Minnetdar ÿetirenñize gowygoşgy eken.

Govy yazlan gosgy

Gosgy
Bu gün bir üýtgeşik bazara düşdüm, 
Jar çekýär sesine bat berip küýki:
"Puluň bolsa tapylmajak zat ýokdur!"
...Ýassyk satyn aldym, tapmadym uky.

Ýene-de bir ýerden edindim derman,
Näçe pul bolsa-da, tapmadym saglyk.
Nahar satyn aldym äpet aşpezden,
Işdä soranymda "Ýok" diydi eglip. 

Ynha-da bir ýerden arzan dost tapdym,
Wepasyn tapmanma gynandym çala.
Hemem satyn aldym bir ýetim ýigit,
Ejesini tapmadyk ullakan pula.

Bir gözel gyz tapdym, bazar içinden,
Derhal satyn aldym, töledim nagt.
Toýa diýip haryt baryn ýygnadym,
Emma giň bazardan tapmadym bagt.

Bazarda pul berip maýmyn oýnatdym,
Pul berseň atlaram kişňeýän eken.
Şonça meseläni çözýän şaýlyga,
Maňa gerek zatlar düşmeýän eken.