Durmuşyň oýunlary kän. Birsydyrgyn geçýän günleriniň arasynda duýdansyz garaşylmadyk duşuşyk bolup geçýär. Şol ykbalyň eden sowgady – ýatdan çykmajak ýatlamalaryň birine öwrülip gitdi.
***
Gyş pasly höküm sürýärdi. Okuw gutaransoň ýyldaşlar bilen gürleşip, awtobus duralgasyna bardyk. Ol ýerde Anžela garaşmaly diýip dilleşipdik.
- Ýadyňa düşýärmi? Okuwyň başynda her gün sapakk gutaran-da, awtobusdan gijä galmazlyk üçin ylgaýardyň. Başda näme sebäpden beýle howlukmaçlygyňa düşünmeýärdim.
- Hä, hawa, işe gijä galmazlyk üçin edýärdim.
Azym aga bilen Gunça öz aralarynda gürleşýärdi.
Azym aganyň ýoldaşlary oňa geň galýardylar. Ýagny nädip ol işiň daşyndan okuw okamaga wagt tapýar?! Özem maşgalasy bar ahyry!
Gunça paýtagtymyza okuw okamaga gelipdi. Ol ene-atasyna agram salmazlyk üçin işleýärdi.
Anžela biziň ýanymyza baranyn-da, münmeli awtobusymyz geldi. Biz yzky ýerinde oturdyk.
- Men-ä birhili ajygyp başladym – diýip Anžela ilki gürrüňi başlady.
- Seniň aç bolmadyk wagtyň barmy? – diýip Gunça jorasy bilen degişdi.
- Onda daşda bolmadyk kafe gideli – diýip Azym aga teklip etdi.
Bu teklibe barymyz ylalaşdyk
***
Biz kafeda iýip-içip, mesawy gürrüň edýärdik.
- Men ony bagyşladym.
- Kimi? – diýip üçümizem gyzyklandyryp bildi.
- Sanjary... Ýürege näme buýrup bolýarmy? Biziň söýgümiziň soňy däldigi ýüregim syzýardy.
- Ah, söýgüňiz gysga bolmasady... – diýip Gunça gülen boldy.
Hawa, Anžela bilen bile bolmak uly görgi. Ýagny, onuň bilen gürleşmeli, güldürmeli (göwnüme bolmasa edil masgabaraz ýaly) garaz, sanasaň sogaby kän. Sanjar beýle zatlara nädip çydaýarka?!..
- Bir ýere gitjek bolýanyňy eşidipdim – diýip Azym aga sorady.
- Hawa, “Towşana dogduk depe” diýlişi ýaly Daşoguza bir hepdelik barýaryn – diýip Gunça jogap berdi.
- Onda gowy dynç algyn. Synagyň öňüsyrasynda kelläňe dynç berseň artykmaç bolmaz.
- Hawa, jora jan gowy dynç almalydyr – diýip Anžela goldady.
- Ýakynyň gadyryny ýitirjek, wiý, gitjek bolan-da düşünip galýarys – diýip gussaly ýylgyrdym.
Birhaýukdan soň hoşlaşarys-da, her biri öz ýoly bilen giderler.
***
Daşary garaňkydy. Münen awtobusymyň içi hyrryn-dykyndy.
Duýdansyz biri adymy tutup başlady. Başda oňa üns bermejek boldum, ýöne bir ýerden gelýän inçejik sesiň yzy üzülenokdy.
Daş-töwerege üns berip başladym. Gelneje, oglanjyk, daýza... Aý, ýok beýle zat bolup bilmez! Öz gözlerime ynanasym gelenokdy! Ine, saňa gerek bolsa oslagsyz duşuşyk!
- Bu senmi, Aýjemal?! – diýip geň galyp oňa seretdim. Ol ýylgyryp:
- Hawa.
Başda ony tanamadym. Ýöne onuň pyýala gözlerine seredenimde bildim.
- Ýöne nädip bu ýere düşdiň?
- Kitaphana gidipdim. Kitap okasaň – wagt örän basym geçýär.
Aýjemal gyzyl (Ýokary okuwda geýilmeli forma) köýnekli, paltoly, elinde portfel hem arkasynda (mekdep döwründen bäri geýip ýören rýukzak, bir göremde bilip galdym) rýukzagy bardy.
- Bäh, “Men awtobusda parallel synpdaşyma duşaryn” diýip hatda düýşümde-de görmezdim! – diýip, onuň bilen degişdim.
- Bä, asyl şeýlemi? Menem “seni görerin” diýip umydymam ýokdy – diýip Aýjemal ýylgyryp jogap berdi.
- Biziň “bäşlikçimiziň” durmuşy barada bilip bolmazmy? Elbetde, syr bolamasa...
Aýjemalyň attestatyn-da, ýekejede dörtlügi ýokdy!
- Ýokary okuwa girdim. Indi “üçlükçimiziň”, ýagny özüň barada gürrüň berjek dälmi?
- Menem girdim.
Birden hem özümi gowy duýman başladym. Dyklyşyk maňa ýaramaz täsir edýärdi.
Beýle wagtda ünsüňi sowmagy başarmaly, ýogsa özümden gitjekdim.
- Bilýäňmi? Tomusda “Talybyň saglykk öýünde” seniň synpdaşyňy Arzuwy görüpdim. Şonda ol maňa: “Çagalykdan bäri lukman bolasym gelýär.” diýip aýdypdy.
Aýjemaldan hakyky bolup geçýän ýagdaýymy gizleýärdim.
- Arzuw okuwa girendigi barada habaryň barmy?
- Hawa.
- Nädip bilýärsiň?
- Arzuwyň goňşusy – Merdany tanaýaňmy?
- Hawa.
- Ana, şol maňa aýtdy.
- Partadaşyň – Aýnany bilýäňmi?
- Hawa.
- Ol okuwa giripdir.
Düşmeli ýere barýançak – mekdep döwürlerimizi ýatladyk.
Awtobusdan düşenim-de, özümi dürsäp ýetişdim.
- Bir zat aýdasym gelýär. Ýokary hem-de orta okuwyň arasynda uly tapawut bar eken – diýip, Aýjemal gussaly aýtdy.
- Edil çagalyk we ulularyň arasyndaky ýaly...
- Düşünmedim – diýip sözümi böldi.
- Çaga bilen ulynyň arasyndaky durmuşy deň gelýärmi?
- Bäh, beýle filosofdygy bilmeýärdim.
- Doganym daşary ýurda gidenden bäri beýle boldum.
- Ol gyşky kanikula geldimi?
- Hawa.
- Onuň gelenine gynanýarsyňmy?
- Ýok. Ýöne bir zada gynanýaryn...
- Haýsy zada?
- Bir aýdan soň ýene-de okuwa gidýär.
- Hany, “Ç” synpda okan Serdar gaýgylanma!
Men öz duýgularymy gizläp bilemokdym.
- Belki, telefon nomerim gerekdir?
Aýjemal baş atdy. Şol wagt özümi – dünýäde bagtly adamlaryň biri diýip hasap edýärdim.
Hoşlaşmaly wagty gelende:
- Göni ýöreseň, soň çep tarapa öwürseň – bir öý peýda bolar – diýip galanyny bilýärdim. Galan aýdylan zatlary bir gulakdan girse, beýlekiden çykypdy.
Yzyma öwrülip, bolup geçen wakany hyýalymda aýlamakçy boldum welin, telefonyma jaň gelýär...

Serdar Meretgeldiýew

244

28

4

3

0

Mowzugy VIP edenler: