Täsin duşuşyk.
1 – nji bölüm Adaty gün.

Bu gün hem adatdakylar ýaly säheriň ümüş-tamşynda sagadyň jaňy jyrrlap ýetişmänkä sagadyna seredip duran Rejep onuň düwmesine basyp ony saklady. Ol eýýäm taýyndy. Gapydan çykyp adatdakysy ýaly günüň dogýan tarapyna tarap seýilgähiň içi bilen ylgawyny dowam etdi. Hakykatdan hem bu gün adatdakylardan tapawutly däldi özünden näçe wagt ir çykýanlygyn bilmeýän gaýybana ýoldaşlary, eýýam ylgawyny tamamlap öýüne gelýän goňşy jaýda ýaşaýan hindi goňşylaryna salam diýen äheňde çalaja başyny atyp ýoluny dowam etdi.Bu sagatda şu iki hindiden başga ylgawa çykýan ýokdy. Ylgawyny biraz gowşadan wagty, maşk edýän şekilli iki tarapyna bilini oýnapdy şol wagtynda adatdakydan tapawutly ýolda ýaş çagaly geliniň özüniň uly goşy bilen taksi maşynyndan düşenini gördi. Ol içinden bu waka barada biraz pikir öwürdi: ,, bu ýerli däl öýtýän taksini jaýyň gapysyna sürdürmedi” diýip geline haýpy gelip başyny ýaýkady. Ol daş töwerekdäki bolup geçýän wakalara üns bermezlige çalyşardy. Biraz demi dürselen Rejep ýene ylgawyny dowam etdi. Adaty gün, adaty ylgaw, adaty maşklar, barmaly ýerine ýetip yzyna öwrüldi-de uludan demini alyp adatdakysy ýaly durmuşyndan hoşal bolup hudaýa minnetdarlyk bildirip, arassa howadan birnäçe gezek ulydan demini aldy. Bu onuň adaty endiklerine öwrülipdi. sagadyna seretdi öýünden çykanyna 40 minut bolupdyr arka ýoly hem ýarym sagatda geçse ýuwunyp işe ugramaly wagtyda boljakdy. Şeýdip özüniň ýeňil ylgawy bilen yzyna dolandy. Ýenede ýoluň ýarymyna ýetende ylgawyny peseldip demini dürsemäge durdy. Şol wagtda ýene ýaňky maşyndan düşen geline gözi düşdi. Gelin özüniň agyr goşy hemde bir elinde kiçi çagasy bilen ýoluň aňry ýüzünden bäri ýüzüne geçip gelýärdi, çagajyk bolsa aýak aldygyna aglaýardy. Rejep ýene içini gepletdi: ,, bu gelin kiminkä myhman gelen bolsada olary ukydan turuzyp bilmedimikä ýa-da olar öýlerinde ýokmuka? “. Çaganyň agy sesi Rejebe çalaja eşidilýärdi, agy sesine üns bermezlik bilen ylgawyny dowam etmekçi boldy emma çagajyga dözmezlik etdi-de, geline tarap ýöneldi. Gelin bolsa hem çagany köşeşdirjek bolýardy hemde agyr ýükinden boşan eli bilen maşyn saklamak üçin elini ýola salgadypdy. Rejep ýan ýoda bilen geliniň deňine ýetip: - Salam bagyşlaň bu sagatda bu ýerden ulag geçmeýär size gitmek kyn bolaýmasa siz çagany köşeşdiriň mende ol wagta çenli ulag geçse özüm saklaýaryn diýdi.
Gelin näbelli ýerden çykan, ylgawdan soň demi biraz haşlap alýan ýüz gözünden çalaja der syrykýan oglanyň aýdan bu sözleri gödeksi eşidildimi, agyr zähmetden berkişen gün dogmagynyň öň ýanyndaky ala- garaňkylyk bolany üçin ony hasda garaýagyz görkezenligimi ýada onuň hiç oslanmadyk ýerden çykmagymy gelini biraz aljyradypdy, şol sebäplide hiç jogap bermän ýüzüni sowdy. Soňra alaçsyzlykdanmy ýada öziniň çäresizligindenmi onuň gözlerinden çalaja ýaş syrygyp gitdi. Rejep bu ýagdaýa özüni günäkärläp:
bagyşlaň men size kömek etmek isläpdim diýdide gelen ýoluna tarap öwrüldi. Şol wagt gelin Rejebe eşidiler eşidilmez bir zatlar diýdi. Rejepde onyň sözlerini eşitmedi ony öz çagasyna gep atýandyr diýip ünsde bermedi. şol wagt gelin agy gatyşykly sesi bilen :
eger bu ýerden ulag geçmeýän bolsa men nädip gidip bilerkäm diýdi.
diňe jaň edip çagyraýmasaňyz ýada seýrek setan da siziňki ýaly azaşyp taksi geläýmese bu ýeri şäheriň çeti, şol sebäpli ýada töwekgellik edip garaşmaly bolarsyňyz ýada jaň edip çagyrmaly.
onda kyn görmeseňiz maňa taksi çagyryp bilersiňizmi?
elbetde emma meniň telefonyma öýde, ylgaw wagty ýanyma almazlyga çalyşýan eger siz öz telefonyňyzy berseňiz men jaň edip bilerdim.
meniň telefonymda agşam gyzymy ýatyrmak üçin otlyda aýdym aýtdyryp goýanymda batareýasy çöküpdir, diýmek onda garaşaýmakdan başga alajymyz ýok ýaly. Bu gürrüňleriň bolýan wagtynda hem çagajyk şol pessaýja sesi aglap durdy.
siz gyradaky oturgyçda oturyp çagaňyzy naharlaň men bolsa ýoldan maşyn gelse saklaýaryn hemde siziň el goşlaryňyza serederin diýdi.
gyzymy naharlamak üçinde gaýnag suw gerek men bolsa şu garyndaşlaryma ynanyp ýanyma gaýnag suw alaýmandyrynam.
onda näme diýseňizle eger bir geňsi görmeseňiz holgajykda meniň ýaşaýan öýüm bar şol ýere baralyň hem taksy çagyrarys, gaýnag suw goýup çagaňyzy hem naharlarys hemde sizde uzak ýoluň argynlygyny çykararsyňyz.
bu nähili bolarka diýip. Rejebe ynanjagynam ynanmajagynam bilmän ýaýdanyp durdy, emma ýagdaý bolsa öwerlik däldi onuň özüde diýseň ýadawdy sebäbi otlyda hem eýýäm näçe sagatdyr dik aýak üstünde geçiripdi, gyzy açlykdan ýadawlykdan aglap halys bolupdy ýene biraz aglasa temperatura berip ýagdaýyň hasda agyrlaşmagy mümkindi ýolda bolsa ýigidiň aýdyşy ýaly daňyň agarýandygyna garamazdan yns-jyns ýokdy. Näme etmeli? Ine bu geliniň kellesinde aýlanýan pikirde şudy belkide bu ýigit Alla tarapyndan maňa iberilen kömekçimikä? Bagt töwekgel diýleni hernä Allam sabr bersindä diýip içinden pikir ýügirdip durka. Rejebiň sözleri onuň bu oý pirlerini dagydypdy.
siz pikir ediň men size ýagşylykdan başga isleýän zadym ýok soňam men şu çagajyga nebsim agyrýa.
bolýa ýöne siziň öýüňizdäkiler näme diýerkä?
hiç zat bolmaz ýörüň diýip. Onuň bar goşyny egnine atyp ýola düşdi. öýlerine baryp gapyny açyp
ine siz şu otaga geçäýiň mende derrewjik suw gaýnadaýyn
ýogsada hany siziň maşgalaňyz?
wi men size ýeke ýaşaýanlygym aýtmadymmy eýsem. diýip Rejep aşhana geçip tokly çäýnegi suwdan doldurup togyny dürtdi-de:
siz arkaýyn öz öýüňizdäki ýaly ýerleşiň aşhanadan gerek zatlarňyz alyp bilersiňiz ine bu ýerde bolsa telefonyňyzy zarýada goýup öýüňize habar ediň olar hem alada edip oturandyrlar, men bolsa derrewjik dükana çykyp geleýin ýogsada size gerek zadyňyz barmy?
ýok ýok sag boluň. Rejep gapydan çykan badyna gelin ,, men nämeler edip ýörin ýat ýerde ýat erkek bilen galmak näme diýmek eý Taňňrym özüň medet ber” diýip içini gepletdi. Öýe gelip arlyklary çykarlandan soň çagajykda aglamasyny kesdi. Gelin aşhana gelip gaýnan suwdan çaga üçin iýmit taýynlady. Garny doýan çagajyk bolsa uzak aglamaklygyň ýadawlygyny çykarmak üçin uka gidipdi. Çaga uka gidenden soňra gelin jaýyň içine tomaşa etmäge durdy iki komnatly bu jaýyň içi ir wagtdan bäri bejergi geçilmändigi bildirýärdi emma öran arassady, aşhanada ýekeje bokal,ýekeje çemçe, ýekejede tarelka bardy. Bu ýerde köp wagtlap ýeke adamyň ýaşanlygy bildirip dursa- da öýüň arassalygy tertipligi ony haýran galdyrypdy. Hä diýmän Rejepde dükandan ertirlik üçin ony muny alyşdyryp gelipdi.
bagyşlaň köp wagt bäri myhman garşy almanlygymdan soň öýüm biraz tertipsizdir- em. diýip özi söze başlady.
ýokla gaýta erkek adam ýaşaýana meňzänok
sag boluň siz gyzyňyz ýatan bolsa ýuwunyp ardynyň menem oňa çenli elimden geleninden bir zatlar taýynlajak bolaýyn.
ýokla azap etmeseňizle. Rejep onyň sözlerine-de üns bermän tekjeden täze entäk daşyndan hem açylmadyk el süpürgiji we diş şotgasyny uzadyp
ine bulary alyň akaýyn ulanyň bular täzedir, diýip geline ýuwunyş jaýyny görkezdi. Bu hereketlerden soň olary alyp ýuwunyş jaýyna geçmekden başga çäresi galmandy. Rejep bolsa özüniň adataky ýeňil hereketleri bilen ertirlige ýumurtga çakmaga durdy. Gelin çyksa eýýäm stoluň üstünde iki tarelkada iki ýumurtga hemde tegelenip kesilen kolbasany gördi. Rejep onuň çykanyny görüp
size kofemi ýada çaý
çaý guýaýyň eger kyn bolmasa
garamy gök?
gök mümkin bolsa ajyrajyk etseňiz
elbetde ertirlikde ajy gök çaýa geljegi ýokla, ýöne indi medeniýetleşen bolup kofede mofe diýen bolaýarlar diýdi. Olar stoluň başyna geçdiler Rejep olaryň ikisine - de gök çaýdan guýup öz bokalyna üç çaý çemçesi şekeri atdy - da şekerli gutyny geline uzatdy.
beýdip durmasaňyzlaň alyň hä diýmän gyzyňyz oýanar welin ýene aç galarsyňyz
men size näme diýjegimi - de bilemok köp sag boluň diýip gelin tarelka elini hem uzatman ýeke owurt çaý içip oňaýdy.
siziň beýdişiňiz bolanok meni jigiňiz ýaly görüňde arkaýyn iýseňiz
aslynda biz garyndaşlarymyz bilen habarlaşyp gelipdik olaryň gyzy geçen agşam daşary ýurtdan gelen bolmalydy alymyzdan hem şol çykyp garşy almalydy. ine görşüňiz ýaly ine biziň düşüp ýören günümiz.
belki onuň uçar gatnawyny yza süýşürendirler daşary ýurt bolsa.... siz olardan öýke etmäň. Siz aslynda gezmäge geldiňizmi?
ýokla gezmäge gelsem arkaýynlykda gelerdimle şu gyzymy hassahana getiripdim iki günden operasiýasy bardy şol üçin garyndaşlarymyň gelerine gysdanyp gaýdypdym ýogsa olaryň Türkmenistana gelenligini habar eden soňlar hem gelsem bolardy.
hiç gaýta özüňize täze jigi tapyndyňyz indi bolsa meni öz jigiňiz hasaplaýan bolsaňyz ertirligiňiz iýiň hassahanada hem size güýç gerekdir. Olar biraz wagtlap dymyp ertirlik edindiler. Iýip töwir galdyrlandan soň Rejebiň siz otyryň diýenine seretmän stolyň üstüni arassalap gap- gaçlary ýuwuşdyrdy soňra bolsa çaganyň uklap ýatan jaýyna geçdi. Eýýäm gün al asmana galypdy sagatda sekiz bolup gelýärdi. çagajyk ukysyny alyp oýanypdy uzak ýoldan soň ony oýarmaga dözmezlik edip oturan ejesi .
mümkin bolsa maşyn çagyraýyň?
eýýam men jaň etdim sagat sekize gelmeli. Rejebep sagadyna seredip ine ýene ýigrmi minut galypdyr , sizem oňa çenli özüňize çagaňyza serenjam beriň mende geýinip geleýin diýip goňşy komnata geçdi. Ýat ýerden ýat ynsanyň beýle ýagşylyk etmesi bolsa gelini begendiripdi onuň ýüzünde ýylgyryş peýda bolup irdenki alaçsyzlykdan we ýadawlykdan derek ýokdy. Maşyn gelip signal çalandan soň Rejep
ine bu meniň nomerim diýip kiçiräjik kagyz bölegini uzatdy
eger zerurlyk bolsa maňa jaň ediň
ýokla şeýlede sizi azara goýduk
azary bolmaz ýogsada men işden çykyp jigimi görüp gaýtmakçydym siz haýsy hassahana barýaňyz?
merkezdäki çagalar hassahanasy. Ara dymyşlyk düşdi Rejep olary ulaga mündürip goşlaryny goş goýulýan ýere ýerleşdirip. Sürüjä goşlaryny hassahananyň içine çenli eltip bermegi haýyş etdi. Ulag ugrandan soň elini galgadyp hoşlaşdy. Rejebiň göwni hoş işine ugrady.
Bu gün hem adatdakylar ýaly iş wagty tamamlap işgärler çykalga ýetiberenlerinde Rejebiň telefonyna jaň geldi ony başlyk ýanyna çagyrýardy. Başlyga hasabatlary tabşyryp täze buýurmalar bilen tanyşýarka sagatda epeý wagt bolupdy. Başlygyň kabinetinden çykyp sagadyna sereden Rejep eýýäm giç bu sagatda meni täze jigimi görmäge goýbermeseler gerek? Olaryň özleride jaň etmediler hernä sag aman ýerleşip janlary sag bolsa bolýa -la diýip pessaýja ýöräp öýüne tarap ýola düşdi. Öýüne gelip çalşyrynyp ýerine geçen badyna günüň agyr hysyrdylary uka alyp gitdi, ol ýassyga kellesini goýan badyna uklady.

140

31

16

7

0

Mowzugy VIP edenler: