BOLAR SEN


Belent daglar, beýikligňe buýsanma,

Göweçde suw bolan zer dek bolar sen,

Tereň derýa, haýbatyňa guwanma,

Wagtyň ýetse, guryp, ýer dek bolar sen.


Daglaryň arslany, babyr-peleňi,

Ahyry deň bolar pil, peşe jeňi,

Jeýhun derýasynyň, Niliň näheňi,

Gulagyna urlan har dek bolar sen.


Kyýamatdan bir söz diýdim baýakda,

Garaw bardyr ýersiz urlan taýakda,

Zalymlar har bolar, galar aýakda,

Garyp, sen ýyglama, şir dek bolar sen.


Ýagşylar ýanynda ýörgül sen özüň,

Dür bolsun daýyma, sözlegen sözüň,

Alymlara uýsaň açylar gözüň.

Jahyllara uýsaň, ker dek bolar sen.


Magtymguly, garap sözle daşьщny,

Jaýyn bilip sarp et, bolsa aşyňny,

Kämil tapsaň, goý iolunda başьщny,

Är ýaňynda gezseň, är dek bolar sen.

Magtymguly Pyragy

ATÇA BOLMAZ


Haryň işi hardyr, dostlar,

Müň magtasaň, atça bolmaz.

Bedasyla emel etse,

Biliň, asyl zatçl bolmaz.


Pany dünýäge ynanmaň,

Altyn-kümüşe guwanmaň,

Giewlere köňül bermäň, —

Bir dogan zürýatça bolmaz.


Köp ýollarny görse gezüň,

Bir manydan bilseň özüň,

Bir nadana aýdan sözüň,

Ösüp giden batça bolmaz.


Başyň ýassyga ýetende,

Sabyr, karar bolmaz sende,

Güýjüň-kuwwatyň gidende,

Ogul-gyzyň ýatça bolmaz.


Magtymguly, ajap çaglar,

Kimse güler, kimse aglar,

Dürli miwe beren baglar,

Sowular jenietçe bolmaz, ..

Magtymguly Pyragy
ILLERDE


Keşt edip gezmişem pany jahany,

Sen deý gözel hiç görmedim illerde;

Köňlümiň aramy, menzil-mekany,

Şeýda köňül joşmaz özge güllerde.


Il husnuňa dahyl, görmäge zar men,

Yşgyňda bahar men, köýüňde nar

Tä ölunçäm, seniň ýoluň garar men,

Ryzwan kimin gözüm galdy ýollarda.


Säher seýle çyksa, ger tökse siller,

Owsunar her ýana, tutukdyr tiller,

Zerefşan gulpagy, saýa käkiller,

Çöşseň ýere duşer, örseň — biller.


Nergiz gaşyň, helal gözüň gurban,

Adyň zikr etmäge dilde ýok perman,

Bir janym bar, müň derdim bar, sen derman,

Jismim ot içinde, ýaşym sillerde.


Nepes diýr, adatdyr möwç urup joşma,

Aşyga humardyr ogryn garaşma,

Hem jilwe, hem gamza, näzu-kereşme,

Mekan tutmuş göz-gaşyňda, gollarda.

Mollanepes

SÖZÜM BAR SAŇA


Gara gözli, galam gaşly perizat,

Aýdabilmen, birje sözüm bar saňa,

Yşkyňda köýüp men dat bilen bidat,

Iki çeşmim bir görmäge zar saňa!


Şikeste men, zülpleriňe baglama,

Hanjar alyp, ýürek-bagrym daglama,

Myhmanyň men işigiňden kowlama,

Gerek dälmi namys bilen ar saňa?


Dal gerdenden tylla heýkel dakmasaň,

Humaý gözüň süzüp, gaşyň kakmasaň,

Ýüz-müň suhan diýsem, bäri bakmasaň,

Neneň edip ýaranaýyn ýar saňa!


Kemine diýr, senden istedim wepa,

Wepa istäp geldim, sen berdiň jepa,

Yşkyňda hastaýam, sen bergil şypa,

Şypa istäp geldim, men bimar saňa!

Kemine

ŞAÝLY BOLMASA


Kemeler gymmaty, görnügi bolmaz,

Bedewiň guýrugy, ýaly bolmasa;

Hiç sana goşulmaz, bir göze ilmez,

Her ýigidiň golda, maly bolmasa.


Malsyz mertler köp hor eder başyny,

Myhman gelse, gaýra ýaщar ýaşyny,

Ede bilmez köňli halan işini,

Gurguly harjysy, puly bolmasa.


Pis eýýamdyr, kişi köňlün güýtmzler,

Tanalmasaň, gelip atyň tutmazlar,

Hudaý üçin saňa hyzmat etmezler,

Donuň, gyzyl, atyn şaýly bolmasa.


Dürüs däldir onuň ýüzüni görmek,

Hassa bolsa, baryp halyny sormak,

Dünýäde bet işdir zor bilen bermek,

Birewin-birewe meýli bolmasa.


Bu Zelili bildigini diýr öter,

Akly bolan gepiň aslyna ýeter,

Aňlanlar bu söze gulagyn tutar

Bir aňlamaz telbe-däli bolmasa.

Zelili

187

21

13

10

0

Mowzugy VIP edenler:

— 5 sagat vip etdi.12.06.2019 / 19:12:29