Täze durmuş guran iki ýaş çatynja bardy. Goş birikdiren ilkinji günlerinden başlap, durmuşyň ozal pikir edişleri ýaly beýle ýeňil däldigine düşünip ugradylar. Aslyýetinde, bir-birini halaman hem duranokdylar. Juda ýygy-ýygydan bolmasa-da, ilkinji tanyşan günlerindäki süýji pursatlaryny ýatlaşýadylar. Emma häzir, sähelçe söz, ýönekeýje hadysa aralarynda dawa we tersleşigiň çykmagy üçin ýeterlikdi. Bir agşam ikiçäk oturyp, ahyrky netijä gelmegi maksat edindiler. Ikisi-de aýrylyşmak islemeyärdi. Emma durmuşyň beýle dowam etmegine-de razy bolup biljek däldiler.
Ýigit:
- Mende bir pikir bar – diydi. “Baga bir nahal oturdaly we eger nahal 3 aýyň içinde gurasa, aýrylşaly. Guraman, ösüp, boý alyp gitse, gaýdyp aýrylmak barada pikir hem etmäli. Bu wagtyň dowamynda-da her birimiz aýry otagda ýaşaly.”
Bu pikir, gelniň hem göwnünden turdy. Ertesi gün, bir miwe agajnyň nahalyny satyn alyp getirdiler we bileje howlularyndaky bagda oturtdylar. Aradan bir aý geçdi. Bir gije ikisi hem tötänlikden bagda gabatlaşdylar. Ikisiniň hem elinde içi suwly bedre bardy…



P.s Jemgyýet diýmek Maşgala diýmek, Maşgala hem jemgyýetiň bir bölegi. Bir maşgala dargasa jemgyýetiň bir bölegi dargadygydyr.
Könelerimiz aýdypdyr:
" Maşgalam - Baş galam ".

244

35

12

15

0

Mowzugy VIP edenler:

— 2 sagat vip etdi.16.06.2019 / 09:25:55