Magtymguly Pyragy / Golda bary bolmasa.

Zamana beýledir - göze ilmezler,
Her ýigidiñ golda bary bolmasa,
Ýüz tümenlik sözün şaýa almazlar,
Her kişiniñ ygtybary bolmasa.

Ten bir dar kapasdyr, jan bir wagşydyr,
Tile gelen sözler köñül nagşydyr,
Otly, suwly tamug andan ýagşydyr,
Her ýuwurdyñ bir bazary bolmasa.

Begzadalar galdy çopan tährine,
Ten kaçan döz getir ýylan zährine,
Bibat bolup, döner Lutuñ şährine,
Her ülkäniń hekim äri bolmasa.

Dünýäde añlardan añlamaz kändir,
Bilmez bir beladyr bilenler jandyr,
Ol ýigitler adam tipli haýwandyr,
Söz añmasa hem ykrary bolmasa.

Ýigide ýoksullyk ýaman beladyr,
Sözüni deñ-duşdan gaýra saladyr,
Ýaman gylyk dosty duşman kyladyr,
Guryp galsyn il derkary bolmasa.

Hak her kime bir ýagşy ýar bermändir,
Sözi ahdyr içi doly armandyr,
Ýüz ýaşasa, bäş gün ömür sürmändir,-
Her kimiñ mynasyp ýary bolmasa.

Magtymguly, haka tabşyr özüñni,
Her namarda sarartmagyn ýüzüñni,
Terhosym bar, terk etgil bu sõzüńni,
Näge gerek hyrydary bolmasa.

106

7

1

4

0

Mowzugy VIP edenler: