Janly-jandarlaryň diline düşünip bilýän gahrymanlar barada ertekilerde kän eşidensiňiz. Şol gahrymanlaryň köpüsi hem guşlar bilen gürleşýär. Näme diýip, näme aýdarsyň, tehnologiýa indi “guş dilini” hem terjime edip bilýär. Towuk idedýäňmi, ABŞ-nyň Jorjiýa tehnologiýa institutynyň alymlarynyň guş diline düşünýän emeli aňyndan edin-de, towuklar bilen gürleşde ýör.
Hawa, bu biziň size ýetirjek bolýan habarymyzyň degişme tarapy. Ýöne, hakykatdan-da, emeli aň indi bize guş dilini, ýagny towuklaryň dilini hem terjime edip berýär. Bu iş alymlara birbada aňsat düşmedi. Olar birnäçe ýyllap towuklaryň dilini öwrendiler. Haýsy sesi çykaranda, olaryň näme diýjek bolýany bilen içgin gyzyklandylar. Bu iş olaryň iki ýyla golaý wagtyny aldy. Ahyrynda seslerden many çykarylyp, olar toparlara bölündi we emeli aňa ýerleşdirildi.
Bu synag towuklaryň hem öz aralarynda edil adamlar ýaly gürleşýändigini görkezdi. Sesiň äheňi olaryň duýgularyny beýan edýär. Mysal üçin adamdan başga jandarlar hem çykgynsyz ýagdaýa düşende sesini gataldýar. Alymlar bu gatalan sesiň her gezek şol bir äheňde çykýandygyna göz ýetirdiler.
Guş diliniň «terjimeçisi» ilki eşiden sesini öz mümkinçilikleri bilen derňeýär. Soňra ony fermanyň dolandyryş bölümindäki kompýutere ugradýar. Bu ýerde-de towuklaryň «aýdan-goýanlary» terjime edilýär. Indi bu terjimeçiniň kömegi bilen towuklaryň derdini aňlap bolar.

cheshme:bilmeli.tmhyzmat.com

293

46

15

16

0

Mowzugy VIP edenler: