09:28 Mowzuk

Ynsan ömrüniň üçden bir bölegi ukyda geçýär. Munuň özi ortaça her günde 8 sagat uklap, dynç almalydygymyzy aňladýar. Emma ýaş aýratynlygyna laýyklykda, çagalaryň 9-10 sagada çenli ýatmalydygyny nygtamak üçin bilermen bolmak hökman däl. Kolumbiýa uniwersitetiniň lukmançylyk kollejiniň alymy Jeýms Gengwiş ukusyzlygyň birnäçe keselleriň döremegine alyp barýandygyny aýdýar. Ol bu babatda ene-atalaryň pikirini öwrenip, dürli kesellerden gaýry, okuwçylaryň sapagyna ýetişigine-de ukusyzlygyň täsiriniň uludygyny ýüze çykarypdyr. Pikiri soralan ene-atalaryň 54 göterimi çagalaryny gije sagat 10-da ýatyrýandyklaryny dile getiripdirler. Olaryň 21 göteriminiň maşgalasyndaky çaganyň gije 11-den, 25 göteriminiň hem gije 12-den bäri düşege geçimeýändigini aýdypdyr. Bilermenler gije ukusyny almadyk okuwçylaryň sapaklaryna ýetişiginiň gowşaýandygyny belleýär. Şonuň üçinem “Ukusyny alan okuwçy sapaklaryndan 5-ligem alar” diýleni bilen ylalaşasyň gelýär. Şeýle okuwçylaryň tabşyrylan ýumuşlary-da oňat özleşdirýändikleri öwrenilipdir. Bu bolsa ene-atalaryň çagalarynyň wagtly-wagtynda ukusyny almagyna gözegçilik etmelidigini aňladýar.