Gül hakynda gysgaça rowaýat

Gadym zamanlarda "Aý" diýseň agzy, "Gün" diýseň gözi, pisse dodak, badam gabak, kirpikleri ok kibi, galam-gaşly, hünji dişli juda owadan gyz bolupdyr. Oňa aşyk bolýan näçe köp bolsa-da, ol hiç kime durmuşa çykmaga razy bolmandyr. Günleriň birinde gyz düýşünde bir ýigidi görüpdir-de, oňa özi aşyk bolanmyş. Ol şol ýigidi düýşünde diňe bir gezek däl, hat-da birnäçe gezek gören soň, ony görmekligi arzuw edip, hemişe gözi gözlegde bolupdyr. Ony huşunda görjek bolup, näçe "ah" ursa-da, arzuwy amala aşmaýamyş. Şonuň üçinem ol yşk ataşynyň otly kalbyndan çykýan howurly gussalaryndan ýaňa onuň gülmeg-ä beýlede dursun, hiç mahal ýylgyranyny hem gören adam bolmanmyş. Gyz ahmyrly ýüregini açmak üçin joralary bilen sähralyga gezelenje çykýa welin, goýun bakyp ýören bir çopana gözi düşýä. Çopan hem gyzy görüp, oňa tarap ýöräp başlaýa. Ýigit gyza tarap golaýlaşdygyça gyzyň şol düýşünde gören ýigidine meňzeşdigini we şonuň hut özüdigini aňýa. Bir salym seredip duran soň, gyz hem näz bilen ýigidiň gelýän tarapyna ýöräp başlapdyyr welin, her ädimini ätlän ýerinden dürli-dümen reňklerde güller gögerip çykypdyr-da, çar tarapa gaty çaltlyk bilen ýaýrap gidiberenmiş. Daş-töweregi bag-bakja, gül-güzarlyk bolan soň gyz muňa begenip, geň galyjylyk bilen höwesli seredipdir-de ýylgyrypdyr we söýen ýigidine duşanyna şatlanypdyr. Ýigit şol güllerden çemen bogup, gyza beripdir we gyz bilen tanyşypdyr. Birnäçe wagtyň geçmegi bilen ýaşlar toý tutupdyrlar...
Megerem, gyz-gelinleriň güli gowy görmekliginiň düýp manysy şundan gelip çykan bolmaly. Gül berilen gyz emaý bilen güli ýylgyrman kabul edip bilmez. Çünki, gyz näzikligini, onuň bagtyny açylmadyk gunça meňzedilmegi şu rowaýata kybap gelip dur. Söýgüniň simwoly hökmünde, ýigit bilen gyzyň duşuşygyndaky gül sowgat berilmegi, şol çopan ýigitden galan dowamat hem şu günki güne çenli däp bolup galan ýaly bolup dur...

(Rowaýat başgaça bolmagy-da ahmal. Ýöne, men muny enemiň gürrüň bermegi esasynda ýazdypdym).
DILBERNAZ

317

19

7

6

0

Mowzugy VIP edenler: