýsemem ýalňyşmaryn.

6. 1-nji bilenä tebigatymyza mahsus zat welin galyberse-de çagalykdan "gyzym, gyzjagazym" diýlip, has aýap saklanýanymyz üçin bolup biler. Ol goşgylar, ertekilere ynanyp duýgulanmak hem bir ýere çenli bolýan eken, real durmuşa gadam basaňdan soň gözüň açylýar ol zatlardan. Hem durmuşyň gyzygy hem şonda dälmi? Biz hem siz ýaly bolan bolsak gowy bolmazdymyka diýýän, zenanlara duýgydyr-näz ýaraşýar (çeni bilen)

7. Şo sözi eşitsem telpekli, donly, gara öýden girip çykýan ýaşuly adam gözöňüme gelýär

a) Türkmençilik diýip özüňden ulyny sylamaklyga, edep-haýaly bolmaklyga, umuman 90/100 gowy zatlara düşünýän. Ýöne köp ýerde ýaşlary hiç gürlemäge, saýlaw etmäge haksyz edip goýýar - muny welin goldamok.
b) öýüň körpä galmagyna neýtral garaýan, iki tarapyň hem razylygy bar bolsa körpe maşgala hem göçüp biler ýa-da käbir maşgalada uly ogul, uly gelin has ýakymly ýa-da maddy taýdan üpjünçiligi ýokary bolýar, ana şeýle ýagdaýlarda ene-ata uly ogluna göçäýen ýa-da körpäni göçürip uly bilen galan ýagdaýynda-da hiç hili aýyp hasap edilmeli däl meň pikirimçe.
Ene-ataň ýamanlygy ýok öz çagasyna, bu hakynda gürrüň ýok, emma ömrüni bile geçirjek adamsyny bir adama derek başgasynyň saýlamagy hiç hili ýagdaýda dogry däl. Adam eger ýalňyşsa-da öz saýlan ýolunda ýalňyşsyn. Özleri saýlap bermekden beter plança ýaşa çenli hökman durmuş gurmaly diýip berýän düşünjeleri has uly ýalňyş, bu gürrüňiň özi aýratyn bir uly tema.

8. "beýdip geýinmäň diýseler, biz günäkär däl, biz özümize seretdirjek bolup geýinemizok" bu elbetde ýalňyş, isledigiçe dar ýa-da alaň-açyk geýse soň maňa biri plan diýdi diýip gaty görmäge haky ýok, ýöne gaty görjek adam hem beýle geýinmeýär. Aslynda adamsyny sylaýan ýa-da terbiýeli maşgaladan çykan gyz beýle geýinenok. Bilýäňiz-ä kimler şeýle geýinýär. Ýöne olar häzirki döwürde "elita" boldular, indi utanmagyň ýerine norma salyp barýarlar we elbetde bu ýagdaýda olary maşgalasynyň rysgyndan bölüp "elita" derejä ýetirýänleriň hem günäsi diýseň köp.
" Onsaň ertir bu näme üçin köçeden ýygnananokga diýmeziňiz ýaly aýdýan muny..." bu sözüň bilenem ylalaşamok, gelniniň gözelliginden öňde adamsynyň ynsaby durýar bu soragda, sebäbi örän owadan zenanlarada ikilik edilýän ýagdaýlar duş gelmän durmaýar.

9. a) Shapak, Yadov, Mahri agzalary realda 1 gezek görüpdim.
b) gyzyklanmam bolmansoň pikirim ýok

10. Ýüregiň arassa bolany gowy zat, ýöne wagt barka her bir adam ýygnap bilenini ýygnamalymyka diýýän, düşünersiňiz) diňe kalbyň arassalygy ýeterlik bolsa ol sünnetler, parzlar bolmazdy ahyryn.

11. Öýde beýle gürleşemzok, baryp ýatan türkmen maşgalasynyň çagasy men (: türkmen söz gorum hem az däl, türkmen çeper kitaplaryny köp okapdym, islendik bir zady türkmen dilimizde düşündirip bilýän, ýöne rus dili meni kiçilikden gaty özüne çekýärdi, örän halaýandygym üçin we düşündirmek has ýeňil düşýänligi üçin rus sözlerini goşup gürleýän. Rus dilini halaýanlygyma delil hökmünde aýdasym gelýär: talyp wagtym her topara mugallymlar iş tabşyrýardylar "TÖBI" diýip, plakat, kitap, terjime we ş.m. Şonda terjime işini toparyň adyndan özüm edýärdim we "örän gowy terjime edilipdir" diýip ýene-de haýyş etmeleri az bolmandy.

12. Hawa, kabul edip bilýän. Birek-biregiň talaplaryny, isleglerini kabul edip, kanagatlandyryp bilmekden düzülýär maşgala. Kabul etmezlik bilenem elbetde ýaşap bolar belki, ýöne diňe ady "maşgala" bolup, düzümi näbelli bir zat bolup gider. Aslynda maşgalada, öýde erkegiň sözi 1-nji ýerde bolmaly, erkek hem şol esasy sözi aýdyp biljek derejede kämil bolmaly. Sylagy ýitirmänjik, biri-biriňe uýgun bolup ýaşabermeli.

13. Milletparazlygy diýseň halamok. 1-nji kursda anatomiýa sapaga baran günümiz adybelli bet aýal mugallymyň her talybyň nirelidigini sorap, meň Ahally bolanym üçin diýen sözleri we hüjüm etmeleri hiç ýadymdan çykmaz. Soň tanansoň gül ýaly bolubam gitdi welin. Iň gowy gatnaşýan gyzlarymyň her haýsynyň bir welaýatdan bolmagy mysal bolup bilermi? Ýa-da maşgalamyzyň garyndaş derejesinde gowy gatnaşýan başga taýpa maşgalalarynyň bolmagy.

14. Yrymlara hiç ynanamokmykam diýýän. Meselem anna agşamynda kir ýuwmaly däl, öýi arassalamaly däl we ş.m. hiç ynanamok. Çaga babatdaky yrymlara-ha özüm lukman bolup durkam asla ynanamok) ýöne ine eşikleri çöwre sermeli, köwüş tersine durmaly däl - şu ikisine elmydama eýerýän.

15. a) gowy tema gozgadyň, hökman.
b) agzany pikirlenýän, aýdaryn.

Gonsy ya bolmasa tanys gapyna gelip cagama yada ozume ukol urup beray diyse ya bolmasada basga dogtardan naznacenya yazdyryp gelip size gatnap ukol urup ber diyse siz gelen nasagyñ haýysdyny bitirýanizmi yada oyde ukol edemok diyip ugradyp goyberyanizmi?

Bayka, gelin ýa-da çaga bolsa mesele ýok, urup berýän. Erkek adam bolsa ýoldaşym urýar.

Ýoldaşyňyz hem siz ýaly lukmanmy?

In govy dostym siz yaly bolmagyny dilardim dostluk saytyndada durmushdada

Bayka,

name sebapden beyle diydiniz?

Kabiriler sony edenoklay gonsyragam yasasagam honansy ozlerem artyk zadam yok welin

Saytda in kop oturyan agzalardan biri siz. Yoldasly, cagaly zenanyn nadip beyle isjen bolmaga eli degya?

Hm, has köp oturýan agzalar hem bar-da, men sessiz oturmaýanym üçin has göze ilýän bolaýmaýyn. Ýöne internet meň endigim. Köplenjem sallançak üwreýän wagtym girýän. Saýta girýän bolsam hem öýümde hemme zat ýerbe-ýer.

Size lukman hokminde yene bir sorag bermek mumkinmi?

Гулжан, elbetde

Adamlaryň kábiri ine öýkelek bolya, so nameden bolya name yetman bolyala?

Гулжан, zandy bolya ol, medisina tarapdan bir sebap bilen bolmaya)

Miss Çappini 2016-17 yylardan bari in irki virtualda goryan agzalarymyn biri. Gozumizde ulalan gyz diysenem boljak) bir dowur sadyyan Happijikdi. Inni eje. Dunyan islendik yerinde yasamaga mumkinciligin bolsa nirani saylardyn?

Audit12, hakyky on shadyam Happijikdi)

Audit12, haha)) Italiyany saylardym ehh)

Lukmançylygyň gyz talyplary biraz ýüzi açygrak, känbir utanyp-çekinmäni bilmeýänligi näderejede dogry?
Men işlerine at dakjak bolomok. Kärlerine hormat goýýan. Ýöne uzhe ýaşlykdan, heniz talypka, birmahal obasynda gyzaryp-bozaryp ýören gyzlar, talyp bolonsoň ýüzleri sypyrylýar.
Men şuňa geň galardym.

Mysal getireýin. 6-7 ýyl mundan şol ýeriniň talyp gyzy bilen dos hökmünderäk tanyşdyk, gatnaşdyk. Özem ahal obalarynyň tüýs totam saklanýan ýerlerindendi asly. Bir gezek ýaramaýanlygy, düwmöwlidigimi aýtdym welin, mesele däl, gel ukol uryp bereýin diýdi. Men başda oyun edýändir öýtdim, emma, şonda-da dos oglanyň maşyny bilen gitdik. Ynanmarsyň, maşynyň içinde gümpülledip göýberdi...

Dark_Wolf, Em bolsyn

Dark_Wolf, dogrusyny göni aýtsam oglan-gyz bile hemme temalar geçilýär, işiniň özem ukol urmak bolsa utanyp durmaz elbetde

ýöne ol üýtgemek gürrüňem ýene-de adama bagly, käbir gyzlar talyp bolandan son zynjyrdan boşan ýaly hem bolýar.

Dark_Wolf, indiki myhman Relax agza. Soragym: käriň näme we şol käri saýlamagyň sebäbi näme?

Kitap okamak meselesi köp agzalýa kitap okamaly göz ýetimiňi giňeldýä inkär edemok. Ýöne bir kitaby okap durmuşumy üýtgetdim diýerlik kitaby aýdyp bolarmy? Mysal üçin Atamyň durmuş hakda aýtmadyk zatlary diýen kitapda maksadyňa ýetmek üçin hereket etmeli diýýä Тонкое искусство пофигизма diýen kitapda düýbünden tersine başga zatlar aýdylýar. Diýjek bolýanym kitap okap durmuşyňy şoňa görä ýöredip bolarmy?

charwa, belli bir kitaby okap durmuşyňy oňa görä ýöredip bolmaz. Ýöne "Her çemenden bir gunça" diýip okaýan her bir zadymyzdan peýdalysyny alyp bolanja aklymyzyň üstüne goşup ýaşap bileris.

Boş wagtyn oyunuzde nm bn mesgullanyaň saytdan daşary?

Mekan, ukymy alýan))

Doredijilik isleri bn aran nali gosgyjyk zat yazanokmy ylham gelyan mahaly

Mekan, ay yok, sheylede ikin biri ya aydymchy ya shahyr

Haýsy ugurda işleýäňiz

FABERLIC BILEN PUL GAZANMAK AŇSAT
Sho dogrymyka 😜

Tegelek stoly pyrlap pyrlap başdan başlap okarynla boşaşan wagtym

Neme, medin haysy ugrynda has kop pul dushya

LIDER, okaýsam diýýäňmi druk?)

Patsanlary gozegime tutyanlay

O zatlar hiçdaý toýuňa aýtmadyň

...

BAGANA, saýtda ýokduma ol wagt) aýdan bolamdada gelmediň

JGGK howpundan nädip
goranyp bolar?

Sps genje bolsada bilyan ekenin

dogry maslahatam berdin

1.Dostafka iyyanizmi
2. Gowy aydym aytyan zenan bagsylarymyzyn biri Diyya Ac otyryan yone dostavka iyemok, namys edyan ozume, kimin bisireni nadip bisireleni belli dal zat diyya. Sizin pikiriniz shun aydyany barada

Kosmos, kamahal iyyas, olar yaly idealsyramzok)) sho aydymchyn ozem son dostavka iyip tutuldy diyyaler.

Mashgalaly zenan hokmunde, erkeklerde halamayan 3 hasiyetiñiz.

accountant,
1. Ýeňleslik
2. Jogapkärsizlik
3. Ýalançylyk

Gaty kän zatlary öwrense bolýa şu genjeden.Tüweleme,ömrüň bahar bagülleri ýaly hemişe owadan bolsun genje

Gunay, köp sagbol

Ämin! Siziňkem şeýle bolsun!