10:51 Mowzuk

GÖZ_ynsan bedeniniñ bir agzasy bolup, ol psihologik aýratynlyklary ýüze çykarmakda möhüm orun eýeleýär. Ýüzüñ başga hiç bir agzasy edil gözüñki ýaly maglumat berip bilmeýär. Hut şonuñ üçinem göz ynsan kalbynyñ aýnasyna deñelýär.
Biz öz gürrüñdeşimiziñ ilki bilen gözlerine, olaryñ reñkine we şöhlelenişine, (görnüşine), seredip, olaryñ pikirlerini we duýgularyny okap bileris. Munuñ üçin, ilki bilen, iki gözüñ arasyndaky aralyga üns beriñ.

BIR-BIRINE GOLAÝ ÝERLEŞEN gözli adamlar özleri üçin gyzykly bolan zadyñ iñ bir kiçijik bölegine hem hem uly üns berýär. Olar islendik bir çylşyrymly ýagdaýdan özleriniñ "gözbagçylyk" ukyby bilen baş alyp çykmaga ökde bolýarlar.

BIR-BIRINDEN DAŞDA ÝERLEŞÝÄN gözli ynsanlar arkaýyn häsiýetli adamlar hasaplanýar. Eger maşgala durmuşynda ýa-da işinde mesele ýüze çyksa, bu adamlar şol meseläni dolulygyna görüp bilýär. Bular ýaly häsiýet ýazyjylara we döredijilik işgärlerine mahsusdyr.

BIRI-BIRINDEN ORTAÇA ARALYKDA ÝERLEŞÝÄN gözler bolsa adaty adamlara mahsus, olardan üýtgeşik bir "açyşlara" garaşmak bolmaýar. Olar öz aladalary bilen, öz işlerine gümra bolmagy halaýar.

Siz hem öz gürrüñdeşiñiziñ gözüniñ ýerleşişine seredip, ýokardaky psihologik maglumatlar esasynda, onuñ häsiýet aýratynlyklaryny öwrenip bilersiñiz. Bu size özüñize mynasyp dost, söhbetdeş saýlamaga ýardam eder.

(*_*) (*_*) (*_*) (*_*) (*_*)

Bilermenleriñ tejribe geçirmekleri esasynda alnan netijelere görä, göz reñkleri ynsan häsiýetlerini tapawutlandyrmakda uly ähmiýete eýedir. Çünki gözler içki dünýämiziń ruhy ahwalatlaryny açyp görkezmäge we ýüze çykarmaga ukyplydyr.
Geliñ onda göz reńklerine görä eýe bolan häsiýet aýratynlyklary bilen tanyş bolalyñ.

(1) Anyk hem-de çalt karara gelip bilýän adamlaryñ gözleriniñ reñki adatça goýy goñur, gara ýakyn bolýar. Göz bäbenegindäki gara reñkli
has goýy bolan adamlar häsiýeti boýunça hakykatçyldyrlar. Töweregindäkiler bilen ylalaşykly
pikirleniş ukybynyñ güýçli ösen bolmagy olara ýolbaşçy bolmaga kömek edýär. Başlan işlerini kynçylykly ýagdaýlara garamazdan soñuna çenli alyp gitmekleri olary özüneçekiji görkezýär.

(2) Mawy reñkli gözlere eýe bolan adamlaryñ duýujylyk ukyby güçlidir. Olar añsat-añsat kynçylyga düşmeýärler. Köpçülikde özlerini has erkin alyp çykmagy başarýarlar. Şeýle-de olar garşysyndaky adama täsir etmek ukybyna eýedir.

(3) Ýaşyldan goñura öwúsýän reñkli gözlere eýe bolan adamlar özboluşly häsiýetlidirler. Olar
beýlekilere garanyñda üýtgeşik bolmagy halaýarlar
erkinligi ähli zatdan ýokarda goýýarlar. Häsiýetlerindäki üýtgeşiklik köpleriñ ünsüni özüne çekýär.

(4) Iń köp duş gelýän göz reñkleriniñ biri hem açyk goñur reñkli gözlerdir. Olar dostlaşmagy, adamlar bilen mylakatly bolmagy halaýarlar. Bular beýlekilere garanyńda has az uklaýarlar. Ukysyny doly almakda, wagtynda ýatyp-turmakda biraz kynçylyk çekýärler.

(5) Ýaşyl reńkli gözlere eýe bolan adamlar daş-töweregindäkileriñ ünsüni çalt özüne çekip bilýärler. Häsiýeti boýunça olar özlerine gaty ynamlydyrlar. Gaharyna bäs gelip bilmegi başarýarlar. Olaryñ döredijilik ukyby ýokary derejede ösendir.