Aýaly öý işi bilen gümra.Äri gelýär.

Äri:- Seniñ ýaly işjanly, edepli, ekramly,edenli aýal dünyäde başga-da barmyka?

Aýaly:- Diliň süyjäpdir-le, kakasy? Näme, myhman gelýämi?

Äri:- Seniň üçin meniň dilim hemişe bala ýugrulan ýalydyr. Hany şu namany diňle.

Goý, diýsinler owadan däl,
Meniň üçin owadan sen.
Tarypyňy - ýetirmäge,
Çaý baryny sowadan men.

Aýaly:- Kakasy süýjäpdir diliň,
Hoş gylykly, gowy adam sen,
Wasp edmäge hoşboý gülüň,
Söz gözläňok howadan sen.

Äri:- Mydam agyr işde boldyň,
Gep-gybatdan daşda boldyň,
Gije-gündiz huşda boldyň,
Hoş gylow hem owadan sen.

Aýaly:- Daşym goran sarsmaz galam,
Gutarmasyn aýdym-namaň,
Derdiňe derman Sonaň,
Ýasalypsyň dogadan sen.

Äri:- Göwne kine getirmegin,
Agyr ýükler götermegin,
Myhmany tiz atarmagyn,
Biri gelse obadan, sen.

Aýaly:- Gel, gaşymda otyr hany,
Kim geljekmiş aýt-da göni,
Çagyrdyňmy ejem jany?
Kesme meni tamadan sen.

Äri:- It saklaýaň küşgürmäge
Ýaýdanýan men pyşgyrmaga,
Onda-da ýok mende çäre,
Kakam gelýä, owadanjam.

Aýaly:- Näme, näme? kim gelýä?

Äri:- Juda, juda owadan sen!
Ejemdenem owadan sen!
Uýamdanam owadan sen!
Hemmelerden owadan sen!
Owadan sen, owadan sen!
Kakam gelýär, obadan meň

Aýaly:- Süzme tapsaň, unaş bolar, Dişsiz kakaňam hoş bolar.

166

23

8

12

0

Mowzugy VIP edenler: