IKINDI NAMAZYNYÑ DÖREÝIŞ TARYHY ROWAÝATY...



Ýunus pygamber ymmatyna iman getiriñ diýip emr etdi,emma halky ony etmedi.Şony üç mertebe aýtdy.Ymmaty iman etmediler.Ýunus pygamber ymmatynyñ gahar-gazabyndan gaçyp,çöl-beýewana gidipdir.Soñ şeýtan adam sypatyna girip Ýunusyñ ýanyna baryp."Seni adamlar tutyp öldürmekçi bolýarlar,gözläp ýörler diýýär.Ýunus pygamber ol ýerde gaçyp nil derýasynyn boýuna barýar.Seretse gämiçiler derýada gaýykly ýüzüp gelýärler.Ýusup pygamber olardan haýyşt edip gämä mündi.Şol pursat derýa tolkun atyp joşup başlady.Gämini agdarara getirdi.Gämidäkiler gorkdular.Gämiçi aýtdy:"Kimem bolsa aramyzda günäkär bar,bir sadaka bereliñ!"100 tyllany derýa okladylar.Hemişe şeýle edenlerinde derýa joşmasyny bes edýärdi.Emma bu gezek iki esse joşdy.Siz kim diýip gämiçiler Ýunus pygamberden soradylar,"Men Allatagalanyñ pygamberi-Ýunusdyryn"diýdi.Onda pygamber bir soz aýtsa derýa joşmasyny bes etse diýdiler,gämidäkiler.Onda Ýunus pygamber,menden özge günäkär yok gäminiñ üstünde,diýdi.Be näme üçin diýdiler.Men Allatagaladan towakga etmäni mahluklaryndan gaçyp gaýtdym,diýipdir.Şonun üçin meni derýa oklañ,diýipdir.Gämiçi:"Ýok siz Allanyñ pygamberi size derek başga birini derýa oklarys!"diýipdir.Onda Ýunus pygamber "Onda men günäkär bolup,başga birini Allatagala kabul etmese gerek"diýipdir.Şol wagt Allatagala Zowalarş atly balyga emr etdi:"Ýunusy ýuwutgyn!"diýip."Ýöne öldürmegin".Balyk Zowalarş aýtdy:"Meniñ adymy owaldan-ahyra ýörgünli etseñ,öldürmäýin!"Allatagala oña:"Bar,senin diýeniñ bolsun!"diýipdir.Şol wagt Ýunus pygamber hiç kimiñ aýdanyna gulak asman:"Menden başga günäkär ýok gämide!"diýipdirde özüni"Bismillähirrahmannirrahym"diýip derýa oklapdyr.Balyk Zowalarş gelip Ýunusy suwa ýetirmän ýuwutdy.Kyrk gün kellesini suwdan çykaryp gezipdir.Kyrk günden soñ Ýunusy bir dagyñ gyrasyna çykarypdyr.Balygyñ garnyndan çykan wagty gün ikindi namaz wagty eken.Balygyñ garnyna düşen wagty hem ikindi namaz wagty eken.Ýunus pygamber balygyñ garnyndan sagaman çykanynyñ şüküranasyna 4 rekagat namaz okapdyr,ol hem bizlere ikindi namazynyn parzy bolup galypdyr.


Cesme rovayatlar kitap

315

40

9

16

0

Mowzugy VIP edenler:

Elif — 5 sagat vip etdi.10.03.2019 / 12:31:03