01:54 Mowzuk

Allanur Çaryÿew / Göwnüm galdy bilýarmiň..?!

Wokzaldaky gazet satylýan kioskdan özümiň goşgular toplumym çykan taze gazetden birini aldym-da, otla garaşylýan ýere ýörap barşyma ýekeje özi bir skameýkada, aýdym diňlap oturan gyza gözüm düşdi.

-Salam, oturmak mümkinmi.?
Ol gyz ýuwaşlyk bilen aýdym aýdyp duran telefonyny öz ýanyna çekdi. Ýüzüme gussaly biparh nazar bilen seretdi. Ýöne namede bolsa soragymy boş galdyrmady.
-Elbetde, otyryň arkaýyn.
-Men Gurban, özümem şu ýerli Aşgabatdan.
Ol bu gezek ýüzüme birgeňsi ýylgyryp seretdi.
-Tüweleme siz edil kinolardaky ýaly tanyşýaňyz. Men Selbi, Lebapdan.

Şol pursat bu gyzyň eline dakynan alajasyna gözüm düşüp ýüregim jiglap gitdi. Jeren hem edil şuňa meňzeş alaja dakynýardy. Men şol alajany wasp edip goşgy ýazyp beremde, "Alajany ören gyzdan öň, alajany wasp etýaňle sen şahyr" diýip öýkelani ýadymda. Şonda men ahli goşgylarymy özüň hakda ahyryn diýip gülemde bolsa çaga ýaly ýylgyrypdy. Men şo ýylgyryşlardan ömürlik mahrum boljagymy hakydamada getiremokdym.Ol günler nahili ezizdi. Indi Jerenem ýok, şadyýan goşgy hem ýok. Soňky döwür gussaly goşgular ýazyanymyň sebabi hem şudy ahyryn.

-Öran gowy Selbi, name öýňüze barýaňyzmy. Wiý meň, soragym nahili diýsene, wokzala gelen adam bolmanam ýa bir ýerik barýandyr, ýada birine garşýandyr.
-Aý, ýok hiç kime garaşamok.

"Dünýam senden göwnüm galdy, bilýamiň..?!"

Telefondaky şol bir aýdymy gaýtalanyp duran bagşynyň gussasy, edil gyzyň ýüzüne geçen ýalydy. Dünýaden öýkelan adam ýaly biparh nazaryndaky ünjisi göýa meniňki bilen kybapdaşa meňzeýar. Men derrew gürrüňmizin hörpüni üýtgetdim.

-Aýdymy haladyňyzmy.?

-Howwa gowy aýdym, şahyr edil men ýüregimi ýazypdyr. Aýdymçam gowy aýtýar.Goh-galmagaldan ýaňa kellam agyryp gitdi. Biraz irirak hem gelipdirin. Şu aýdymy şeýle bir gowy görýan. Içim gyssan wagty diňlesem gussam ýeňlan ýaly bolýar.Ýa-da öçureýinmi.

-Ýok gaýtam menem şu aýdymy gowy görýan, edil siz ýaly.

-Men goşgy okamany, aýdym diňlemani gowy görýan. Bu aýdymyn goşgusyny bolsa bir gezek diňlanimde ýat tutdym. Görýan welin şahyryňam derdi meniňki bilen meňzeş bolupdyr öýütýan.

-Mümkin şeýle bolmagy ahmal.

Selbi özüniň Aşgabatda okaýandygyny, rugasada çykandygyny hazir hem öýlerine barýandygyny aýtdy. Name üçin beýle gussaly halda oturanlygyny soranymda bolsa, mana eyyam tanyş bolan söygi armanynyn keşbinde yere bakdy-da "Kemal..."diýdi, soňam göýa ýalňyş zat aýdan ýaly ýere bakyp syrly dymdy. Men hemmesine sözsüz düşindim. Onuň ýere sereden intizar gözlerine diňe yşk derdini çeken düşünip biler. Ýene-de gürrüňi üýtgetdim. Öz karim barada aýdyşdyrdym.

-Sizem bir ýerlerik dynç alyşa barýaňyzmy.?
-Ýok men iş sapar bilen barýan. On günlik.

Biz ýenede ondan - mundan gürrüň etdik. Az wagtdan hem Lebaba ugraýan otla münmage çagyryldy. Men Selbiniň goşlaryny göterişip, otla çenli ugratdym. Gulagymda bolsa şol aýdym, maňa name üçindir sahelçe pursatda ýakyn, dertdeş görünen Selbiniň gussasy deýin ýaňlanyp durdy...

"Dünýam senden göwnüm galdy, bilýamiň..?!"

Belki yzymyza ýene-de Aşgabada dolanyp gelenimizde, Selbi bilen sataşsam soňky günler meşhur bolan bu aýdymyň sözleriniň özümiňkidigini aýdaryn.