Akyldarlaryň biri kölüň başynda pikire çümüp otyrdy. Onýança onuň gözi ho-ol beýleräk-de kölden suw içmäge synanyşýan ite kaklyşdy. Suwsyzlykdan halys bolandygy daşyndan bildirip duran it suw içmek üçin köle boýnuny uzadýarmyş-da, ýene yzyna gaçýarmyş. Özi-de bu ýagdaý birnäçe gezek gaýtalanypdyr. Görlüp oturylsa, it suwda öz keşbini görüp, şondan gorkýar eken. Ol ahyry özüni suwa oklap, ol ýerde hiç bir zadyň ýokdugyny bilenden soňra suwdan ganypdyr.
Akyldar oýlanyp, bu wakadan şeýle netije çykarypdyr: “Ynsanyň maksadyny ýetmegindäki iň uly päsgel onuň öz içindäki hyýaly gorkularydyr. Adam şol boş gorkudan dynyp bilende maksadyna ýeter”.
Emma akyldar ýene biraz oýlanyp oturypdyr-da, bu wakadan öwrenen zadynyň has başgaçadygyna göz ýetiripdir. Esasy göz ýetiren zady: “Ynsan akyldarlyga ýetse-de, ýene itden hem öwrenip biljek bir zatlary bardyr”.

190

24

5

7

0

Mowzugy VIP edenler: