12:48 Mowzuk

Gaýdyp gelen çagalygmyz.

Betinden
Gumlygelin

13.06.2019 / 16:15:01

Megerem bu ikimiziñ,gaýdyp gelen çagalygmyz.

Ikimize,ejemiziñ,
Gujak geren günlerini.
Seniñ diñläp,meñ erteki,
Aýdyp beren günlerimi.

Bolsady yzyna dolap.
Ýagyş ýagsa heýjanelek,
Gözdañdy,bukuldym bilen,
Hem oýnardyk elek-çelek.

Gar ýaganda gar tokgalap.
Gar adamy ýasaýşymyz.
Ýadyñdamy?Gyş gijesi,
Öýe odun daşaýşymyz.

Odun peçde odun ýakyp,
Çoýunardyk añzak gyşda.
Uklardyk biz ertekileñ,
Iñ ýagşysyn eşde-eşde.

Käte gidip kömelege,
Gijä galyp egleneñde.
Unudardym ähli kinäm,
Ahyr yza köwleneñde.

Özgeripdir ähli kada.
Öýüm,öwzarym başgalap.
Indi mydam egleneñde,
Men dál,garaşýar maşgalañ.

Bagra basyp perzentleriñ,
Çagalygmyñ yzyn görýän.
Ýaradana müñ şükürler,
Bir eýjejik gyzyñ görýän.

Gözlemäli özge ýerden,
Gaýyp bolan çagalygmyz.
Megerem bu ikimiziñ,
Gaýdyp gelen çagalygmyz.

Gyzylgül Annagylyjowa.

215

Mowzugy VIP edenler:

Teswirler:

Gerekli
Guvanjovna

13.06.2019 / 16:54:45
+1 ♥

Gelnejem,uýaňyz hakyndaky goşgularyňyzy haaas ýakyn görýän özüme...
Galamyňa.ömrüňe,zehiniňe bereket!ajaýyp gelnejem!!

Betinden
Gumlygelin

13.06.2019 / 17:43:43
+0

Guvanjovna, Bu oglan jigim barada.

Gerekli
Guvanjovna

13.06.2019 / 17:45:06
+0

barybir ajaýyp!

Betinden
Gumlygelin

13.06.2019 / 17:47:13
+0

Guvanjovna, Uýam düzenimide okamak isleseñ ýetireýin uýam.

Gerekli
Guvanjovna

13.06.2019 / 17:47:40
+1

minnetdar gadyrdanym!

Betinden
Gumlygelin

13.06.2019 / 17:47:54
+0

Guvanjovna, *uýama

DOST
SerVi

13.06.2019 / 17:01:32

Doganyñ dost bolsun, dostuñ dogan!

Gumlygelin gelneje goşgyñyzy gowy gördüm

Betinden
spagetti

13.06.2019 / 17:17:03

Bir bar eken, bir ýok eken

Indiki çagalar palçykdan ýasaýmasa gar adamy?. Bizde garam ýaganok indi çagalygmyzdaky ýaly

Betinden
Gumlygelin

13.06.2019 / 17:45:26
+1

spagetti, Dogry.

Mergen

15.06.2019 / 09:45:05
+0

spagetti, hakyky

DOST
Elif

13.06.2019 / 19:07:33

Tell the truth and then run.

Ajaÿyp

Betinden
Gumlygelin

13.06.2019 / 22:14:48
+0

Elif, jan sag bol güller üçin,gül göwünlim.

Gytyndan
Awara

13.06.2019 / 23:07:16
+1

Berekella, Gumlygelin. Menem şular ýaly şygyr döredip bilsedim diýdirýän eser ýazypsyň. Öwgi däl, gözügidijilik däl, mahabatlandyrmagam däl meniň bu teswirim biziň aramyzda şeýle şahyrlaryň ýetişip barýanlygyna guwanç, buýsanç. Berekella, uýajygym.

Betinden
Gumlygelin

14.06.2019 / 10:31:46
+1

Awara, sag boluñ agam.Aýal doganda edil mährem eje ýaly hamraklyk bar bolmaly.Oglan jigim rugsatsyz kömelege ýa balyk tutmaga giderdi.Wagtynda gelmese gaty alada galardym.

Täzeje
BaBy EGO

13.06.2019 / 23:23:42

Balalarym meniñ ömrüm

Gowy yazylypdyr.döredijiligiñde üstünlik arzuw edyän.

Gerekli
Yolagchy

14.06.2019 / 00:47:50
+1

Okamak juda ýakymly boldy

öz çagalygym göz öňüme geldi. Okan wagtyň eserde oglan jigä bagyşlanandygy duýulýar.

Gerekli
Yolagchy

14.06.2019 / 00:51:37
+1

Yolagchy,

Indi mydam egleneñde,
Men dál,garaşýar maşgalañ.

:dovelen:

MILANA

14.06.2019 / 07:43:19
+1

Çagalygymyzy ýatlatdy bu goşgy. Meniňem gyz jigim menden birugsat hiç ýere gitmeýädi. Howluda ownuk uşak işlere güýmenip, gyz jigimi unudypdyryn. Birden ýadyma düşüp, gözläp başladym. Goňşularyň barsyny aýlanyp çykdym. Tapmanymdansoň, gaharlanyp başladym. Netim birden tapsam, bir-iki gezek şapbatlajakdym. Bar ýerini aýlanyp çykdym. Ejeme-kakama näme jogap bererin indi diýibem gorkup, aglap, öýe dolanyp gelsem, öýde süýji ukuda ýatan eken. Bar gaharym zym-zyýat bolupdy şonda begenjime.

Betinden
Gumlygelin

14.06.2019 / 10:37:46
+1

MILANA,

Unudardym ähli kinäm,
Ahyr yza köwleneñde.

Özümiziňki
Akpamyk_Ak

14.06.2019 / 09:45:51
+1

Mergen

15.06.2019 / 09:47:58
+1

Howa, çagalygy gözümizde janlandyrdyñ senä gelneje. Diýmek goşgy ýerine düşüpdir. Howaýy däl...

Täzeje
Manisha

15.06.2019 / 09:53:57
+1

Çagalyk ýyllarym ýadyma düşdi

Soňky jogaplar:

LIVE A LONG...Dowamy

Gürrüňdeşlik | Uzak yasa Tiko joram 🎂
TENEKARs (Bu gün, 00:56:07)

bilman minus basyldy, sorry...Dowamy

Gürrüňdeşlik | Uzak yasa Tiko joram 🎂
Mahris (Düýn, 23:49:36)

Mahri, erkek doganyn cagalary ballym. Menem olaryn ejekesi...Dowamy

Umumy bölüm | Sizde-de şeýlemi?!
Kepderiis (Düýn, 22:43:58)

Mahri, Türkmen, erkek doganynyñ çagasyna name diÿer? inim, doganym , jigim Erkek doganyñ gyz jigileri sho chagañ namesi bolar? daýzaşşşkaaa...Dowamy

Umumy bölüm | Sizde-de şeýlemi?!
Verdanas (Düýn, 22:13:09)

Türkmen, erkek doganynyñ çagasyna name diÿer? Erkek doganyñ gyz jigileri sho chagañ namesi bolar?...Dowamy

Umumy bölüm | Sizde-de şeýlemi?!
Mahris (Düýn, 21:03:20)