Duýdansyz habara ýürek gyýyldy,
Ezraýyl ýakañdan tutdy,JAN ÝEGEN.
Hazan ýeli turdy,äleme doldy,
Şirin jan teniñden çykdy,JAN ÝEGEN.

Zalym ajal aldy señ şirin janyñ,
Ýola dökülendir,gyrmyzy ganyñ.
Gysga ýazylypdyr,seniñ ykbalyñ,
Ýüreklerde arman goýduñ,JAN ÝEGEN.

Atañ,kaka seni zarlap aglaýar,
Ejeñ Gadyrgül ýürek bagryn daglaýar.
Ejeken Abadan seni soraýar,
Gelmez ýola gitdiñle sen,JAN ÝEGEN.

Guwanyp gezdik,Guwanç boýuña,
Kän arzuw edipdik,seniñ toýuña.
Dost-ýarlaryñ bary geldi ýasyña,
Gül boýuña zar boldukla,JAN ÝEGEN.

Gelnejeñ Baýramgül taýym diýerdi,
Ejekeleñ kakam diyip söýerdi.
Gülzada,Daýançjan eziz görerdi,
Taýyñdan tazygyp gitdiñle,JAN ÝEGEN.

Eden arzuwlaryñ hasyl bolsady,
Söýen ýaryñ gujagyñda dolsady.
Şol günleri enen-atañ görsedi,
Armanly dünýeden ötdüñ,JAN ÝEGEN.

Käbäñ otyr ýasa baglaýyp neýlesin,
Kyblañ bagyr awysyn indi görmesin.
Orta ýaşda balañ eliñden almasyn,
Imanyñ hemra bolsunla,JAN ÝEGEN.

Belki hüýr-melekler bolsunla ýaryñ,
Dilegim Jennetden berilsin jaýyñ.
Buda bir emirdir,Beýik Allanyñ,
Aglap şehit bolup gitdiñle,JAN ÝEGEN.

Mamañ-babañ bagyr awysyn görady,
Daýy-daýzalañ artdy ýürek yzasy.
Belki Allama gerekdir bugün gowysy,
Ýatan ýeriñ ýagty bolsun,JAN ÝEGEN.
Razy bol,Selbi daýzañdan,JAN ÝEGEN!

258

26

7

4

0

Mowzugy VIP edenler:

erklije — 1 sagat vip etdi.31.01.2019 / 21:11:48