13:22 Mowzuk

"Maňa-da gerek däl..."

Gadymdan miras galan rowaÿatlaryñ birinde aÿdylšy ÿaly Hudaÿ Adamy ÿaradandan soñ, Zenany hem ÿaratmagy maksat edinipdir. Emma ony ÿaratmaga girišen wagty, ulanyp bolaÿjak serišdeleriñ barysynyñ erkegi ÿaratmak üçin ulanyp, gutaranlygyna göz ÿetiripdir. Uzak wagt oÿlanyp, Biribar bu meseläni šeÿle çözüpmiš. Ol öz ÿaradan Aÿyndan we Gününden, Asmandaky her bir ÿyldyzdan bölejikleri alyp, säher çagynyñ näzikligininden, ÿapraklaryñ ÿuwašjadan titräp edÿän çygšyldysynyndan, serwi agajynyñ boÿyndan we syratyndan, bägülleriñ özüne çekiji hošboÿ ysyndan alyp, zenana beripdir. Ÿüregine çöl maralynyñ gorkaklygyny, ÿüzüne gün šöhlesiniñ nuryny, bilbiliñ sesini, almaz dašynyñ çydamlylygyny, bedewiñ wepadarlylygyny, gaplañyñ doñÿürekligini, ÿalynyñ howruny, buzuñ sowuklygyny... garaz ÿene š.m. dürli zatlary berip, zenany ÿaradypmyš we adama beripmiš. Bir hepde hem geçip-geçmänkä Adam Beÿik Biribaryñ ÿanyna gelip, dyzyna çöküp, šeÿle diÿenmiš:
Eÿ, Beÿik Alla! Seniñ maña beren zenanyñ maña derkar däl. Nebir günüm bardy, ÿeke ÿašap ÿörkäm, erkindim! Nirä gidesim gelse, gidip bilÿärdim. Indi bolsa ol menden elmydama ÿanynda bolmagymy talap edÿär. Ondan bidin hiç bir ÿere gymyldap hem bolanok! Gaty köp gürleÿär, duran bir iñirdi-laÿ ol, bahana tapsa-tapmasa, göz ÿaš edip bašlaÿar. Men muña çydap biljek däl. Men ony yzyna tabšyrÿan. Özüñe nesip etsin! Maña-ha, ol gerek däl. Öñki ÿaly ÿeke ÿašajak.
Beÿik Biribar ony diñläp:
"Bolÿar, men ony yzyna alaÿaryn, ÿöne soñ ökünäÿmeseñ?" diÿipdir. Bir hepde geçensoñ, adam ÿene-de Beÿik Biribaryñ huzuryna baryp, dyzyna çöküp, ÿalbaryp bašlapdyr:
Eÿ, Beÿik Biribar, men ÿalñyšypdyryn. Meniñ üçin ÿaradyp, maña pešgeš beren zenanyñdan ÿüz dönderelim bäri men näme üçindir ÿekelikden ÿadap bašladym. Ol meniñ ÿanymda oturyp, meni agzyny açyp diñleÿärdi, mähirden doly nazaryny menden aÿyrmaÿardy, onuñ mähirden doly gözleri meniñ ÿüregime teselli berÿärdi. Onuñ enaÿy ÿylgyryšy meni ajaÿyp saz kimin eredÿärdi. Onuñ owadanlygy meni bütin durkum bilen heÿjana getirÿärdi. Eÿ, Beÿik Birinar! Geç meniñ günämi, gaÿtaryp ber maña ony! Men onsuz ÿašap bilmejekligime añyr ÿany bilen düšündim.
Beÿik Biribar adama ÿüzlenip:
Ÿalñyšmaÿan ÿok. Menem ynha, geçen gezek geleñde, ony senden alyp galyp, gaty ÿalñyšypdyryn. Šondan bäri ol her gün aglap:
"Näme üçin meni ÿaratdyñ, adamdan aÿry ÿašatjak bolsañ?" diÿip hüñirdäp otyr. Alyp gitseñ, maña-da ÿeñil düšjek. Bilÿäñä sen, meniñ bašga-da aladam az däl ahyryn. Aslynda hem men sizi jübüt bolup ÿašañ diÿip, özüńiz ÿalylary dörediñ-de, köpelip gidiñ diÿip ÿaratdym ahyryn... Sen Adam, adamzat nesliniñ atasy bolmaly, saña beren Zenanym bolsa, bu nesliñ enesi bolmaly..." diÿipdir.

Zenan göz ÿašy

Bir kiçijik oglanjyk günleriñ bir güni ejesine ÿüzlenip:
"Sen näme üçin aglaÿarsyñ?" diÿip sorapdyr. Ejesi oña:
"Men - Zenan. Šonuñ üçin aglaÿaryn" diÿip jogap beripdir. Oglanjyk geñ galyp:
"Men-ä düšünmedim eje" diÿipdir. Ejesi çagasyny gujaklap:
"...sen muña hiç haçanam düšünip bilmersiñ balam" diÿipdir. Soñ oglanjyk bu barada öz kakasyndan sorapdyr. Kakasy bolsa egnini gysyp:
"Men onuñ näme üçin aglaÿanyny bilemok, ÿöne aÿallaryñ hemmesiniñ-de hatda hiç bir sebäpsiz birden aglap bašlaÿandyklaryny kän gördüm. Meñ ejem pahyr hem wagtal-wagtal aglaÿardy" diÿip jogap gaÿtarypdyr. Oglanjyk ulalyp, ÿigit çykypdyr, aÿal-gyzlañ hemmesiniñ hem wagtal-wagtal hiç bir sebäpsiz aglaÿanyny öz gözi bilen görüpdir. Günleriñ bir güni ol dyza çöküp, bilÿän dogalaryny okap, Beÿik Biribara ÿüzlenip:
"Eÿ, Allam, aÿtsana, näme üçin aÿallar sebäp ÿok wagty hem birden aglap bašlaÿarlar?" diÿip sorapdyr. Beÿik ÿaradan oña šeÿle jogap beripdir:
"Men Zenany ÿaradamda, onuñ üÿtgešik bolmagyny isledim. Men onuñ egnine durmušyñ ähli ÿüküni çekip biler ÿaly berdašlyk berdim, ellerine näziklik berdim, dünÿäni mähir bilen doldursyn diÿip! Men oña ruhy güÿçdir gujur-gaÿrat berdim, dürli kynçylyklara, hatda öz çagalaryndan ešitjek kemsidiji sözlere-de döz gelip bilsin diÿip! Men oña añrybaš çydamlylyk berdim, kynçylyklardan çekinmez ÿaly, artykmaç kanagatlylyk berdim, garašmaklygyñ yzasyny ÿeñip bilsin diÿip, onuñ ÿüregine näziklik we mähirlilik berdim, söÿülsin we söÿüp bilsin diÿip! Men oña artykmaç aladaçyllyk berdim, mašgalañ bar aladasyny gerdeninde çeksin diÿip! men oña üÿtgešik sabyr-takatlylyk berdim, ykbalyna kaÿyl bolup ÿašamany bašarsyn diÿip! Oglym, men Zenana šu artykmaçlyklary bilen bilelikde göz ÿaš edip bilmeklige hem hukuk berdim...
Goÿ, ol bu hukugyndan islän mahaly peÿdalanyp bilsin diÿip, begenen wagtam, gyÿylan-gynanan wagtam!
Bašarsañ oglum, eneñi, aÿalyñy, uÿañy we gyzyñy hiç haçan gynanyp-gyÿylyp aglamaz ÿaly etmeklige çalyš, goÿ olaryñ Zenan ÿüregi aglasada, diñe saña begenip we guwanyp aglasyn!" diÿipdir.

Zenan kim?..."

Gadym akyldarlar aÿtmyšlaÿyn:
"Eger sen hakyky erkek bolÿan bolsañ, Zenany aglatmajak bol" sebäbi, Hudaÿ onuñ gözÿašynyñ her bir damjasyny sanaÿarmyšyn! Rowaÿatlarda Hudaÿyñ Zenany erkegiñ gapyrgasyndan ÿaradanlygy barada aÿdylÿar. Aÿagyndan ÿasamandyr, sebäbi, onuñ kemsidilmegini islemändir. Kellesinden ÿasamandyr, sebäbi, onuñ erkekden ÿokarda durmagyny hem islemändir. Gapdal böwründen alynan gapyrgadan ÿasapdyr, mydama gapdalynda, ÿanynda bolsun diÿip!. Ÿüregiñ üstündäki gapyrgadan ÿasapdyr, elmydama ÿürekden söÿülsin diÿip. Šonuñ üçin-de gadym zamanlardan bäri erkekler zenanlary goramaga, olary hormatlamaga, sarpa goÿmaga we olary elmydama söÿüp gezmäge borçlydyrlar.

Öwezdurdy MUHAMMETBERDIÝW
Sosialogiÿa ylymlaryñ doktory, professor

Mowzugy VIP edenler:

Elif — 15 sagat vip etdi.14.06.2019 / 08:58:21

Entek birinjini okap, oglanlary ,,dara", mowzugy vip-e cekesim geldi. Hany yashap bilseñiz ÿaśañda bizsiz

Elif, hehe hemmesem manyly
sen mowzugy WIP e çek,Oglanlaryň işi haýyr

Ikinjini okap geleÿin, garasyñ ))

Eger śol gôzÿaślar bilen kalp giñemese ÿûrek berilenininiñ peÿdasy bolmazdy. ,,Bir" diÿmákáñ ÿûrek ,,pañk" ederdi

Elif, dogrydyr hekayadaky aydylan zatlar yone men sizin bir zadynyzy gowy goryan ynandyrmak ansat nace kop gurledigince ynamy guyclenyar tomusda derya donupdyr diysenem gulagyndan buz sallap otyr

ai näbileýindä ynandyrmagyň aňsat bolaýşyny
siziň diýýän gyzlaryňyz 1990 njy ýylda galan bolaýmasa

men-ä gözüm görsede ynanmaýan wagtym az däl

Gyzjagaz: eje men ulalsam arim bolar???
Ejesi: howwa gyzym akylly bolsan bolar!!!
Gyzjagaz: akylly bolmasam???
Ejesi: onda kop bolar

Diyjek bolyanyma dushunensin diyip umyt edyan Guwanjovna !?

düşünmedim!
5 barmak deeň däl

Onsoñam bilip goÿuñ: ,,Ÿüregiñ üstündäki gapyrgadan ÿasapdyr, elmydama ÿürekden söÿülsin diÿip".

Elif, bollulagy,bar çaga planşediň bn görelde bolup oturmada,işleriňi et

Her sapar elim degýäray iň soňky teswir ýazanyň adynyň üstüne.

Men bu rowaýata nähili garamalydygyny bilemok. Adam buny özünden düzen bolsa okamaga gorkýan. Ýalandan ýazylan sözleriñ bar bolmagyndan gorkýan. Ilki çynmy, ýalanmy şony bilesim gelýär

spagetti, makullamok welin,şonnada dogry aýtýaň diýeýinmi?

Meni makullar ýaly özüm hiç-hili netijä gelip bilemoga entek?

spagetti, hehe netijä gelen wagtyň duýdur

spagetti, 1-nji rowaýat durşuna günä ýugurlan,sebäbi birnäçe gezek Beýik Allahyň eden işine dil ýetirilýär, ony kemçilikli,eden işini bilmeýän edilip görkezilýär beýle düşünje adamyny kapyrlyga eltýär.
Allatagala her bir kemçilikden päkdir,mydama diňe dogry zat eder,biziň onuň işine at dakmaga,goşulmaga oýun edibem bolsa hakymyz ýokdur. Şonuň üçin her bir zady ýaýratjak bolanyňyzda oňat pikir ediň Allahyň öňünde hasap bardyr,sorag bardyr ,men hem şu zatlary şol sebäpden ýazdym,sen näme üçin şeýle zady okabam sesiňi çykarmadyň diýilmeginden gorkup.

Aýdanyñyz üçin Tañry ýalkasyn Chary aga. Men anyk bilibem aýdan bolsam ynanmazdylar. Maña gaty erbet degdi okap başlanymdan

Salam agam.Belki rowaýatda kemterlikler bardyr.Meñ durmuşdam mysal alasym geldi.Hemme kişide Allanyñ ýaradyşyna we ýazgydyna kaýyllyk bolsady.Bu döwürde has köpelen maşgala bozmak diýen zat asla bolmazdy.Durmuşda-da edil rowaýatdaky ýaly aýrylyşmagyñ sebäbi adamlaryñ biri-biriniñ ýaman ýerini görüp,ýagşy ýerlerini görmedik bolmagy dälmi näme?

Salam jigim,rowaýatda Beýik Allatagalla hem adamlar ýaly kemçilikli ,ýalňyşýan edilip görkezilipdir beýle düşünje musulmanyň iman-ynanç ,ygtykadyna ters gelýär,ana şol bolmaýan zat. Allatagalaga bir zady bilmändir,ýalňyşypdyr,nätjegini bilmändir diýen ýaly zatlar aýdyp ony kiçeltmek,ony kemçilikli görkezmek uly günädir,her sözümizde häzir bolmaly adamyny imansyz ýola eltjek zat ýalňyş gepläp ýalňyş düşünjede bolmaklykdyr.

Bu haysydyr bir daşary ýurt ertekisi bolup bilmezmi eýsem. Kim bilýa filasof muny nähili bir hüý häsiýetleri açyp görkezmek üçin mysal getirendir. Näme onsañ daşary ýurt ertekilerni ile ýaýratmak gadaganmyşynmy. Onsoñam beýle synçy bolsañyz. "Soñ ökünersiñ" diýen ýerine üns berdmediñiz.Şu ýerde "soñ ökünersiñ " diýmegi"adamyñ zenany küýsejeginden, oña baglydygna düşünip dolanyp geljegni" bilip aýdanlygyndan bolaýmasyn. Onsañam şunça köp okasañyzam käbir ertekiniñ ýoýulyp ýoýulyp gelýändiginden bihabar galaýdyñyzmy?!

Dogry bellap gecdiniz agam

Chary aga, teswirlerime plyus goyanynyz uchin sag bolun.

Elif jan, Vip üçin saja bol, jigim!

MILANA, gaty görmäñ halamadyma basanym üçin. Onuñ sebäbi teswirlerde ýazylandyr

Meñ pikirimce aýallaryñ huy-hasiýetini öwrenip duzulen zat bolaýmasa.ýöne gaty dogry bellenen zat

Sabryna, sosiologiýa ylymlaryñ dokdory, professor elbetde gowy bilýär aýal-gyzlaryñ häsiýetlerini! Ýöne häsiýetlerinden daşary ýazylan zatlara nähili jogap berip bolar? Men şoña jogap tapamok

Sabryna, jogap tapmak kyn

Aýallar bir seretseña gaty guýclidirler olaryñ cekip-cydap bilmejek dertleri ýokdur.bir seretseñem ýeke sözi kalby parcalanyp ejizlikden göz ýash dökýandirler.

Ýazgydaky aýallara berilen hasiýetnamany gaty haladym.

Zenan men,mährim bilen,
Ýary yşkdan gangyran.
Altyn köşkde,tagtda däl,
Kalplar içre handyryn.

Zenan men,ýaşaýyşyñ,
Göýä,hamyrmaýasy.
Iñ ygtybar düşelgäm,
Öz ýarymyñ saýasy.

Zenan men,giñ dünýäni,
Ýöretjegi döretýän.
Mährim bilen buzlary,
Doñ garlary eretýän.

Zenan men,eý goragçym!
Gora,ýaman gözlerden.
Töhmet diýen beladan,
Hem ynjyly sözlerden.

Zenan men,ganymdaky,
Päkligim bozulmasyn.
Dünýäni dowam etjek,
Dowamym üzülmesin.

Gyzylgül Annagylyjowa.

@Milana mährem uýam.Sag bol ajaýyp tema üçin.Ýene-de bir gezek zenan bolup dogulanyma buýsandym.

Gumlygelin, Bizede siz ýaly ajaýyp gelneje,uýa,maslahatçy bolmak nesip etsin!

Has gowusy bolarsyñ uýam nesip bolsa.

Gumlygelin, minnetdar gelnejem

Hyýalyñdaky gülleri kabul etdim uýam.Bazardaky güller solar.Emma,göwünden-göwüne ýollanan güller hiç wagt solmaz.

Gumlygelin, gowy sozler tuweleme ayal gorgulini sylayan bamay dine agladyp yorler enceme erkekler !

Gumlygelin, jora gowy goşgyň ŭçin sag bol

Meň elim degdi öydyån gowy temaňyz, gosgularyňyz ŭçin sag boluň joralar hezil edip bir demde okap cykdym sag boluň yetireniňize
Zenanlaryň yasalyşy gowy suratlandyrylypdyr

Birinji rovayatda zenan tebigatyn janly jandarlarynyn belli bir boleginden yasalandygyny ayta sonkyda velin erkek kisinin cep gapyrgasyndan yasalandygyny aytya o nahili bolyar?

Mowzugy okadymam, haladymam. Emma teswir ýazmana çekinip otyrdym. @Çhary, agaň teswirinden soňra arka tapynan ýalak boldum. Çary agaň hemme aýdýanlary hakykat, hakykadam boyun almaly. Bu döwürde şerigaty öňe tutup gürleseň ýa halanoklar ýada ters düşünýrler. Şonuň üçin söz azatlygynyň ähmiýeti ýok ýerinde dymanyň gowy! .
Allatagala bilen ýönekeýje dialog geçirilipdir. Adam bu hakda gürlemäne gorkýar.

Ýöne zenan hakda aýdylanlary, artykmaçlyklary welin haladym.
Emma şular ýaly mowzuklar ýazylsa teswirleri diňe bir taraplaýyn jedel durşuna. Nämemiş, gyzlar ýazýa " hawa erkekler bizsiz" ýaşamaýaňyz diýýä. Erkekler "sizsizem ýaşaýas diýýär". Giden bir boş gürrüň.
Mowzukda ol hakda aýdylan ýer ýok, ikisi hem bir biri bolmasa oňmaýar diýlipdir. Aýal maşgalanyň erkek adamyň gapyrgasyndan ýaradylan diýilen ýerinde eýýäm hemme zat düşnükli. Allatagala bu barlygy ýaradanda hemme zady jübüt jübütden ýaratdy. Onsaň, ony özüňçe teswirlän bolmak sowatsyzlygyň alamaty elbetde.
Zenan bolup özüňdäki artykmaçlyklara buysanmak üçin, zenan adyna laýyk ýaşap bilýmeýäniňden utanmaly.!

Mená degishme uçhin yazypdym

Öwezdurdy MUHAMMETBERDIÝW
Sosialogiÿa ylymlaryñ doktory, professor. biraz grubyrak gorunyanem bolsa, aytmasam bolanogay, gunasini goteriba biljek dal welin, wagtynda ateist bolan bolaymasa.

Foton, Yogsam Allah hakynda bilmeyan zatlarymyzy aytmaklygyn Kurany-Kerimde haram edilendigini bilerdi.

Sosiologiya diyilyan ylym sowet dowrunde hudaysyzlygy yayradan ylym, eger bilmeyan bolsanyz.

Foton, wapşe profesor diyan adam beyle yuzley zatlary yazmaly dalmika diyyan.

Name sorag berenine dushunmedimay mena

Ay bor dushunishmedik oydyan.

köp begenme.minuslamaga bararlar häzir

Guvanjovna, gurrun plyus goymak ya minus goymak-da dal, derejesi gerek dal saytyn mana, yone pikirine dogry dushunendikleri we goldayandyklary begendiryar.

Şu ýerdäki teswirlere seredip "Dubai" nadip şeýle derejä yetirdilirka diyen pikir kella geldi

Bu mowzuk (rowayatlar) barada birnace pikirlem bar welin hazir el degenok yazmaga...

towariş-ýoldaş professoryň başga dinli milletleriň warsakylaryndan terjime edendigi mese-mälim, Hudaý, Taňry ýerinede Allah diýip goýup hamala özi ýazan ýaly bolýandyr... musulmanyň ýazjak zady däl bu zatlar.
Zenanlar - siz öwgä müň kerem mynasyp, emma bu derejede Allaha dil ýetirip öwgi sözlerini ýazmak tüýs Hudaýsyzyň işi...

☪ ATAKAKA ۞, dogry bellap gecdiniz!

☪ ATAKAKA ۞, respect yashuly!

Aýal Hudaýlary döredijileriñ ilkinjileri...