05:45 Mowzuk

«Bu içgysgynç» diýmek. Bu jümle bilesigelijiligi heläk edýär. Bilesigelijilik akyl ýetiriş babatdaky gyzyklanmalarymyzyň iň bir esasy höweslendirijisidir. Bu gün ähmiýetsiz ýaly bolup görünýän zatlar ertir täze mümkinçiliklere tarap açylan ýol bolup biler.

Ulanylýan maglumatlaryň şol bir boluşlylygy. Ýagny şol bir bloglaryň, awtorlaryň okalmagy, şol bir gepleşiklere tomaşa edilmegi, şol bir adamlar bilen söhbetdeş bolunmagy we ş.m. Gyzyklanýan zatlaryňyzyň çygryny giňeldiň.

Ýeňil ýollaryň agtarylmagy. Biz kän bir özümize agram salmak islämizok. Bu ýalňyş. Kyn ýagdaýlar adamdan akyl taýdan ukyp-başarnyklarynyň aňrybaş derejede bir nokada jemlenmegini talap edýär. Bu bolsa beýniniň mümkinçiliklerini ösdürýär.

Ymtylyşyň bolmazlygy. Eger siz ýeterlik netije gazananlygyňyza özüňizi ynandyrýan bolsaňyz, ösüşiňiz bada-bat togtaýandyr. Ýeterlik derejede ýokary galdym diýen pikirden çekeräk duruň. Köp zady isläp, öňe tarap hereket ediň.

Sowallaryň bolmazlygy. Özüňizden «näme üçin?» diýip soramagy bes eden pursadyňyz size şol bada adatylyk halyna düşmek howpy abanýandyr. Ol ýa-da beýleki bir zady näme sebäpli, näme üçin edýänligiňizi özüňizden sorap duruň. Oýlanmazdan, bolup geçýän hadysalara, ahwalatlara boýun bolýan kişi iru-giç çäkli ýagdaýda galýandyr.

Döredijilikden boýun towlamak. Döredijilik ukuby özüňize ýatdyr öýdýärsiňizmi? Şu ýagdaý sizi bökdeýän şertdir. Ýeňip geçip bilmeýän bu serhetleriňiz ösüşiňiziň ganym duşmanlarydyr. Özüňizi çäklendirmegi bes ediň-de, mümkinçilikleriňizi durmuşa geçiriň.

Gapma-garşylygyň bolmazlygy. Eger daş-töweregiňizi hemişe, hemme zat babatda siziň bilen ylalaşýan adamlar gurşap alan bolsa, muňa oňaýly ýagdaý-a diýip bolmaz. Sebäbi hakykat jedeller arkaly ýüze çykýar.

Höwesiň gaçmagy. Käte uçralan şowsuzlyk köp zat hakda arzuw etmäge ýol berenok. Höwesiňizi bogmaň, gorkyňyzy ýeňiň, ýogsam şowsyzlyk sizden aýrylyp gitmez.

Nusgalyk adamlaryň bolmazlygy. Köplenç özümiziň kämillik derejämizi ölçemäge ukybymyz ýetenok. Beýleki adamlary çelgi edinseň welin, muny bilmek kyn däl. Kä kişi köp okaýar, ýene biri çuň gözýetime eýe, başga biri ideýalara baý, garaz, her bir adamda diýen ýaly hormata mynasyp bolan aýratynlyklar bardyr.