17:19 Mowzuk

(Gaýtalanan mowzuk) ..

Pathalymçylyk aýlyksyz, ýagny, öz käriň daşyndan keyiphon bitirilýän işdigine garamazdan, diyseň humarly güymenjedir.
Pathalym hemişe başlygyň yanynda beyleki işgarlerden gowydyr. Her gezek adam yamanlamaga baranda başlyk ony güler yüz bn kabul eder. Getiren şugullary üçin oňa minnetdarlyk bildirer. İtini, pişigini sypalan yaly, pathalymyň arkasyny sypalar. Adam yamanlamak işinde taze-taze üstünlükler gazanmagy arzuw eder.
Ýigrenýän işgärini (elbetde, pathalymyň yigrenmeyan adamy yokdyr başlyklardan, uly wezipelilerden başga) yamanlap oňa ýapan şyltyklarnyň yerini tutyp, ol bendäniň, başlyk tarapyndan yagşyja käýinç berilmegi, ol görgülin yürek agyrsy gozgap, keselhana düşmegi ya-da tarpa-tayyn ölmegi pathalym üçin uly bayramdyr. Bu yakymly pursadyn lezetini pathalym dünye malyna bermez.

Pathalymlaryň borçlary hakda:
Pathalym birinji nobatda başlygyn astyn we üstün taraplarny pugta öwrenmelidir. Başlygyň kimi yigrenyandigini, kimi govy göryandigini anyklap, adam yamanlamak işini şoňa göra planlaşdyrmalydyr.
Pathalymyn ayry köçesi yokdyr. Ol günde ir bn adamlaryň biri yaly bolup, işine baryandyr. Yüreginde bolsa dembermez pathalymçylyk keseli gyzyp durandyr. Pathalym yolda gündelik etmeli işlerniň, yagny, bu gün kimlerin aşyna awy gatmalydygynyň planyny yene bir gezek öwrüp-çöwürmelidir. İş yerine baran badyna Pathalym hasiyetini ütgetmelidir. Gazap donuny geyip işgarleriň kastyna çykmalydyr. Pathalym ir gününi giç etman, gapy dinlap, açar sokulýan deşikden jyklap, kimiň neneňsi pikirdedigini hüşgarlik bn hasaba almalydyr. Başlyk işe gelende Pathalym ýene häsiyetini ütgetmelidir. Ýanyja yeke öyliň horazy yaly gomparyp yören Pathalym öz başlygynyň önüňde üç eplem bolup, üç gezek salam bermelidir hem-de üç gapyny açmalydyr. İlki maşynyň gapysyny, son daşky gapyny, sonuňdanam başlygyň kabinetiniň gapysyny açmaga ylgamalydyr. Başlyk kabinetine giren dessine onun daşky geyimlerni çykarmaga kömek etmelidir. Ony Weşelkadan asmalydyr (Başlygy däl-de, daşky geyimleri!)

Başlyk kel bolsa, ony utandyrmazlyk üçin darak somlap durmaly daldir. Saçly bolsa welin, jübilerni sermelap ugranyndan daranjak bolyanyny wagtynda aňyp, önden taýynlap duran daragyny uzatmaly. Başlyk daranyp durka onyň kastyumyna, köwüşine esewan etmeli. Geyimlerinde çöp ýada gyljagaz görseň, çümüklap alyp penjireden daşaryk üfläýmelidir. Eger başlygyn köwşüne hapa degen bolsa, başlygyň özüne bildirmän elýaglygyň bn süpüraymeli.
Başlyk asgyrsa ya üsgürse, uly adamyň sümügi sallanyp durmaz yaly, çaltlyk bn oňa elyaglygyňy uzatmalydyr. Pathalym, başlyga çay demlap bermeli bolanda sekratar gyzdan önürti ylgamalydyr. Munun özi <<Sekretar>> gyzymyzyň ünsi başga yerde. Demlan çayy hem öz yüzi yaly yuwan diyip, ol görgülini yamanlamaga bahana bolýar.

Ýygnaklarda başlygyň dokladynyn her jümlesini makullap, baş atmaly, başlyk görer öytsen, it ýylgyrşyny etseň-de gelişmÄn durmaz. Dokladyň dovamynda her gezek, her gezek el çarpmalaryň öňüni başlamak hem "Pathalymyň" borjydyr. Çykyp geplemelerde başlygyň adyna tankydy bellik edýänleriň her sözüni yaňsylamaly, pyňkyran bolup, oňa pitjin atmaly.

İş güni gutorandan soň hem başlygyň ýanynda bolsaň, oňa yhlasly, işini söýýän adamdygyňy bildirdigiň suw akytmaly, çaý demleşmeli. "Pathalym" başlygyň aýalyna, çagalarna, mallarna, hatda itine, pişigine hem "pathalymçylyk"etmelidir. "Pathalym" başlygyň ýaşaýan öyüne hem tagzym etmeli. Sebäbi başlygyň penjireden seredip duran bolmagy mümkün. Onsaňam köp gezek egilip-galmak beden terbiyesi üçin hem peýdalydyr.
İş etmek bar-özüňi işleýän yaly görkezmek bar. Şonyň ýaly yylgyrmak bar-ýylgyrýan ýaly görünmek hem bar. Ýylgyrýan yaly görünmek üçin burnuň iki gapdalyndaky siňňirlere erk etmeli. Uzak wagtlap türgenleşik geçip, şol damarlary dutaryň tary ýaly deň dartmagy öwrenmeli. Damarlaryň ikisini deň çekmeseň, yüzüň bir ýany ýylgyryp, beyleki gapdalnyň gaharlydygy äşgär bolyar.
"Pathalymyň" ýagysy kändir. Adamlar "pathalyma" nejis jandar höküminde garayandyr. Emma "Pathalym" özüniň utançsyzlygy, erjeňligi bn ýol almalydyr. "Pathalymyn" yüzüne hiç wagt utanç yokmaz. Märekede üstünden gülünse-de, döşünden itilse-de, käte dulugyna şapbat çalynsa-da "Pathalym" ruhdan düşmeli däldir. Edil zyňylan jyk-jyk ýaly, ýene öz gara maksadyna okgunly topulmalydyr.
"Pathalyma" hiç kim tälim bermez. Bu ugurdan ýokary-okuv jaýy beylede dursun, gysga wagtlyk kurslar hem yokdyr. (maňa sagbolsun aýdyn size yok ýerden sapak berip otyryn).
Birek-birekden tejiribe alyşar yaly, "Pathalymlaryn" seminarlary hem geçirilýän daldir. <<Pylan edarada işlär ýaly ýokary hünarli, gowy Pathalym gerek>> diyen bildirişi hem görmersiňiz. Çyn "Pathalym" öz başyny özi çaramalydyr. Ol "pathalymçylyk" hakynda ýazlan eserlerden özüçe many alyp, hünärini yokarlandyrmalydyr, pathalymçylyk talantyny yzgiderli kamilleşdirmelidir. "Pathalym" adam ýamanlygyň täze-täze formalarny gözlemelidir. Pathalym tutanyerli bolmalydyr. Omuzuna alan işgÄrini agdaryp urmalydyr. Ýogsam "Pathalym" çöregini yitirer. <<iki goçun kellesi bir gazanda gaýnamaz>> diyenleri yaly edarada bir Pathalym bar bolsa, ikinji Pathalyma orun yokdyr. Eger başlyk bildirmänjik iki Pathalym edinen bolsa "pathalymlar" rowayatdaky äjit-mäjitler ýaly, biri-birini iyip, yok etmelidir.
Pathalymlar adamlara edil ganym duşmany ýaly dözümli daryşmalydyr. İslese etini gowuryp iymäge, islese ony ýakyp, külüni göge sowurmaga ukyply bolmalydyr. Pathalym hiç kimi dost tutunmaly däldir. Pathalym öz bähbidi bar ýerin-de iki dogup bir galany bolsun welin, ony ak yürekden ýamanlamalydyr.
Pathalym bir ätiyajy hergiz goldan bermeli däldir: başlyklaryň hiç biri-de pathalymy yüregi bn söymez. Ýöne edarada bir Pathalym bolmasa iş ýöretmegiň kyndygyna gözi ýetip duranson, başlyk bi-alaç pathalyma ýel beryändir. Şonuň üçin hem Pathalym uzagyndan entedip, serpmeden gaýdan ýaly etmek üçin assyrynlykda başlygyň ayagynyň astynda peýda bolmalydyr.
"Pathalymlar" guramasy ýa-da ofisi yokdyr. Olar üçin "Pathalym" diyilýän at iň yokary mertebedir. Bu adyň diňe onyň işleýän yerinde güyji bardyr. Pathalym samalyota, poyezda, awtobusa hatda hammama girmek üçin bilet alanda-da sokjarlyp, binobat kassa baryp bilmez. Garaşmaly bolanda-da, umumy zalda otyrmalydyr. Sebäbi, wokzallarda <<Pathalymlar otagy >> yokdyr.
"Pathalym" diyen dereje Pathalym öyünde ayalyndan gorkmak-gorkmazlyk meselesindede hem artykmaçlyk bermeýär. Keywanysy öňküleri yaly, ony islese, sübse bn, islese oklow bn urup bilyar. Bu at Pathalyma persenol pensiya almagada hukuk bermeyar. Pathalymlaryň aýry gonamçylygy bolmansoň, ol ölende adam jaylanyan yere ertip gömerler. Onyň mazarynyn baş ujunda hem mermer daşyn yüzüne <<PATHALYM>> diyip ýazylyan däldir.
Bir ajap eyyam geler. Başlyklar uçdantutma payhasly, ak yürekli bolar-da pathalymlaryň hyzmatyna mätäç bolmaz. Şeylelikde pathalymlar durmuş sahnasyndan düşüp, sumat bolar. Yöne Pathalym geljege umytly garamalydyr. Taryha girmek umydyndan el üzmeli däldir. Kim bilýär, bir wagtlar taryhçylar, etnograflar, arheologlar arhiwleri dörüp yörkäler meniň şujagaz ýazgymyň üstünden bararlar. <<O-hov, gadym zamanlarda pathalymlar diyen adamhor, yyrtyjy jandarlar yaşap geçen eken>> diyişip, siziň süňklerňiziň gözlegine çykarlar. Gazuw işlerni geçirip, pathalymlaryň entek dirika gör-lahet, melgun pikirler bn çişip-çişip, gazan yaly bolan kelleçanagyny gadym zamanlarda yaşap geçen ýyrtyjy haywanlaryň sünkleri bn bir hatarda muzeýlerde goyarlar.

İne sen şuna guvanyp bilersin ey Pathalym.
Pathalymçylyk yoluna hyyally yoldaşlar!
Hem ejirli, hem lezetlli hünäriňiziň soňuna sogan ekilmänkä Pathalym bolmaga howlugyň!