09:49 Mowzuk

Bütin adamzat enäniñ öñünde baş egýär. Çünki ene her bir ynsana janyndan jan berip, bu ýaşaýşy peşgeş edýär. Hut şonuñ üçin ene biziñ öñümizde baky belent mertebä, mukaddeslige öwrülýär.
Ata - babalarymyz ýöne ýerden " Aýal bar öýde döwlet bar" diyip aytmandyrlar.
Halkymyzyñ şan-şöhratly taryhyna nazar aylasañ, tûrkmen zenanlarynyñ asyllylygy, wepadarlylygy,namysjañlygy bilen biziñ ruhy medeniýetimizde özboluşly orna mynasyp bolandygyna göz ýetirýärsiñ. Taryhyñ menzillerine,
zenan maşgala jemgyyetiñ dürli gatlaklarynda öz mynasyp ornuny tapyp, durmuş dolanşygynda sarpaly derejä eýe bolupdyr. Zenanlaryñ bir topary bolsa,döwlete häkimlik edip,öz hökümlerini ýöredip, parahatçylyk döwürlerinde-de, harby işlerde-de özleriniñ gahrymançylyklaryny,
zehinlerini, gayratlylyklaryny görkezipdirler.
Mert, gayduwsyz, ar-namysly enelerden batyr, gahryman nesilleri döreýär. Muña mysal edip, Aýjäjek hatynyñ edermen ogly Jelalleddin soltany,
Ogulsapar hatynyñ payhasly perzendi Soltan Sanjar yaly taryhy şahsyyetlerimizi, başga-da ençeme merdana geçeklerimizi görkezmek bolar.
Berkarar döwletimiziñ bagtyyarlyk döwründe
enelere, gelin-gyzlara ayratyn sarpa goyulyar.
Türkmenistanda ayal-gyzlaryñ yokary derejesiniñ olaryñ hukuk taydan deńliginiñ,ykdysady,durmuş-syyasy yagdaylarynyñ we maşgaladaky ornuñ kesgitlenilmegi zenanlara goyulyan belent sarpanyñ ykrarnamasydyr.

Ysmayyl Tagan / ENE ARZUWY.

Men seni şeýle bir küýseýän eje,
Durna zaryn aydym bilen geçende.
Tapmadym özümi gözleyip nije,
Bilbil heñli yaşayyşyñ içinden.

Düyşüme giripsiñ gaygyly halda,
Mährem göreçleriñ nury gaçypdyr.
Indi ogluñ üçin alada galma,
Barybir dünýäniñ göwsi açykdyr.

Diydiñ: " Jübüt bolup gelersiñ haçan,
Haçan gelnim çeker öymüziń keşgin?!
Sen eneñe kömek bermekden geçen,
Gaytam özüñ mätäç günlere düşdiñ.

Indi mal bakmagy küysemez göwnüñ,
Öń bu aladadan dyndarardyñ-a.
Seni owal, dünýä durmuşda egniñ,
Gysyk gezsin diyip indermedim-ä.

Öz öýüñden dogaysady Ay-Günüñ,
Ýürekdeşleñ gurşap alsa daşyñy ".
Men seni ayaklarña goyyan ejejan,
Öñde-soñda egilmedik başymy.

Begenç Annaýew / EJEMDEN HAT GELDI.

Ejemden hat geldi bu gün ir säher,
Ýiti burçy sünnälenip eplenen,
Hemem mähir-muhabbetden doly,
Sözleri bar ak kagyza sepilen.

Howatyr alypdyr hem biraz gamgyn,
Yssy mähri duýulup dur gatynda.
Ir säher,tamdyrdan çykan çöreginiñ,
Ysy bardy ejemjanyñ hatynda.

Jogap yazdym,hatyñ soñun okamsoñ,
"Eje, gözleñ yolumdadyr niçeler,
(Bu durmuş kadasy,durmuş yodasy),
Balasyny küýseýändir ejeler".

Eje, küyeyänligiñ gizleseńde sen,
Hatyñda ählisi açyk ayandy.
Düşünyarin alyslarda uzak men,
Ūzñeligim sözleriñde beyandy.

Nesip yene dolanaryn sana men,
Howatyr çekme sen, ýa ahy-zara,
Ýantorbam egnimde,golumda güller,
Eje, ugrap baryan, hazir wokzala.

M. Babanazarow / GUTARYLMADYK GOŞGY.

Bu dunýäde didaryñy görme yok,
Sataşmak yok ikimize hiç haçan.
" Oglum" diyip gujagyñy görme yok,
Senden gök asmany gabandy ajal.

Ah, seni şeyle bir göresim gelýär,
Bir alaç gözleýän bagrymy tüýdüp.
Iñ bolman düýşüme girsene käbäm,
Öñki ynjyklygymy birmahal goydum.

Delminip-delminip gitme yzyña,
Ýaýdanyp ukymyñ goyalmagyndan.
Maña birje gezek dözümlilik et,
Çekinme tisginip oýanmagymdan....