Ergenokon

Ziýa Gökalp


Türk kaganyň bäş ogly biz,
Gök Taňrynyň öz guly biz,
Bäş müň ýyllyk bir orda biz,
Turan ýurdy duragymyz!

Ak ordamyz sola gitdi,
Üç hanlygyň düýbün tutdy,
‘’Medi’’, ‘’Şumer Akad’’, ‘’Hitti’’
Bu üç şanly oýmagymyz!

Birinjisi Azerbaýjan,
Ikinjisi Geldanystan,
Üçünjisi Arzy Kengan,
Joş urdy üç gaýnagymyz!

Gök ordamyz saga bardy,
Çini boýdan başa sardy,
Hiýong-nular bu Hunlardy,
Çin diwary ötenimiz!

Gara orda gitdi Iskit,
Ülkesine çekdi serhet.
‘’Atilla ol, Şalona git’’,
Sözi diýen-aýdanymyz!

Gyzyl orda daglar aşdy,
Owgan bilen kän söweşdi,
Bir toplumy Hinde aşdy,
Sind oldy bir suwlagymyz!

Sary orda şäher gurdy,
Daýhanlyga göwün berdi,
Uýgurlaryň bu iç ýurdy,
Gadym ene topragymyz!

Beýik Taňry Oguz hany,
Gönderip Türküň hakany,
Birleşdirdi bäş Turany,
Dogdy güneş sanjagymyz!

Oguz handan soňra hanlar,
Gazandylar uly şanlar,
Bilinmek üçin bu zamanlar,
Şanamadyr soragymyz!

Ýyllar geçdi, zaman geldi,
Türk tagtyna Ilhan geldi,
Sagdan soldan duşman geldi,
Gurulmuşdy duzagymyz!

Berilmedi bir dem wagt,
Ganlar akdy oluk-oluk,
Öldi bütin çaga-çowluk,
Han, beg, çeri, uşagymyz.

Diňe Tokuz bilen Kyýan,
Iki gyzy alyp bir ýan,
Bir kert daga atdylar jan,
Bular boldy gaçgagymyz.

Daglar içinde gizlinje,
Ýörediler bäş-on gije,
Bir daň wagty örän inçe,
Bir yz boldy ugragymyz!

Bu yz ýoly kän uzaltdy,
Soňra Alakeýik çykdy,
Dik gaýadan bizi atdy,
Ganady el aýagymyz!

Bir göz atsak ýaşyl bir bag,
Her tarapy beýik bir dag,
Giňiş emma ýapyk bir oý,
Diýdik ‘’ne hoş bu jaýymyz’’!

Alakeýik çaýyr iýerdi,
Owlagyny emdirerdi,
Bizi gördi mäme berdi,
Boldy ene gujagymyz!

Dört ýüz ýyl bu ýerde galdyk,
Keýik artdy, biz köpeldik,
Gaýratymyz gaýgyrmadyk,
Gözelleşdi gonagymyz!

Alma, erik köpdi iýdik,
Demir tapdyk, ör işledik,
Çykyş ýolun kän gözledik,
Dag dilerdi pyçagymyz!

Gurtdan hali eken bu ýurt,
Bir gün peýda boldy bir gurt,
Bir keýige atdy owurt,
Gördi ony çolugymyz!

Gurt bir dilik tapdy, gitdi,
Bir demirçi yzyn tutdy,
Ojak ýakdy, daş eritdi,
Açyldy ýol gapagymyz!

Beýik söýünç, beýik müjde,
Baýram etdik kentde, köýde,
Ogul, agtyk, baba, däde,
Beýigimiz, uşagymyz!

Demirçä Bozgurt diýildi,
Täç berildi, han saýyldy,
Ýoldan ilki özi indi,
Sag elinde baýdagymyz!

Böritegin gurduň ady,
Ergenokon ýurduň ady,
Dört ýüz ýyllap durduň haýda,
Çyk eý ýüz müň myzragymyz!

Oldy saňa Kap bu işik,
Taryh galdy buýr-bulaşyk,
Artyk besdir bu daş beşik,
Oldy körpe ýatagymyz!

Uzaklarda hoş ülkeler,
Ynssyz ýurtlar seni islär,
Ine Gypjak, ine Kaşgar,
Hol garşyda Gökdagymyz!

Tarhandagy gözlär seni,
Taňry onda sözlär seni,
Dört asyrdyr yzlar seni,
Tukin dagda otagymyz!

Turan, gadym toprak bize;
Hind, bir altyn gonak bize;
Çin köşkleri gyşlak bize;
Dunaý boýy ýazlagymyz!

Ýunus kimin çykdyk Hutdan!
Uly ýurda kiçi ýurtdan,
Keýik girdik, dogduk gurtdan.
Gylyç boldy oragymyz!

Sartlyk gitdi, Uýgurlandyk.
Soýumuza gururlandyk.
Şamanlardan ugurlandyk.
Pirler oldy ýardamymyz!

Başda bardyk: Bäşbalyga!
Garagurum, Almalyga
Çin başlady zorbalyga,
Ezdi ony tokmagymyz!

Ordamyz her ýana bardy;
Hinde, Ruma bir baş urdy.
Ýer ýüzüne nyzam berdi.
Ýene gadym kanunymyz!

Alplarymyz girdi harba,
Duşmanlara urdy zarba,
Aşak, ýokary, ileri, gaýra,
Akyn etdi gysragymyz!

Türk aýagy haýsy ýurda,
Bassa başyn egdi gurda!
‘’Gökhan onda, Akhan munda!’’
Diýdik, gitdi aýagymyz!

Tümen, Çine akyn etdi.
Efrasiýap Ruma gitdi.
Tumargyz ady göge ýetdi.
Hysrow oldy tussagymyz!

Teleleri, Aktürkmeni,
Toplamyşdy Sogduň hany,
Çapawullady Eşkany
Söýünç atly sogdagymyz!

Ilhan Mokan, Bilge Kagan,
Gaznalydan Mahmyt soltan,
Seljuklydan Alp Arslan han,
Bular şanly goçagymyz!

Esgerligi gördi Atsyz.
Harezm şasy oldy Atsyz.
Bu gün Hakan, düýn bir atsyz:
Beýle çüwer maňlaýymyz!

Tonguz, Çine hakan oldy.
Hytaý Türki girýan oldy.
Ilki aňlan Gür han oldy.
‘’Birleşmeli ojagymyz!’’

Çingiz muny tasarlady.
Çar tarapa ylgarlady.
Türk illerin toparlady,
Turan oldy öz bagymyz!

Oguz handan bäri ahmal,
Galmyş idi beýik emel.
Uly Taňry uzatdy el.
Hasyl oldy arzuwymyz!

Gökden bagt ýyldyzymyz!
Bir döwür açdy her ýolumyz!
Atilla bir Gyrgyzymyz!
Teýmirleň bir Gazagymyz!

Fatyh aldy Stambuly.
Babyr Hinde saldy ýoly.
Nedir sarsdyrdy sag-soly...
Oldy soňky taslamamyz!

Mundan soňra kysmat döndi,
Ýyldyzymyz ýene söndi,
Garşymyzda Ors göründi...
Parçalandy watanymyz!

Krym, Kazan heder oldy!
Dunaý, Kawkaz beter oldy!
Türküstanda neler oldy?
Eşitmedi gulagymyz!

Watan girdi ýat eline,
Ergenokon oldy ýene!
Çykmazmy bir Böri Tegin?
Nurlanmazmy çyragymyz...

340

17

8

8

0

Mowzugy VIP edenler: