:alo::alo::alo:

Pikir et, hiç ýerde ýok bolsa serhet,
Beýle bolmajagna düşünýän ýogsa.
Bilýäňmi, nähili ajaýyp boljak,
Aý, Gün ähli ýerde parahat dogsa.

Obalar, şäherler Watandan başlap,
Uzak ýyllaň dowamynda gurulýar.
Bir güýçli döwletiň bähbidi üçin,
Başga bir döwletde adam gyrylýar.

Ömrüň birje mindem urşa degenok,
Göwne degmez muny ganymat bilen.
Adam bir gün toprak bilen garyşyp, Birleşip gitmeli tebigat bilen.

Ol yranyp görýär, çaýkanyp görýär,
Onuň hem kalbynda dörändir jerhet.
Içimde dileg bar – hasyl bolmajak,
Hiç haçan, hiç ýerde bolmasa serhet.

16.02.19. ý.
Ýazmyrat Çörli

Güman
Baharymy alyp giden Bahargül,
Ýazym gyşa, gyşym döndi dowzaha.
Bes ederin düýşleriňe girmämi,
Içimdäki gussalarym gowzasa.

Ýöne güman edýän beýle boljagna,
Süýji ýatlamalaň duýgysy ajy.
Men çyndan bagtly bolaryn belki,
Tapylanda sensizligiň alajy.
24.01.19 ý.
Ýazmyrat Çörli

Gyzlaň egin-başyn ýeňledýän Aprel!
Guşlaň owazyny diňledýän Aprel!
Gülleň ýüregini gülledýän Aprel!
Dälini şahyr deý gürledýän Aprel!
Goýduň ýüregimde bir uly gyýçak,
Bagyşla men seni ýigrenýän biçak!

Sen geleňde gözelleşýä bu barlyk,
Her geleňde gözmi gapýa gubarlyk,
Derdim ýuwmaz bu ýagyşlyk bu garlyk,
Oýun tapdyň sap ömrümi bularlyk,
Içimi dilip ýör çykanok gyýçak,
Bagyşla men seni ýigrenýän biçak!

Şol gün sesi eşdilende azanyň,
Eýesi taýyndy täze mazaryň,
Ol häli-häzirem berýär azaryn,
Yhlas etdim nep bermedi azabym,
Kalbymda ýüzüp ýör yzaly gyýçak,
Bagyşla men seni ýigrenýän biçak!

On ýedinji günüň baky bellenen,
Bir mukaddes ynsan gömdüm sende men,
Indi göwni ýarym galan bende men,
Gussamy ýüzümden duýýar çem gelen,
Içimde käbämi ýatladýan gyýçak,
Aprelim men seni ýigrenýän biçak…

17.04.17.
Ýazmyrat .Ç.

Bet.eken

Ajaýyp ähli şygyrlaram.

Obalar, şäherler Watandan başlap,
Uzak ýyllaň dowamynda gurulýar.
Bir güýçli döwletiň bähbidi üçin,
Başga bir döwletde adam gyrylýar.

+++++