Salam hormatly okyjylar bilişimiz ýaly häzirki wagtda LINK sosial platformada aldawçy ogrularyň giňden teklip edýän hyzmatlaryndan biri: Söýgüliňi yzarlamak, Jaň, sms, imo we linkini onuň habary bolman özüňe çatmak.
Ilki bilen bu zatlary etmegiň mümkin däldigini, meselem: Bir adamyň şahsy telefonundaky maglumatlary, oňa gelýän sms-dir jaňlary onuň rugsady bolmasa ondan habarsyz görmek mümkin däl, hat-da jenaýat hasaplanylýar. Munuň ýaly ýagdaýa ilki bilen öýjükli aragatnaşyk ulgamynyň operatory (TMCELL), Ulanylýan sosial platformalar (Link, IMO, icq, Facebook. Instagram, what's app we ş.m) ýol bermeýärler. Olaryň gizlinlik politikasy we ulanyjy şertnamasynda düzgünler we mümkinçilikler giňişleýin düşündirilendir. (Aslynda şolary hiç kim okamaýar. Ýöne okamak özüňiz üçin peýdaly)
Men size olaryň (Maşenniklaryň) edýän işini düşündirjek bolaýyn. Olar näme edýärler? Olar sizi özüne ynandyrmak üçin telefonyňyzda ýa-da programmalaryň sazlamalarynda size gerekmejek zatlary goşdurjak bolarlar. Haçan-da aw (alnanýan adam) bu zatlary edeninde Olar bu adamyň hiç zada düşünmeýändigini bilerler. Aňrysyny alyp seretseňiz, düşünen adam başdan şolara ýüz tutmaýar. Onsoň size tmcell-e degişli bir hyzmaty çatdyrarlar. Bu hyzmatyň ady: ,,Meniň söýgüli belgim" hyzmaty. Bu hyzmat aslynda näme? Bu hyzmat-eger siz sowgat nyrh meýilnamasynyň hiç haýsysyny ulanmaýan bolsaňyz (500 minutlyk, 1000 minutlyk, 2000 minutlyk ýalylary ulanmasaňyz) sizden edil şol belgä çykyş jaňlar üçin arzan bahadan pul saklanylar. Ýöne onuň aýlyk müşderi tölegi hem bar. Bu hyzmatyň niýeti näme? Sowgat tarifleri çykmanka, ene-atalar öz çagalary bilen çalt-çaltdan habarlaşyp durmaklygy üçin, ýaşlar gürleşýän ýigidi ýa halaşýan gyzy bilen uzak wagtlap gürleşende olardan az pul alynmak üçin niýetlenilen bir hyzmat bu. Başga hiç zat däl. Eger-de sizde sowgat tariflerinden biri öňden bar bolsa, onda bu hyzmat size gereksiz, her aý artykmaç pul sarp etmek hasaplanylýar.
Şonuň üçin, Ýoldaşlar! Hormatlylar! Bir zadyň anygyna ýetmeseňiz, şo zada ynanmajak boluň! Ilki eşiden zadyňyzy öz akyl süzgüjiňizden bir geçiriň! Her duş gelen adama ynanmaň. Olaryň edýän skrinşotlary siziň gözüňizi baglamasyn.
Üns ýereniňiz üçin minnetdar! Bu mowzuk şonuň ýaly zadyň anygyna ýetjek bolýan adamlara GOOGLE YANDEX ýaly ýerlerden gözlänlerinde peýda eder diýip umyt edýärin!

340

73

20

13

1

Mowzugy VIP edenler: