09:14 Mowzuk

Käbir adamlaryň özlerine berýän nesihatlary

Biziň köpimiz adamlary tanamak üçin, üstünlik gazanmak üçin, derejämizi beýgeltmek üçin sitatalary, psihologiýany okaýandyrys. Üstünlik gazanmagyň syrlaryny beýan edýän kitaplaram kän adamlar okap görendir. Ýöne käbir adamlar şeýle-de durmuşyň akymyna görä, öz-özlerine nesihat berýändirler. Olaryň içinde dogrusam bar, nädogrysam bar.

Meselem:

– Adamyň ynamyna girmeli we ejiz ýerlerini, syrlaryny bilmeli.

– Biri bilen söwüşen ýagdaýyňyzda, hemişe-de balagyny aşak çekmäge taýýar bolmaly.

– Hakykat saňa ýaramaýan bolsa, nebsiň isleýän zadyna ynanmaly.

– Telefon belgilerinde hökmany suratda hemme edaralardan, kärhanalardan, dogtarlardan we şuňa meňzeşlerden bir tanyşyňyz bolmaly.

– Sen göriplik edeňok, sen diňe adalaty talap edýäň.

– Irden turanyňyzda, maska geýmegi ýatdan çykarmaly däl.

– Bir adam bilen salamlaşasyňyz gelmeýän bolsa, ýoluň başga tarapyna geçip, görmedik bolmaly.

– Başlyklar bilen ýakyn dost bolmaly.

– Ýokary wezipeli adamlar ejiziň üstünden düşüp gülseler, senem şolara goşulyp üstünden gülmeli.

– Adalatsyz bolsa-da, hemişe-de köpçüligiň tarapynda bolmaly we sürüden çykmaly däl.

– Ynanmak – özüňe zulum etmek.

– Seň pikiriň ýalňyş bolsa-da, dogrudygyny subut etmäge başarmaly we jedelde hökman ýeňiji bolmaly.

– Adamlaryň arasynda “pul hiç zadam çözmeýär” diýip aýtmaly, ýöne pul bilen adamlary satyn alyp bolýandygyny ýatdan çykarmaly däl.

– Admlar üçin ynamdar we dogruçyl bolmaly, ýöne etjegiňi içiňde saklamaly.

– Garşydaşyňyzdan kem tapyp, ony tankytlamagy başarmaly.

– Özüňe wajyp bolan adamlara ýalan sözlemeli bolsa-da, öwmegi başarmaly.

– Sen hiç zady anyk bimeýän bolsaňam, bilýän ýaly gürlemegi başarmaly. Sen özüňe akyl-paýhaslydygyňa ynansaň, ilem saňa ynanar.

– Sen adamyň gybatyny edeňok, sen diňe dogry zady aýdyp berýäň.

– Ýalan sözläniňde ilki bilen özüň ynanmaly şoň dogrudygyna, soň başgalary ynandyrmaly.

– Üstünlik gazanmak üçin jyzmagy başarmaly.

– Iliň syryny bil, ýöne özüňkini ile aýan etme.

– Öz kemçiligini gizlemeýän, hiç haçanam üstünlik gazanyp bilmez.

– Adamlaryň 80%-i erbetdir, sen bolsa galan 20% adamlara degişlisiň.

– Sen olaryň ýanyndan gaýdanyňdan soň, olar hökman seň gybatyňy edýärler.