21:38 Mowzuk

Horasanda bir ýaş oglan bardy. Köňli ylym yşky bilen şem ýaly ýanýardy. Ol ýigit Yraga gidip, esli wagt dini ylmyny öwrenenden soň öz watanyna dolanmak üçin taýýarlanyp başlapdyr. Ol watanyna dolanmak keýpi bilen ýola taýýarlanyp ýören wagty parasatly pirlerden biri bilen gabatlaşypdyr. Pir adam onuň nirä hyýallanýandygyny bilip oňa,synamak üçin :
—Oglum,Horasanda şeytan barmdyr? -diýip sorapdyr.
Ýaş oglan aýtdy:
—Aý hormatly, onuň bolmaýan ýeri barmydyr?
—Ol ýerlerde şeytan bile nähili söweşýärler?
—Oňa garşy gitmek bile!
—Ýa ýene gelse?
—Ýene oňa garşy gidmek bile !
—Manysyz iş!
—Ol nähili manysyz iş bolsun?
—Bütün ömrüňizi şeytan bile gidişip geçirjekmi?

Ýaş ýigit näme jogap berjegini bilmän durupdyr-da onuň özünden sorapdyr :
—Onda näme iş etseň gowy bolar? -diýipdir .

Pir adam oňa şeýle düşündiripdir :
—Mysal üçin ýolda gidip barýarkaň goýun sürsine ýakynlaşdyň diýeli,onsaň seni görüp çopanyň itleri saňa tarap topulsalar sen olary kowup başarmarsyň. Olardan gutulmagyň iň aňsat usuly itleriň eýýesine,ýagny çopana gygyryp ony çagyrmakdyr. Çopan itlerine buýrup seniň ýanyňdan olary aýyrar.

Şeytan bile söweşmäniň ýolyda şeýledir, yagny onuň şerinden Allaha sygynmakdyr.

Hikayetlerden şahsy terjime

*****★*****★*****★*****

Bir garyp ýigit ülkäniň patyşasynyň gyzyna aşyk bolýar. Bu umytsyz yşgyny ülkede ýaşaýan meşhur dewişlerden biriniň ýanyna baryp, gürrüň berýär, ondan kömek soraýar. Derwiş: “Oglum, sen şäheriň giriş derwezesiniň agzynda otur, kim näme diýse diýsin, diňe “Allah” diýip jogap ber” diýýär.
.Garyp ýigit diýleni edýär. Derwüş-de günlük iýjek-içjegini getirip durýar. Günler, aýlar geçýär. Agzyndan “Allah” sözünden gaýry söz çykmaýan ýigit halk arasynda meşhurlyk gazanyp, ol barada dürli gürrüňler ýaýraýar. Ahyry bir gün bu gürrüňler patyşanyň hem gulagyna ýetýär. Ol hem ýigit barada gyzyklanyp, derwüşi ýanyna çagyryp, ondan ýigit barada maglumat soraýar.
Derwüş ýigidiň döwrüň möhüm şahsyýetlerinden biridigini aýdýar. Patyşa ýigidi görmäge barýar. “Kimsiň? Näme derdiň bar? Näme islegiň bar?” diýip sorasa-da, ýigidiň agzyndan “Allah” diýmekden başga söz çykmandyr.
Derwüş agşam ýigidiň ýanyna baryp: “Patyşa saňa “Gyzyňy bereýin” diýýänçä hiç bir sowalyna jogap berme!” diýip berk tabşyrýar. Ahyry bir gün patyşa gelip: “Näme islegiň bar? Aýt. Isleseň, gyzymy seniň bilen nikalaýyn” diýende, ýigit: “Ýok” diýýär.
Ýigit sözüni şeýle dowam edýär: “Indi ony hem islämok. Men aslyýetinde, şunça wagtlap sizden şu sözi eşitmek üçin “Allah” diýdim. Allah döwrüň patyşasyny aýagyma getirip, meniň ýaly pukara ýigide öz gyzy bilen öýlenmegi teklip etdirdi. Hut Onuň öz hormatyna, Onuň ryzasyny gazanmak üçin “Allah” diýen bolsam, kim bilýär, nähili bolardy? Men mundan beýläk Ondan başgasyny islemeýärin.
Kalbymyzy nurlandyr iman yşygy bilen, Gözümizi aýdyňlat Kuranyň nury bilen, Ýolumyzy Sen ýagtylt Muhammed s,a,w Ilçiň bilen, Dogry ýola gönükdir bizi, Allahym!

Öň bir saýtda biri goýupdy,ondan we bar musulman ummatyndan Allah j.j razy bolsun !