(Rowaýat)
Gadym dòwùrde bir àr-aýalyñ ýeke ogly bar eken. Ogullary ýigit çykanda, olar ýogalypdyr. Ogullaryna kòneje jaýdan başga baýlyk galmaýar. Oglan hojalygynda ishlàýin diýse ish òkúzi, pildir kàtmeni, orakdyr ýùpi hem ýokmush. Òýleneýin diýse gyzyñ ata-enesine berere galyñ tapmandyr. Garaz, aljyraññy ýagdaýda galan ýigit ish gòzlàp, goñşy obalara gidipdir. Garañky gatlyshanda ol bir obanyñ çetinden barýar. Ilkinji gapysyny kakan òýi ony tañry myhmany alypdyr. Agsham çaý bashynda ýigit òz ýagdaýyny òý eýelerine aýdyp berýàr. Ýigide rehimi inen òý eýeleri oña òýlenmàge kòmek etýàrler. Onuñ bagtyna alan gyzy juda akylly, edep-ekramly eken. Ýigit gelni bilen òýúne gelýàr. Adamsynyñ baryp ýatan garypdygyna doly góz ýetiren gelin àrine ýúzlenip: "Sòýgùlim, garyplykdan çykmagyñ ýoluny gòzlàli. Mende ejem pahyrdan galan ýadygàrlik sowgat bar. Ertir bazar. Shony àkit-de goşa òkúze çalysh. Ekiş wagty bashlandy. Ýerimizi bosh goýmaly!" diýýàr.
Ýigit gelniniñ diýenini edip, irden bazara barýar. Sòwdalashyp, gośa òkúzi alyp, òýlerine gaýdýar. Òkúzlerini sùrùp gelýàn ýigidiñ garşysyndan onuñ òzi ýaly biri at oýnadyp gelýàr. Synladygyça ýigidiñ ata gòzi gidipdir. Ahyry hem durup bilmàn, ýigidiñ atyny goşa òkúzine çalyşmagyny haýyş edipdir. Atly biraz oýlanyp, razy bolupdyr.
Atda ykjam ornaşan ýigit tòweregindàkilere úns bermàn gaýşaryp gelýàrkà, òñúnden owadan telpekli pyýada gabat gelipdir. Onuñ telpegi gúnúñ şóhlesine ýalp-ýalp edip, gòzúñi gamaşdyrýarmyş. Atda oturan ýigidiñ telpege gòwni gidipdir. Teýahyry durup bilmàn, telpegi ata çalyşýar. Telpek kellesine biraz uly bolsa-da, ol eden sòwdasyna puşman etmàn, ýoluny dowam etdiripdir. Obadaşlarynyñ birnaçesi onuñ bolşuny geñ gòrúp, garama-gara yzyna dúşúpdirler. Howanyñ yssy bolandygy úçin ýigit ýadapdyr, suwsapdyr. Derýanyñ gúzerine gelip, eglip suw içmekçi bolanda, telpegi suwa gaçypdyr. Gúýçli akýan derýa, telpegi girdaba àkidipdir. Ýigit başyna dúşen ýagdaýa gynanypdyr. Obadashlary oña: "òýúñe barsañ, aýalyñ seni içeri goýbermez, ol saña gaty kàýýàr" diýipdirler. Ýigit hem aýalynyñ kàýeme-ge beýlede dursun, hat-da alarylyp hem seretmejegini olara aýdypdyr. Hakykatdan hem oñmadyk sòwda úçin aýaly azar bermese, obadaşlary oña birnàçe goýun bermegi wada edipdirler.
Ýigit òýúne barypdyr, obadashlary hem daş işikde gapyny diñlàp durupdyrlar. Ýigit bazara gidişi, eden sòwdasy barada aýalyna birin-birin gúrrúñ beripdir. " Indi bagtyñ ýatan bolsa gerek, turjak tozan agyz-burnuñy doldurar" diýşip duran obadaşlary, dúýbúnden bashga gúrrúñ eşidipdirler. Àri gúrrúñini tamamlan dessine aýaly owadan hem nàzik gollaryny adamsynyñ boýnuna orap, màhirli gysmyljyrap:
- Màhribanym, arkadagym, gòzúmiñ gòreji, başymyñ tàji, bu dúnýàde diregim, ol dúnýàde geregim, sensiz durmuş maña zyndandyr. Şaý-sepler gitse- gitsin, telpegiñ aksa aksyn. Mal-gara diýip, òzúñi horlama. Başymyz dik, janymyz sag bolsa, baýlygyñ òzi geler - diýipdir.
Gelniñ akylly hem parasatly sòzlerini eşiden obadaşlary ýigrimi tòweregi goýny olaryñ gapysyna getiripdirler..

326

42

25

12

1

Mowzugy VIP edenler:

— 10 sagat vip etdi.13.06.2019 / 00:32:12

Asuda_durmush — 4 sagat vip etdi.12.06.2019 / 19:48:29