Sowgadyň daşyna dolanýan gymmatbahaly kagyzy zaýalany üçin, kakasy üç ýaşlyja gyzyna käýemek käýäpdir. Gyzjagaz, hakyt, şol ullakan, altynsöw, ýalpyldawuk kagyzy buýr-bulaşyk edip, öýde dereksiz ýatan gutularyň biriniň daşyna dolaýan eken.

Ertesi ir bilen gyzjagaz gutyny getirip, kakasyna uzadypdyr-da:

– Kaka, bu saňa – diýipdir. Kakasy şonda «düýn öteräk geçäýdim öýdýän» diýip gyýlypdyr. Öz eden hereketine utanypdyr. Ýöne gutyny açyp görensoň, gahary täzeden güýjäpdir. Ýene-de gyzyna käýäp goýberipdir.

– Birine sowgat berjek bolsaň, gutynyň içine bir zatlar salmaly ahyryn, gyzym! Sen nä şonam bileňokmy?!

Gyzjagaz kakasynyň birneme gatyrak çykan sesine durubilmän, ilk-ä şumjarypdyr, soňam aglap goýberipdir. Gözünden boýur-boýur ýaş akdyryp, kakasyna ýüzlenip:

– Guty boş däl-ä, kaka – diýipdir. – Men ony oşşap-oşşap doldurdym-a…

Gyzjagazyň kakasy şeýle bir bozulypdyr welin, saklanybilmän ylgap barypdyr-da, gyzyny bagryna basypdyr. Ataly-gyz oturyp, bileje aglapdyrlar.

Şol altynsöw gutyny ol ömrüniň ahyryna çenli ýatalgasynyň baş ujunda saklapdyr. Keýpi gaçsa, lapykeç bolsa, özüni erbet duýsa, haýal etmän ýatalganyň ýanyna barypdyr-da, gutynyň içinden öz gyzynyň söýgüden doly hyýaly posalarynyň birini alar eken.
Çeşme:"Zaman" Gazeti

192

30

3

13

0

Mowzugy VIP edenler: