Asmanyň astynda sanardan sansyz,
Ornuny alypdyr bir giden ýyldyz,
Şul gözel gijede, peri deý bir gyz,
Durdy ýada salyp geçen wagtyny.

Ozallar Ol Gyzyň Ýüregi ýaly,
Söýüp, arzylaýan bardy bir Ýary,
Gyzyň Ol Ýar bilen üç ýyl ömüri,
Geçipdi şadyýan hemem lezzetli.

"Leýlini Mejnunyň söýüşi ýaly,
Men Seni Söýýärin" diýende Ýary,
Gyzyň göwününe Onuň ykbaly,
Eçilen ýaly-dy tükenmez bagty.

Diýseň şadyýan, diýseň lezzetli,
Geçerdi Olaryň her bir pursaty,
Ýigit Söýgüsiniň haky-hormaty,
Diýipdi Şol Gyza: "içdim men anty"

Şirindi bileje geçilen günler,
Olara haýrandy eşden, görenler,
Gyz üçin Ýigitden baran bägüller,
Bolardy ählije zatdan gymmatly.

Emma bagtly günleň kesilip soňy,
Ykbal getiripdi aýra sowgady,
Gyzyň başyna-ha hakyk dowzahy,
Ýigide bolsa berdi ol jenneti.

Ykbal sowgadymy ýa-da ynsanyň,
Anyk aýytmaga ejiz ynsabym,
Ýöne ähli zadyň hesip-hasabyn,
Wagt çözer etsek sabyr takaty.

Aý ýok men-ä muny wagta goýjak däl,
Bolan bu wakany asla ýoýjak däl,
Gyzyň bu halyna bolan sebäpkär -
Ýigidiň Ejesi, hem oň gaýraty.


Tolkun

181

26

4

8

0

Mowzugy VIP edenler: