07:23 Mowzuk

Rejep aýynyñ sogaplarynyñ beýany.

Bilgil, bu aý hemme aýyñ ulusydyr. Bu aýyñ üç ady bardyr. Owwal, ady rejep,ikinji,ady şehralla,üçünji ady mahker. Rejebiñ manysy"uly" diýmekdir.
Resul alaýhyssalam aýtdy:
Rejep aýynyñ özge aýlardan sogaplylygy Gurhanyñ özge kitaplardan artykmaç görnüşi ýalydyr (misli Töwrat, Injil, Zebur ). Bu aý zyýada,
bereketli aýdyr. Başagaý bolanlar we gamgyn bolanlar bu aýda oraza tutsa ýa bir dirhem sadaka
berse, özge aýlarda berenden iki esse sogap bolar.
Bu aýda istygpar aýtmak gerek. Bu aý remezandan soñ, iñ uly aýlaryñ biridir. Bu aýda Hudaýtagala möminlere rehmet eder. Emma kapyrlara we birek-birekden içi kitüwli adamlara rehim etmez. Eger iki mömin şeýtan waswasyna gidip uruşsalar we üç günden artyk kine saklap ýörseler, olara hem rehim etmez. Ýene Hudaýtagala garyndaşlaryn-
dan mähribanlygyny üzenlere we ata-enesini agladanlara hem rehim etmez. Emma rast bilen toba etseler, onda olara rehim eder.
Söwban ( Alla ondan razy bolsun !) rowaýat etdi.
Bir gün Resul alaýhyssalamyñ ýoly görüstanyñ üstünden düşdi. Ol görüstanda bir salym saklandy.
Ondan soñ ýörediler. Şol wagt Resul alaýhyssalam aglady. Sahabalar hem agladylar.
Men soradym:
- Eý, Resulalla size näme boldy?
Resul alaýhyssalam aýtdy:
-Şu görüstanyñ tamam ähline azar berýärler. Olaryñ nalasy meniñ gulagma geldi. Muña meniñ takadym bolmady. Ol sebäpden agladym we ol jemagatyñ günälerini Haktagaladan diledim. Tańry
olaryñ günälerini ötdi. Ol ýene aýtdy:
-Eý, Söwban, eger şol görüstandan bir kişi rejep aýynda bir gün oraza tutan bolsady, Haktagala hemmesiniñ günäsini ýalkardym- diýdi.
Söwban aýtdy:
- Eý, Resulalla, rejep aýynda her kim oraza tutsa, namaz okasa, gör azabyny görermi?
Resul alaýhyssalam aýtdy:
- Ýok görmez. Oña Müñkir, Nekiriñ sowalyny ýeñil eder. Ol kyýamatyñ gyzgynyndan aman bolar. Ol bendä kabul bolan müñ hajyñ we müñ gazatyñ sogabyny ýazar. Ýene ol bendäniñ amal depderine müñ guly azat edeniñ we müñ ýalañaja don bere-niñ sogabyny ýazar. Ýene müñ ýerde köpri salanyñ we müñ tylla sadaka bereniñ sogabyny berer. Söwban ýene aýtdy:
-Bir gün oraza tutana,bir mertebe namaz okana munça sogaplar berjek bolsa, bendäniñ ol günde eden ybadaty mundan zyýada gelse ýene berermi?
Resul alaýhyssalam aýtdy:
-Eý, Söwban! Bu mukdar sogap kim Hudaýtaga-
lanyñ gudratyna müñkir bolmasa, wadalaryna kaýyl bolup tagat we ybadat etse we ymmatynyñ aýdan sözüne kaýyl bolup inkär etmese ol kişä bolar.Söwban aýtdy:
- Men Resul Hudadan ol sözi eşidipdim. Ondan soñ hergiz rejep orazasyny terk etmedim. Bu aýyñ bir ady şehralladyr, onuñ üçin Resul alaýhyssalam aýtdy:
- Rejep aýy Allatagalanyñ aýydyr, şagban meniñ aýymdyr.Remezan ymmatlarymyń aýydyr. Her kim rejepde oraza tutsa, şol aýyñ sogaplaryna ynanyp we azaplayna guwanyp, sabyr edip razy bolsa, Allatagala ol bendä Behiştden uly jaý berer.
Resul alaýhyssalam aýtdy:
-Ol kişi rejep aýynda iki rekagat namaz okasa, ol gijesi ýa ol gündüzi her rekagatda bir " Fatyha " bilen bäş ýola " Kulhuwallahu ahady " okasa ol bendäniñ behişde girmegine men kepildirin.
Rejep aýynyñ bir ady kerdir. Näme üçin " ker "diýipdirler? Çünki ol diñe rejep aýy Haktagalanyñ eden ýagşylygyny eşider we Haktagala bu aýda eden günäñe kyýamat gün güwälik bermez.
Bende başga bir aýda günä etse ol aý güwälik berer. Emma rejep aýy güwälik bermez.
Aýdar:
- Men hiç zat eşidemok. Bu bendäniñ günä edenini hem bilemok-diýer. Onuñ üçin bu aýyñ bir ady "ker" diýilip goýlupdyr.
Resul alaýhyssalam aýtdy:
-Rejep aýynyñ owwalynda üç gün oraza tutsa, ol bende tä jennetde jaýyny görmeýänçä dünýäden gitmez. Allatagala ol bendäniñ elli sany uly günäsini ýok eder. Ol bendäniñ elli hajatyny şu dünýäde ýetmiş hajatyny terezä salan wagtynda we ýetmiş hajatyny Syratyñ üstünde wagty rowa eder. Ýene ol bende üç seýit bendäni azat eden dek bolar. Ýene ol bende göýä ýetmiş mertebe Gurhan okan dek Hudaýtagala üçin ýetmiş gala bina eden dek, ýetmiş mertebe gazata baryp, kapyry gyran dek, ýetmiş metjit bina eden dek we ýetmiş köpri bina eden dek bolar. Ol bende kyýamat güni ýetmiş kişini dowzahdan diläp alar.
Ol bendä ýetmiş jaý, her jaýda bir howly bolar. Her howluda bir öý bolar. Her öýde bir tagt bolar. Her bir tagtda hüýrler oturyp, ol hüýrler ony togap etmäge gelerler. Bu aýyñ ýene bir häsiýeti her gün ybadat we tagat edip namaz okamakdyr. Rejep aýynda üç gün oraza tutan bendäni Haktagala görde ýalńyz goýmaz.
Resul alaýhyssalam aýtdy:
-Her kim rejep aýynda sadaka berse ol bendäniñ amallaryny terezä salanda ýagşylyklary Uhud dagyndan agyr geler. Rejep aýynda bir teññe sadaka berseñ, müñ teññe bereniñ sogabyndan hem artyk bolar.Ýene bir ybadat syrkawy baryp görmekdir we halyny soramakdyr.
Resul alaýhyssalam aýtdy:
-Her kim rejep aýynda syrkawyñ halyny sorasa Allatagala jennetde bir jaý berer. Ol jaýy özi biler.
Özge bilmez.Her kim rejep aýynda jynaza namazyny okasa ol bendäniñ jynazasyny perişdeler okagaý.
Resul alaýhyssalam aýtdy:
-Her kim rejep aýynda alymlaryñ mejlisinde bir ýola otursa,özge aýlarda müñ ýola oturan dek bolar. Her kim rejep aýynda alymlar bilen görüşse, kyýamat güni ol bende ruhanyýun we mukarrap perişdeleriniñ topary bilen görüşen dek bolar we Syratdan öter wagtynda ol perişdeler oña köñül berip durarlar. Her kim metjitde çyra ýaksa, ol bendä beren sogabynyñ hasabyny Allatagala biler.
Özge bilmez. Ýene bir ybadat Gurhan okamakdyr.
Her kim rejepde Gurhan okasa onuñ sogabyny Allatagala biler özge bilmez.Allatagala oña ýagşylyk eder we ähli işini ýeńil eder. Ol ýeñilligiñ hiç soñy-ahyry bolmaz.
Ýene bir ybadat istygpardyr ( günäni soramak ) zikr we salawat okamakdyr. Her kim bu aýda istygpar okasa Allatagala onuñ günälerini ýok eder. Ol bendäniñ günäsi topragyñ sanyndan köp bolsa-da ony iki dünýäniñ eýesi eder.