21:28 Mowzuk

Bu biziñ köpümize mahsus ýagdaý. Hatda özümem birnäçe etsem-petsemlerimi diñe şol duýgynyñ täsiri astynda ýa soña süýşüripdim ýada başlaýyn, başlaýyn diýip heniz başlamankam taşlapdym. Köpleriñ özleri we öz arzuwlary geljekleri babatda şu köpürden gopýandygyna şol ýagdaýda ejir çekýändigine gözüñ ýetýär. Aslynda bu giñden ýaýran ýagdaýlaryñ biri. Başlamak gorkusynyñ astynsa neneñsi syryñ ýatandygy hakda dürli pikirler ölçerip seljermeli gözden geçirenimizde jogaby göwni kanagatlandyrjak şeýle bir netijä gelip bolýar biz hemişe ahyrky netijäni görmäge howlygýarys. Täze işe girişýaris emma köp wagyt geçmänkä başga bir işiñ täsirine düşüp bu işimizden sowaşyp başlaýarys Munyñ hem iki sany esasy sebäbi bar. Birinjysy täze peýda bolan käbir zatlar öñküden has özüne çekiji has gowy has bähbitli ýaly duýulýar. Emma şu wagytky işimiziñ üstünden böküp ol işe girişsek ýenede şol öñki duýgular bilen gurşalýarys. Ikinjisi biziñ ýöränje ýolumyz heniz garaşylýar ahyrky netijäni aýdyñ görkezip bilenok. Sebäbi biz gyssanýarys şu gün düýbi tutulan jaýyñ üçegini ertir göresimiz gelýär. Ilkinji ädimler bolsa ahyrky üstünlige çenli ýeterlik ýol däl.
Täze paltanyñ daragta ilkinji urgusy kesgir bolman biler biziñ işimiz juda täsirli ýada şowly bolman biler. Hususy meýilnamadaky ilkinji aýlar beýik maksatlaryñ ugrunda görnetin öñe ilerleýändigini görkezmän biler emma bar hupbat şu zatlary akyla düşündirip ynandyryp bilmekde. Bir demde bir sözde bina etmek ygtyýary diñe haka degişli. Biz bolsa munuñ üçin ähli ädimleri birme bir ýöräp geçmeli bolÿarys. Gözüñ tebigaty diñe iri zatlary görýär. Iri zatlara ýetýänçäk arada duran ownyk uşak hysyrdylary hal ýagdaýlary bolsa görmek islämizok Bularyñ ählisine sabyr edere takadymyz ýok aslynda welin uly sabyr beýik we belent ruhy hasyl edýär. Şonuñ üçin hem işiñ başyndaky bu päsgelçilik garşylyk durmuşda duçar bolýan iñ uly päsgelçiliklerimiziñ biridir. Muña başlamak garşylygy ýada başlamak päsgelçiligi diýilýär. Şol päsgelçiligi ýeñip geçmek üçin endigan bir ýola düşýänçäñ ähli güýjüñi sarp edip işlemegiñ gerek. Belki bilýänsiñ belkide bihabarsyñ raketa ilki bat alanda özüniñ has köp ýangyjyny energiýasyny ýakýar ol asmana göterilmezinden öñ ilki bilen bar güýjüni bat almaga berýär. Ir säher awtoulag bilen ýola düşmekçi. bolsañ onuñ motory ýuwaş ýuwaşdan gyzýança oña garaşmaly bolýarsyñ. Ol diñe gyzandan soñ sürmäge ýaraýar. Her zadyñ ilkinji ädimi ýönekeýi kiçisi göze ilmeýär emma şol ädimleriñ her biri ýokary derejede ähmiýetli. Göräýmäge ilkinji ädimler işiñ soñundan has kyn we zerur. Öñüñde maksadyñ anyk bolsa ýöremeli ýoluñ barmaly ýeriñ ýetmeli menziliñ kesgitli bolsa hemde şol ýolda uly gaýrata bürenmek isleýän bolsañ ilkinji ädimleriñe uly üns ber we uly güýç sarp et. Ilkinji ädimlere sarp edilen yhlas bize uly gaýrat eçilýär. Gursagymyzda ynam guýýar. Kalbymyza umyt çaýýar. Bizi ahyrky maksadyñ gyzyklandyrýandygyna garamazdan ilkinji ädimlere kembaha garamaly däldiris. Her indiki añymyzda berkän pikirler toplanan tejribeler bilen ýenede berkidip ösdürip öñe ynamly ãtlemek gerek. Şeýle bir söz bar niýet öwrülse aýaklar hem şol tarapa ädilýär. Yza öwrülmese sag sola dönme maksadyña tarap öñe ýöre
Ýañy ýörjen ýörjen ilkinji ädimlerinde tiz ýadap büdräp biraz bolup oturýan emma biz tebigy durmuşumyzdaky tejribelerden bilýäris ahyry şu büdüremeler yza çekilmeler biziñ soñra batly ýöremegimize ylgamagymyza getirýär. Biz bolsa howlygýarys gyssanýarys soñky netijeler bizi şeýle bir gyzyklandyrýar hatda käte näbelli şol netijelere irikgä bolup esasy işimizden ünsümizi sowaşdyrýarys. Sähel kynçylyk ýuz beraýse dagyn öñümizde aşyp bolmajak dag keseren ýaly derrew lapykeç aşak çökýýaris. Emma zemin döräli bäri asyl gozdanmadyk ýekeje dag ýokdur. Ýada adamzadyñ aýagy galtaşmadyk dag gerşini hem tapyp bilmersiñ. Hemme zady sabyr yhlas tijenmek arkaly aşyryp bolýar. Taryh dañy atanyndan häzirki günümize çenli adamzada abanan iñ uly apatlaryñ biri netijelere howlykmakdyr. Taryhdan bir mysal getireliñ Muhammet al Fatyh heniz kiçijik oglanka deñiz gyrasyna gelip Konstantinopolyñ gala diwarlaryna seredip durar eken. Ümzügini uzaklara aýlap men ertir seniñ mäkäm galalaryñy ýere ýumraryn diýer ekeni. Ahyrynda ýigrimi ýaşyndaka şol ýeri basyp almak nesibesini Allatagala bu gerçege miýesser etdi. Eýsemde bu ýigdekçe gylyjynyñ sapyndan ilkinji gezek tutanda ussat soweşiji boljakdygyny bu ýolda uly üstünlik gazanjakdygyny bildimikä. Uly ynam. Bilen tassyklap bilerin ol muña elbetde ynanandyr şol sarylmadyk ynam hem ahyry maksada alyp gelýar. Beýik ynam beýik işleri amala aşyrmaga gurbat kuwwat berýär. Ynamyny gowşatmaýar yhlasyny egismeýär ahyry arzywy hasyl bolýar. Öñunde beýik maksady goýýanlar. Ýönekeý başlangyçlaryñ hubatyna çydamagy gerek her bir ädim her edilen iş şol beýik maksada barýan ýoluñda uly goldaw bolmalydyr.