reSSs..!, men yetishmedim gerek, ay bolya goyanlarynyzy howes bilen okarys

Elif (Şu gün, 04:43)
Aknur ATAÝEWA / Gôwnûme

Ýykylmasyz ýerde ýykylyp yörsüñ,
Dertleriñi bukman, bukulyp yörsüñ.
Içgysgynç dünýäñe däpmi ümsümlik?!
Seslen, barlygyñy hemmeler görsün.

Atygsap dur sygman juwan gursaga,
Owrülmäýin dirilikde gurjaga.
Äkit geçilmedik menziller sary,
Ýyllar hasratlardan gapan gursa-da.

Kimseler barlygñy unutdy bir çak,
Şoñ üçinem gama goýýalar nähak.
Başlanmadyk urşa taýynlyk görüp,
Yşk derwezesinde dursuñ, ine, sak.

Erkim señ eliñde çäksizdir hakyñ,
Haýyşym "Artdyrma dertlermiñ ýükün."
Seni ýykyp ýumrar ýowuz şemallar,
Göwnüm berkmi ýa-da gowşakmy köküñ?!

Gowşak bolsañ gazyljagñy bilýàrin,
Berk bolsañda üzüljegni bilýärin.
Ýatdan çykar boş duýgulañ baryny,
Urup dur, bu hem señ wagtlaýyn kariñ.

Alla razy bolsun!

Olýa,


Gurbandurdy Orazow / ***


Sen gyýylma ykbalyma, eje jan,
Dilgir-dilgir bakma meniň gijäme.
Gurban men bir kile nabada biten
Göwnüňe hem gubar tutan didäňe.


Hoşlaşmaly boldy harplygym bilen,
Şol günler hüwdiň deý oňatdy weli,
Dulugma doňduryp şarpygy bilen,
Durmyş çagalykdan oýatdy meni.


Gögüň ýyldyzlaryn soraýan günlem
Ýitdi galdy hol aňyrda öwrümden.
Indi soňsuz sowallarym ýok meniň
Hem gorkamok ertekileň döwünden.


Gorkýan ýüregimde galpyldy bolup,
Duýgyň köňle çökjek pajygasyndan.
Sowuk,
soluk,
ýowuz,
öt aýralygyň,
Bagtyň nämedigini ýatlatjagyndan.


Goý, men ýüregimi ýakaýyn, eje,
Menden soň-soňlaram oňa kän kişi
Göwnün goýsa, köňlün çoýsa, şahyryň
Şondan uly näme bagty barmyşyn?!


Täleýiň deý jaýryk-jaýryk hem gaty
Ýetirme mañlaýňa gamly aýaňy.
Eje, umytlarmyň sakçysy sen,
hem
Dünýäň meni söýen ýalňyz aýaly...

Durdyeva, yokarda goydum jan!

Goydum )