Men özümi tanalym bäri, öňümde keserilişip duran kynçylyklaryň, gaýgy-gamyň durmuş hakykatyma ters ýaşaýandygymy görkezýän alamatdygyna, duýduryşdygyna akyl ýetirdim. Bu gün men onuň: «Öz-özüň bolmak» diýip atlandyrylýandygyna düşünýärin.

***

Men özümi tanalym bäri, kimdir birine heniz wagty gelmän-kä, özi hem muňa taýýar dälkä, arzuwyna ýetmelidigini nygtap dursaň, onuň öýke etjekdigine göz ýetirdim. Şol adam hem hut özümdim. Bu günki gün men muny: «Özüňi sylamak» diýip atlandyrýaryn.

***

Men özümi tanalym bäri, özge durmuşy arzuwlamagy besetdim. Ine, şonda häzirki ýaşap ýören durmuşymyň kämilleşmegim üçin ähli mümkinçilikleri berýändigini aňdym. Bu günki gün men ony: «Kämillik» diýip atlandyrýaryn.

***

Men özümi tanalym bäri, herhili ýagdaýda-da tüýs öz wagtynda, öz bolmaly ýerimdedigime we hemme zadyň bolmalysy ýaly amala aşýandygyna akyl ýetirdim. Şonuň üçin men hemişe arkaýyn bolubermelidim. Muny men: «Özüňe ynamly bolmak» diýip atlandyrýaryn.

***

Men özümi tanalym bäri, geljekki uly taslamalarym hakynda arzuw-hyýala çümüp, öz gymmatly wagtymy ýitirmegi bes etdim. Bu gün men diňe özümi begendirýän we bagtly edýän, kalbymyň şatlanmagyna iterýän, öz halaýan işim bilen meşgullanýaryn. Men ony özüme laýyk depginde, isleýşim ýaly ýerine ýetirýärin. Bu günki gün ony: «Sadalyk» diýip atlandyrýaryn.

***

Men özümi tanalym bäri, saglygyma zyýan ýetirýän azykdyr adamlardan, ýagdaýlardyr närselerden saplandym. Meni öz ýolumdan sowýan we meni peseldýän zatlaryň ählisinden arany üzdüm. Bu günki gün men muny: «Öz-özüňe bolan söýgi» diýip atlandyrýaryn.

***

Men özümi tanalym bäri, özüme hemişe mamladyryn öýtmegi besetdim. Ine, şondan soň meniň ýalňyşlyklarym has-da azaldy. Bu günki gün men munuň: «Asyllylykdygyna» akyl ýetirdim.

***

Men özümi tanalym bäri, geçmiş bilen ýaşamagy we geljegim hakynda alada galyp ýörmegi bes etdim. Bu günki gün men diňe häzirki pursat bilen ýaşap, ony «Kanagatlanmak» diýip atlandyrýaryn.

***

Men özümi tanalym bäri, akylymyň maňa päsgel berip, hatda syrkawlamagyma hem getirip biljekdigine düşündim.Ýöne, haçan-da,akylymy ýüregim bilen baglanyşdyranymda welin, ol meniň gymmatly ýaranyma öwrüldi. Bu günki gün men bu arabaglanyşygy: «Kalbyň parasatlylygy» diýipatlandyrýaryn.

***

Bize indi jedelden, gapma-garşylykdan, adamlardan we özümiz bilen bagly meselelerden çekinmegiň hajaty ýok. Hatda ýyldyzlar hem çaknyşýar, şol çaknyşmadan bolsa täze dünýäler döreýär. Bu günki gün men munuň: «Durmuşdygyna» düşündim.

Terjime eden Ogulnur GELDIMYRADOWA

191

29

4

11

0

Mowzugy VIP edenler:

Howashar — 2 sagat vip etdi.06.02.2020 / 12:41:40

Nowcha — 2 sagat vip etdi.26.01.2020 / 12:54:05