Gam ýükünden haýy gaçan,
Kinesi bar bu göwnümiň.
Darykmaz ol "bu-da geçer"
Diýmesi bar bu göwnümiň.

"Bu-da geçer" diýmesine,
diýip, gezdim, ile siňe.
Kä ykbalyň hilesine,
Köýmesi bar bu göwnümiň.

Ýürek- saýmazdan dert soňun,
Syrdy betgümanlyk çaňyn.
Çyn dostlaryň gaýgy-gamyn,
Iýmesi bar bu göwnümiň.

Diňe: " bähbit, bähbit " diýmek
bolmaz, nebsi öňde goýmak.
Ynsap diýip otly köýnek,
Geýmesi bar bu göwnümiň.

Pälim saýlap mydam pesi,
Ýakynym saýdym her kesi.
Kyn günüme şärikdeşi,
Söýmesi bar bu göwnümiň.

Günler geçýär gara, akly.
Darykmaň hajatam ýokdy.
Ýaşaýşa umyt atly,
Şinesi bar bu göwnümiň.

Daňatar GALPAKOW

146

21

4

12

0

Mowzugy VIP edenler:

— 3 sagat vip etdi.14.07.2020 / 14:04:09