Guślara gośulyp, gyzlar nagma kakÿarlar.

Aknur Ataýewa / YNJALYK.

Gynaldy janym,
Men-ä indi halys ýadadym dertden.
Ykbal iň sussupes adam döretdi,
Yşkyn ýaşyrmadyk men deýin mertden.

Ýeňildim, özümden nägile özüm,
Ýitirip tapanym gussam ekeni.
Ýakyn saýanlarym ýatlardan uzak,
Ýazgydym ýazgarlan kyssam ekeni.

Eý, umyt melegim! Ukusyz melek,
Ýürek urup dursa, diýmek, sen barsyň.
Ir säher dogan gün, eşit arzymy,
"Men biçäräň bagtyn haçan buşlarsyň?"

Ýalňyzlykmy ýazykdaky serpaýym?
Sadalygym ömür sadyk ýükümmi?
Gözýaşymy süpürenok hiç kimse,
Pelek, bu nä? Jezamy ýa hökümmi?

Gymmatyny arzuwlardan tapanym,
Arzuwlaryň arzanlapdyr, ak göwnüm.
Seň özüňsiň her demimde hemdemim,
Şoň üçin syrlarmy goýnuňa gömdüm.


Gunça Batyrowa / ***

Senli arzuwlaryň içine çümüp, 
Ýene ele galam alan mahalym,
Hyýalymda pikirlerim büdredip,
Örtenen ýüregmi diňlän mahalym,
Şeýle bir, şeýle bir ýazasym gelýär,
Göýä, ak kagyza siňýän dek derdim.
A men saňa diňe söýgi bermedim,
Ýüregmi berdim.

Ýadyňdamy,
Güýz paslynda duşupdyk.
Soňam aýra düşdük ýene güýz güni.
Şondan bäri aklar gara görünýär,
Şeýlemikä bu söýginiň düzgüni?!

Güýzem gidip barýar durnasy bilen,
Aladasyn eder ýene gelmegiň. 
Ýöne senden meniň ýeke haýyşym: 
Güýz gelse-de, gelmegin!


Rozygûl Ÿazhanowa / Ökünç..

Göwni agyrdanmy duýdym ýykamsoñ,
Özümi ýazgardym gaçdy bar keýpim.
Ýaýkalmakdan ýaña aýlandy başym,
Dişlenmedik diliñ göremsoñ keýpin.

Indi oñ ejiri goýmaz günüme,
Yzyndan ýetmerin özûm kötekläp.
Göwnüme batmadyk ýerliksiz sözüm,
Urar durar mañlaýymdan pitikläp.

Dilden sypan dolanmady yzyna,
Gyjasam-da gysylmadyk dişimi.
Sähel salym aklyñ gözünden sypan,
Gowşaklygym gördi şeýdip işimi.

Seker Huseyinowa. / ***

Ÿok mende ûÿtgeśik tasirlenmeler,
Duÿgylarym duman sary gôçipdir.
Kalbymda baharlar dûślànok indi,
Umyt guśym bir ÿerlere uçypdyr!

Gozlemde-de ÿyldyrymlar çakanok,
Śemal ellemesin goÿdy saçymy.
Śowlulyk hakdaky eserleñ ÿerne,
Gussaly kitaplar aldy daśymy.

Uçgyraksyz arzuwlarma tor salyp,
Goÿdum olarada soñky nokady.
Ertekileñ ertekidigne berlip,
Hyÿallarmy zynjyrladym berk edip.

Adimlemmem haÿalladyp oñkûden,
Roÿymda tukatlyk mesgen tutupdyr,
Men bu ÿerde bagta garaśyp ÿôrsem,
Olam meni bireÿÿàmler utupdyr.

Wagty yza dolap bolmaz diÿleni,
Ahli zat dôwrûnde eseden eken.
Özûme del gôzden seredip gôrsem,
Bulam men dàl diñe jesedim eken.

211

17

3

11

0

Mowzugy VIP edenler: