16:31 Mowzuk

Ebu Müslim Hawlani bir üýşmeleňde beýlekileriň gürrüňlerini diňläp otyr ekeni. Gürrüň edýänleriň bary aýallaryndan zeýrenýän ekeni. Ýöne, Ebu Müslim aýalyndan zeýrenmän arkaýyn otyr ekeni. Oňa :
—Saňa örän gowy aýal , göýä bir pir ýaly diýilýän parasatly aýal duşan bolmaly sesiňiz çykanok—diýýärler. Ol ýerinden biraz gobsunyp,jogap beripdir:
—Pir ýaly näme işlesin ,biziki hem olar ýaly gowy däl,ol hem däli ýaly aýaldyr dogrymy aýtsam.
—Onda beýle däli ýaly aýal bilen nädip oňuşýaňyz,biz sag bilen oňuşamzok—diýip olar gyzyklanýarlar.
—Men onuň ugryny bilýärin,şonuň üçin biz oňuşukly ýaşaýarys—diýip ol jogap berýär.
—Bäh, däli ýaly bir aýal bilen oňuşukly ýaşamaklygyň ugry nähili bolýar—diýip adamlaryň bary gyzyklanma bildiripdirler.
Ebu Müslim olara şeýle düşündiriş beripdir:
—Allatagala Adam aleýhissalamy topraktan ýaradyp bedenine ilki akyly goýupdyr. Akylly bir adam boldy. Soňra gahary ýaratdy. Oňa-da Adamyň bedenine girmesini buýrdy. Gahar:
—Men adamyň bedenine girjek däl,ol ýerde akyl bar. Akyl ikimiz bir ýerde asla durmarys...
Allatagala buýurdy:
– Ey gahar ! Sen Adamyň bedenine girmäge çalyş, içine ugra. Akyl seniň geleniňi gördügi derrew çykyp gider, öz yerini sana goýup. Şeýle bolansaň sen bedene öz diýeniňi etdirip ony däldiredersiň we isläniňi edersiň.
Ebu Müslim gürrüňi dowam edip:
—Bizem onsaň aýalymyz bilen ylalaşdyk. Eger ynsana gahar gelende akyl gidýän bolsa,adam akylsyz däli ýaly bolýarda. Şeýle bolansoň öýde kim gaharlansa ol dälidir. Dälä garşy bolsa bir pir gerekdir. Eger men gaharlansam sen göýä bir pir ýaly sabyr görkezip dymjaksyň we tersime gitmejek bolmalysyň. Eger sen gaharlansaň men pir bolup sen dälä sabyr etjekdirin, sebäbi däli näme diýýär,näme edýär ony bilenok.
Ebu Müslim mundan soňra sözüni şeýle tamamlady:
—Meniň aýalymdan zeýrenmedigimiň sebäbi şondandyr. Gül ýaly ýaşamagymyzyň sebäbi ine şeledir. Size hem tabşyrygym şeýledir, sizem däli we pir oýnuny oýnaň ,maşgalada gahara däl-de akyla uýuň. Şonda maşgalaňyzda rahatyk we oňuşuklyk bolar inşalla.