15:19 Mowzuk

Men barybir unutman geçip giden günleri,
Olar maňa teselli bolmaz, bilýän, bes indi.
Geçmişimi ýatlamda ataş düşer içime,
Tapylarmy duýan, heý, gygyramda sesimni?!
Men ýörärin ýol aşyp, aşyk bolup güllere,
Emma olaň ömri gysga, olar hökman süllerer.
Ýere bakyp ýöresem, ýer gorkarmy, bilmerin.
Ganat açyp, uçup gitsem, bu ýerlere gelmerin.
Iň kyn zatmyş dünýede ýaşamaklyk ýeňilmän.
Ýene erte dogar Gün.
Gör, şonuňkam ýeňil däl.

13.06.2019ý.

* * *

Ömür

Şu güne çen edenlerim,
Güpüläp gürlärlik däldir.
Meni menzile ýetirjek
Ýollaryň ýodasy kändir.
Ýaşlygyň ömri az bormuş.
Hut şonuň üçin bu ýola
çykdym. Arkamda gülberim,
Men ýaşamak üçin geldim.
Ana, şoň üçin ölmerin.
Ýaşlygym, ýalbarman saňa,
Sen barybir ötegçisiň.
Saklap bolmaz bu dünýäniň
hiç wagtam ötegçisin.
Çagalyk gidipdir birçak,
Onuň gapysyn ýaparyn.
Eý, ýaşlygym, gadyrdanym,
Seni ýitiren halatym
men başga zady taparyn.

13.06.2019ý.

Gülnar GELDIMYRADOWA

Mowzugy VIP edenler:

Ýaňyja "tamdyrdan çykan" goşgular. Alyň, noş bolsun!

Ömür

Şu güne çen edenlerim,
Güpüläp gürlärlik däldir.
Meni menzile ýetirjek
Ýollaryň ýodasy kändir.
Ýaşlygyň ömri az bormuş.
Hut şonuň üçin bu ýola
çykdym. Arkamda gülberim,
Men ýaşamak üçin geldim.
Ana, şoň üçin ölmerin.
Ýaşlygym, ýalbarman saňa,
Sen barybir ötegçisiň.
Saklap bolmaz bu dünýäniň
hiç wagtam ötegçisin.
Çagalyk gidipdir birçak,
Onuň gapysyn ýaparyn.
Eý, ýaşlygym, gadyrdanym,
Seni ýitiren halatym
men başga zady taparyn.

Ýürekdäkimi ýazypdyr bu şahyr!!! +++++ 5 ?

Dogrydanam gidýäni, gideni, gitjegi saklap bolmaýar. Ýaşlygam şeýle.

Gośguda gowy sözler köp

,,Gûl" ÿaly diÿeÿin diÿsem, ÿoldugyñ gurap galjak gośgy dál eken.

Gûlnarany tanaÿan bolsañyz gaÿybana ugradyp beráÿiñ shu gûlûmi

Kôp gûrláp bashladym, gideÿin jigim bilen oÿnaÿyn indi ))