Meň size arzuwym, bagtyýar ýaşlar,
Ömrüňiz bahara – ýaza meňzesin.
Öýüňiziň, ömrüňiziň rysgaly
Bereketli altyn güýze meňzesin.

Allam sizden ir almasyn gurbaty,
Ýoluňyzda kesertmesin erbedi.
Ene-ataň, gaýynlaryň hormaty
Mukaddes çörege – duza meňzesin.

Söýgi ýürekleriň ýeketäkligi,
Şoňa sygnyp, alarsyňyz aklygy.
Ýoluňyzyň tämizligi, päkligi
Owadan aýdyma, saza meňzesin.

Söýgiňizden nusga alsyn öwüpler,
Söýülýän gözeller, söýýän ýigitler.
Dünýäde iň bagtly diýlen jübütler
Eger meňzäbilse, size meňzesin.

Awtor Ertir.comyñ Gutlaglar programmasyndan alnan

235

19

3

5

0

Mowzugy VIP edenler: