Agageldi Italmazow / Bizi aÿra salan ÿollar


“Bizi aýra salan ýollar

Indi gaýdyp duşurmazmy?”


Italmaz Nuryýew


Ykbaldan razy men, bagtymdan razy,

Ýöne bir zatlara gyýylýan käte.

O haçan diýsene?!
Haçan şol gözleň,

Şol gamgyn gözleriň düşende ýada.

Bizi aýra salan ýollara gargap,

Öz ýanymdan gamgyn aýdym aýdardym.

Ýanaryn öýderdim ataşy bilen

Aýralyk diýilýän bu ýowuz derdiň.

Emma süýjiň ajysynyň bolşy dek,

Ajyňam süýjüsi bolýan ekeni.

Edil özüň ýaly bir zyba gözel

Mizemez bagt bilen gurşady meni.


Bagty serpaý etdi saňa-da biri,

Şeýdip, ýene bagta siňdi ykballar.

Diýmek, dogry ýola gönügipdir-dä,

Bizi aýra salan hupbatly ýollar.


Pursat.


Sen aglasaň, ýyldyzlaňam keýpi ýok,

Seret, olar seýrekläpdir bu gije.

Hamana, asmandan gözlerňe inip,

Soň bolsa syrygýar ýaňaklaryňdan
Öwrülen ýyldyzlar kümüşsöw hünjä.


A men bolsa gol gowşuryp otyryn,

Tazygan täleýiň gözüne garap.

,,Aglama!” diýmäge dilim baranok,

Belki şu hal şoldur iň dogry karar.

Ikimizem bilýäs, ýürekden aglap,

Dertleriňi biraz egsip bolýanyn.

Ýöne sen gussaňy gözýaşa öwrüp,

Meň ýüregme guýýanyňy bilýämiň?

Götereýin, gussaň bolsa – al bäri,

Bir ýeňlärsiň, gözýaşdan soň ýylgyrsaň…

…Hemme zat ýerbe-ýer bolaýjak ýaly,

Hünjä dönmek üçin gözlerňe inmän,

Ýene Gögi dolduraýsa ýyldyzlar…

99

15

1

10

0

Mowzugy VIP edenler: