Bir demde kalbymyň sowup ýazyny,
Özümi sudura döndürip gitdi.
Ýelden-suwdan goran gunça güllermi,
Ýolmady...saraldyp, solduryp gitdi.

Öňden köýüp galan ary bar ýaly,
Bir uranda ýere ýazdyda gitdi.
Kalbymdan kalplara usullyk bilen,
Çeken kirişlerim üzdü-de gitdi.

Sessiz-üýnsiz arzuw-hyýallarymy,
Düýrüp girdabyna aldy-da gitdi.
Gözlerime gussa baryny guýup,
Nuruny bir guta saldy-da gitdi.

Ne günlükler bilen düzenlerimi,
Ýüzüniň ugruna ýakdy-da gitdi.
Bagrymy tütedip, gagşadyp süňňüm,
Içikdirip bir ýan ýykdy-da gitdi.

Dünýe döräp tapylmady çäresi...
Edenini edip, çaşyryp gitdi.
Menem boldum utulanlaň birisi,
Kelebiň ujuny ýygşyryp gitdi.


Çäresiz galdym men garap ýoluna,
Egnime ýük basyp, galňadyp gitdi.
Ykbal hiç bir şertsiz guran oýnuna,
Doňňaradaş edip, aňaldyp gitdi.

Oguljan BÄŞIMOWA

157

12

2

7

0

Mowzugy VIP edenler: