Duralga, awtobus, gyk-bak sesler.
Öýe geldiň. Adaty işler. Azajyk wagt, ol-bi.
Soňam düşege atarsyň bu bedeni.
Akylly, dertli adamlar ýaly uklap bilmän kösenmersiň. Iki minut. Uka çümersiň.
…Darajyk köçe. Gumak, gumalak ýaly daş düşeldim diýlen. Gelýäň. eliňde içi almaly
sebet.
Gözüň ýerde. Ýüzüň ýerde… Näme üçin? Kimden utanýaň sen? – Bilemok. Kalbyň hasratly. Harasatly.
Bu ýer nire aslynda?
Bu çagalar kim?
Çagajyklar gapdalymdan ýöräp gelýärler.
Ýuwdunşyp bakýarlar. Ýok, maňa däl. Elimdäki almalara.
Mundan artyk ýöräp bolanok. Durduň. Çagalara alma paýlajak…
Dur hany, ol çep dyzy ýamaly oglan näme elini uzadanok?! Oňa alma uzat.
Ana, aldy. Gädik-gädik dişjagazlary…
Alma iýip näme üçin aglaýarka bu çaga??? Ýok, almanam iýenok-la …?!
Düýşüňde zombi gören ýaly tisginip turarsyň.
Sagat jykgyldaýar. Stoluň üstünde kütelip giden gündelik dur…
Adam özi üçin ýakymsyz zatlary ýazyp saklap ýörermi. Peçe dyk…
Peçe dykmaly. Ýöne bir ýerlerden närazy nazary bilen saklaýan ýaly çep dyzy ýamaly
oglanjyk…


Nejep Baÿadow.

Begenjiñ goşgusydymy şu