Çary Ÿegenmyradow / Sôÿgi


Perişdeleň örýän çagy oýandym,
Köňül heserlendi, ýürek terpendi.
Gördüm ýarymaçyk tüýnükden garap,
Bady-sabaň bulutlary serpenni.


Belki, bes edendir Biribar indi
Ykbaly gam bilen zäherlemegni.
Agşamyň şapagy gamlandyrmaýar,
Şatlyga gark edýär säherler meni.


Indi adamlara mähirli bakýan,
Indi olar maňa görünýär yssy.
Kine saklap gezen ýyllarym üçin,
Ökünje gaplanyp, ýüregim gysdy.


Ýürekde söýgi bar — il-güne söýgi
Oýanypdyr, telim ýyllap irkilen.
Söýgi — oda guýlan spirt mysaly,
Ýanyp dur gursakda ak ýalyn bilen.


Şerbet suwy ýaly etse-de melul,

Bu duýga berdim men bütin erkimi.
«Aýallar-uýamdyr, erkekler — dogan»
Diýip, tüýs ýürekden söýýän her kimi.


Bular bir ýow güni gözümden uçup,
Kän ýyl soň tötänden sataşan ýaly.
...Söýgi bilen dünýä geldim ýaňadan,
Niçik bolar, söýmedigiň ahwaly!

85

9

1

8

0

Mowzugy VIP edenler: