15:19 Mowzuk

Salam agzalar. Menem okuwçylaryma taryh öwretjek bolup, doly öwredibilmän, indi siziň başyňyza geçäýdim diýsemem boljak. Hemme adam taryhy bilmeli ýaly hamana. Gyzykly sapak welin, ýöne hemmeler düşünenokda. Düşünýänler bilen geçilenleri gaýtalasagam bolýar. Geçen gezegä 50 soragy birden berip, onam barlajak bolup soňundan gözümem çaşaryp gitdi. Bu gezek şoň üçin azajyk soraglar berip ýaryş gurnamagy makul bildim. Şertimiz şol öňkileri ýaly. Ýöne agzalardan haýyş, jogaplaryňyz düşnüklije bolaýsynda. Nomerlerini dogruja goýsaňyzda. Az sorag bolany üçin bu gezek ýaryşyň wagty köp dowam etmez. Bary-ýogy 2 sagat. Admin eýýäm sizi öz reklamasy bilen habardar edendir. Baýraklar:

1. 1500 bal we 1nji ýer diýen medal
2. 1000 bal
3. 500 bal

Bellik:

1. Jogaplar diňe meniň şahsyma iberilmeli, teswirde ýazylan jogaplar kabul edilmeýär.

2. Her dogry jogap üçin admin tarapyndan 50 bal beriler.

3. Jogaplar 22:00dan soň kabul edilmez.

Soraglar bilen tanyşdyraýyn:

1. Bize mälim bolan maglumatlara görä, gadymy Müsürde üçek üçin tutuş jaýy beripdirler. Näme üçin?

2. Köp ýurtlarda kagyz sözi meňzeş aýdylýar. Meselem, nemesçe - "papir", iňlisçe "peýpe", fransuzça- "papýe". Ählisi bir sözden gelýär. Haýsy söz? Näme üçin?

3. 3000 ýyl öň ýaşap geçen faraon Tutan Hamonyň mazaryndan birnäçe müň kg agramda altyn zatlar tapyldy. Ýöne demirden 3 zat: kellesiniň aşagyna goýulýan podstawka, demir hanjar we bilezigiň ildirgiji. Näme üçin demir zatlar az?

4. Haýsy grek gahrtmany şu sözleri diýip biler: "afinylylar, men gämini uzakdan tanaýan. Meniň bu elhenç reňkli ýelkeni görenimden ölenim gowy. Meň oglum öldi. Nägehana nälet bolsun. Mundan artyk ýaşasym gelenok we ýaşabam bilmerin"

5. 3000 ýyl öň gadymy Müsürde, Derýaaralykda başlangyç synp okuwçylar ýazmagy köp ýyllap öwrenipdirler. Tersine şol wagtky gadymy şäher Biblo, Tir we Sidonda okuw başlanyndan soň birnäçe hepdede ýazmagy başarypdyrlar. Näme üçin.

6. Greklerde winonyň arassa özüni içmän suw garypdyrlar. Olar arakhorlugy ýazgarypdyrlar. Gomeriň haýsy poemasynda, haýsy hadysada winonyň betbagtçylyga ertýäni görkezilýär?

7. Iki hindi bir stoluň başynda otyr. Olaryň gürrüňine seretseň olar ganym dulman. Ýöne näme üçindir olar ýylgyrýarýylgyrýarlar we ýüzlerinde ýigrenç ýok:
- Bu meniň iň oňat ýeňşim boldy, meň pilim seň pyýadalaryňy basgylany ýadyňdamy?
- Hawa, ýöne şol wagt meniň atlylaryň seniň tylyňa geçip, seniň atlylaryňy ýok etdi.
- Ýöne ol uzak dowam etmedi...
Gürrüň haýsy söweş barada barýar?

8. Siziň öňüňizde injir, sogan, ördek, kartoşka, sarymsak, üzüm, hurma, mekgejöwen, pomidor, bal. Şularyň haýsy üçüsi müsürlileriň iýmiti däl?

9. Bu özümligi Amerikadan Ýewropa getirenlerinde her ýurt ony özüçe atlandyrypdyr. Iňlisler - "batato" - batato bakja ekinine meňzedipdirler, fransuzlar - "pol" - ýerdäki alma, italýanlar - "tartufel" - trýufel kömelegine meňzeş. Rossiýa ony Pýotr I getiripdir. Bu näme?

10. Grekler we slowýanlar ony zäherli ýylan çakanda derman hökmünde ulanypdyrlar we şonuň üçin ony "ýylan oty" diýip atlandyrypdyrlar. Müsürde piramidalar gurlanda gullara günde bu özümligi beripdirler. Onuň Watany Orta Aziýa. Ol haýsy ösümlik?

11. Bu ekin birnäçe deňiz başdan geçirmelerine sebäp boldy. Ol sebäpli bosfor geçelgesinde deňiz ýalpaklygyna çöken Dneor gämisi ikä bölündi. Heläkçiligiň sebäbi gäminiň koýutalaryna doldurylan bu ösümligiň tohumy boldy. Gämi suwdan dolanda tohum suwa çişip ulalyp başlady we ahyrynda demir armaturalar çydaman gämi ikäp bölündi. Ol haýsy ösümlik?

12. XIX asyryň ortalaryna çenli bu ösümlik bag we otag bezeg ösümligi hökmünde tanalypdyr. Günorta Amerikada ýabany ösýän bu ösümligiň miweleri nohutdan uly däl we gyzyl smorodiba ýaly asylyp dur. Ösümligiň dünýä ýaýramagy örän kyn bolupdyr. Ony öz watandaşlary indeýler halamandyrlar. Ony italýanlar "altyn alma", fransuzfransuzlar "söýgi almasy" diýip atlandyrypdyrlar. ABŞ-da garaşsyzlyk urşy wagtynda Waşingtonyň aşpezi bolup ýerleşmegi başaran iňlis içalysy şol wagt awuly hasaplanan bu ösümligiň miwelerinden Waşingtona nahar taýýarlaýar we ony awulap öldürmekçi bolýar. Waşingtonyň awulanandygy barada haty ýazyp, öz janyna kast edýär, emma Waşingtona bu nahar örän ýarapdyr. Ol haýsy ösümlik?

13. Bu şahsyýet doglan wagty öldürilmelidi. Ony faraonyň gyzy terbiýeläp ýetişduňirýär. Ol öz halkyny Müsürden alyp çykýar. Dagda hudaý bilen gepleşýär. Onuň keramatly hasasy bar. Ol kim?

14. Bolan Wawilon şasy
Meşhur güýçli patyşasy
Goran gulçulykdan halky
Kanunlary ýazan ilki (kim?)

15. Ykbal ony uzaklara atardy
Aýra saldy aýalyndan oglundan
Attikanyň şalyk täjin göteren
Ýöne näçe howluksa-da öýüne
Tiz dolanmak gelmändir oň golundan

Hemmäňize üstünlik!!!