YNSAN BILEN YNSANYÑ PARHY.

Günlerde bir gün gürleýän gürrüñleri gülkidir öýdüp köpçülikde hemişe degşip ýören kişi meşhur fizik Galileýiñ uly gulaklarynyñ ûstünden düşüpdir. Olaryñ arasynda şeýleräk söhbet bolupdyr:
- Jenap siziñ gulaklaryñyz ynsan gulagyna garanyñda biraz uly dälmi?
- Mümkin, gulaklarym adamlaryñka seredeniñde uly bolup biler, ýöne siziñkiler eşek üçin gaty kiçi dälmi?

NAPOLEONYÑ AKYLY.

Fransiýanyñ hökümet agzalarynyñ ýygnanşygynda özüni çäksiz akyl eýesi hasaplaýan bir kişi Napoleon Bonaparty tankyt etmek maksady bilen söze başlapdyr. Ol öñündäki kartada barmaklaryny gezdirip:
-Ilki bilen şu ýerini basyp alan bolsadyñyz onda biziñ goşunlarymyz üçin şu ýere geçmek mümkinçiligi dörärdi. Soñra bu ülke-de biziñ gol astymyza geçerdi - diýip, özüniñ paýhasly pikirlerini beýan edipdir. Bu gyzyldan gymmatly pikirlerden paýyny alan Napoleon:
- Siz dogry aýdýarsyñyz, eger bu görkezen ýerleriñizi barmak bilen alyp bolýan bolsady, men ony aýdyşyñyz ýaly ederdim - diýip, jogap beripdir.

KESP-KÄR DAWASY.

Dünýäniñ iñ meşhur kardiolog lukmany Mişel De Bakeý dolandyrýan ulagynyñ näsazlygyny bejertmek üçin ussanyñ ýanyna barypdyr. Ussa ulagyñ dolandyryjy gurluşlaryny gözden geçirmäge başlapdyr. Esli salymdan soñ ol lukmana ýüzlenip:
- Sizden bir zat sorajak. Çakym çak bolsa, ikimizem şol bir işi edýäris. Ýagny, men ulagyñ niresinde näsazlygyñ bardygyny anykladym. Şol gurluşy arassaladym. Eger zerur bolsa gurluşlary birleşdirýän simleri, hereketlendirijiniñ ýagyny çalyşsak. Hatda ýagdaýy erbet bolsa, onuñ ýerine täzesini oturtjak. Indi, aýtsañyzlañ, näme sebäpden edýän işlerimiz şol bir zat bolsa-da, siziñ iş hakyñyz meniñkiden görnetin artyk bolýar - diýip, öz käriniñ gymmatynyñ pesligini bilmek isläpdir. Bilipdirem. Lukman biraz eglip, ýuwaşlyk bilen ussanyñ gulagyna arasyndaky tapawudy Aý dogan ýaly aýan edipdir:
- Siz bu işleriñ ählisine hereketlendiriji işleýärkä synanyşyñ. Belki, şonda düşünersiñiz.

104

8

4

4

0

Mowzugy VIP edenler: